မန္တလေးမြို့ နန်းရှေ့ရှိ အမှတ်(၁)ရဲစခန်းအား ဗုံးဖြင့်ပစ်ခတ်တိုက်ခဲ့ကြောင်း မြို့ပြပြောက်ကျားတပ် Rangers Of Mandalay(ROM)က ယနေ့(ဒီဇင်ဘာ ၈)ညတွင် ထုတ်ပြန်သည်။
အဆိုပါ တိုက်ခိုက်မှုကြောင့် စစ်ကောင်စီလက် အောက်ခံ ရဲနှစ်ဦးသေဆုံးပြီး ၎င်းတို့ဘက်မှ ပြန်လည်ပစ်ခတ်မှုများရှိခဲ့သော်လည်း အောင်မြင်စွာဆုတ်ခွာနိုင်ခဲ့ကြောင်း ထုတ်ပြန်ချက်တွင် ဖော်ပြထားသည်။
“မတရားသေဆုံးသွားရသော ပြည်သူများအတွက် သွေးကြွေး”ဟု ROM က ဆိုသည်။
လက်ရှိအခြေအနေတွင် နန်းရှေ့လမ်းအား စစ်ကောင်စီတပ်များက ပိတ်လိုက်ပြီဖြစ်ပြီး ပြည်သူများအနေဖြင့် ရှောင်ကွင်းသွားလာကြရန် ပြောက်ကျားတက်ဖွဲ့က သတိပေးထားသည်။
ထို့အပြင် ပြည်သူများအဖြင့် CCTV များ ဖြုတ်ပေးကြရန်နှင့် ဒေသခံပြောက်ကျားတပ်ဖွဲ့(ပကဖ)များ၏ ထုတ်ပြန်ချက်များကို လိုက်နာပေးကြရန် အထူးလိုအပ်ကြောင်းလည်း ROM က ထောက်ပြသည်။
အထက်ပါတိုက်ခိုက်မှုကို Rangers Of Mandalay နှင့် Mandalay Revolution Youth Force တို့ ပူးတွဲစစ်ဆင်ရေးပြုလုပ်ခဲ့ခြင်း ဖြစ်သည်။
တိုက်ခိုက်ခံခဲ့ရသော မန္တလေးမြို့အမှတ်(၁) ရဲစခန်းမှာ ပြီးခဲ့သည့် နိုဝင်ဘာ ၃၀ ရက်ကလည်း မြို့ပြပြောက်ကျားတပ်ဖွဲ့တစ်ခုက လက်ပစ်ဗုံးဖြင့် ပစ်ခတ်တိုက်ခိုင်ခံရဖူးသည်။
People's Spring
မန္တလေး နန်းရှေ့ရဲစခန်း ဗုံးဖြင့်ပစ်ခတ်တိုက်ခိုက်ခံရ၊ ရဲနှစ်ဦးသေဟုဆို
Reviewed by THITHTOOLWIN
on
06:45
Rating:
No comments:
Post a Comment