လူ ၅၃ ဦးပါ အင်ဒိုရေတပ် ရေငုတ်သင်္ဘောပျောက်ဆုံး



Share/Bookmark
လူ ၅၃ဦးပါ အင်ဒိုရေတပ် ရေငုတ်သင်္ဘောပျောက်ဆုံး

အင်ဒိုနီးရှားရေတပ်က လူ ၅၃ ဦးပါ ရေငုပ်သင်္ဘောတစ်စင်း ဒီကနေ့မနက်မှာပျောက်ဆုံးသွားတာကြောင့် အိမ်နီးချင်း သြစတေးလျနိုင်ငံနဲ့ စင်္ကာပူကို အကူအညီတောင်းပြီး ရှာဖွေနေတယ်လို့ အင်ဒိုနီးရှားစစ်ဖက်အကြီးအကဲက ပြောပါတယ်။

ဂျာမဏီနိုင်ငံလုပ် KRI Nanggala-420 ရေငုပ်သင်္ဘောဟာ ဘာလီကျွန်းမြောက်ဖက်ရေပြင်နယ်နိမိတ်ထဲမှာ စစ်ရေးလေ့ကျင့်နေတာဖြစ်တယ်လို့လည်း ရေတပ်ပြောခွင့်ရသူက ပြောပါတယ်။

ဒီကနေ့မနက် ၄ နာရီခွဲလောက်မှာ သင်္ဘောနဲ့နောက်ဆုံးအဆက်အသွယ်ရခဲ့ပြီး ပျောက်ဆုံးနေတဲ့ရေငုပ်သင်္ဘောကို သြစတေးလျနဲ့ စင်္ကာပူနိုင်ငံရဲ့အကူအညီနဲ့ဝိုင်းရှာနေတယ်လို့လည်း စစ်ဖက်အကြီးအကဲ Hadi Tjahjanto ကအတည်ပြု ပြောဆိုပါတယ်။

ဒီကိစ္စနဲ့ပတ်သက်ပြီး သြစတေးလျနဲ့ စင်္ကာပူနိုင်ငံ ကာကွယ်ရေးဌာနကို မေးမြန်းခဲ့ပေမယ့် ချက်ချင်းအကြောင်းပြန်တာမရှိသေးပါဘူး။

အလေးချိန် ၁၃၉၅ တန်ရှိတဲ့ ဒီရေငုပ်သဘောကို ၁၉၇၈ ခုနှစ်မှာ ဂျာမန်တို့တည်ဆောက်ခဲ့တာဖြစ်ပြီး ၂၀၁၂ ခုနှစ်က တောင်ကိုရီးယားနိုင်ငံမှာ ၂ နှစ်ကြာ ပြန်လည်ပြင်ဆင်မွွမ်းမံထားတာဖြစ်တယ်လို့ အင်ဒိုနီးရှား ကက်ဘိနက်ဝန်ကြီးများရုံးအဖွဲ့ရဲ့အင်တာနက်စာမျက်နှာမျာ ဖော်ပြထားပါတယ်။ 


VOA (မြန်မာပိုင်း)

https://burmese.voanews.com/a/indonesia-searching-for-missing-submarine/5861345.html



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ