မြန်မာ့အရေး ချက်ခြင်းတုန့်ပြန်ဆောင်ရွက်ဖို့ အတွင်းရေးမှူးချုပ်ထံ ကုလအထူးအကြံပေးကောင်စီ တောင်းဆို



Share/Bookmark
ပဲခူးမြို့ စစ်အာဏာရှင်ဆန့်ကျင်ရေး ဆန္ဒပြ သပိတ်ခံတပ် (ဧပြီ ၉ ၊၂၀၂၁) (Photo း း HANTARWADI MEDIA via AFPTV "/ AFP)

ပဲခူးမြို့က ပင်မသပိတ်စခန်းတခုကို မြန်မာစစ်တပ်က ဝင်ရောက်ဖြိုခွင်းတဲ့အချိန်မှာ ပြည်သူ ၈၂ ဦးထက်မနည်းသေဆုံးခဲ့ရတဲ့အပြင် ထိတ်လန့်စရာအခြေအနေတွေပေါ်ပေါက်နေတဲ့အတွက် ကုလသမဂ္ဂအတွင်းရေးမှူးချုပ်အနေနဲ့ ချက်ချင်းတုန့်ပြန်ဆောင်ရွက်ဖို့ မြန်မာ့အရေး အထူးအကြံပေးကောင်စီအဖွဲ့ SAC-M ကတိုက်တွန်း တောင်းဆိုလိုက်ပါတယ်။

ZAWGYI/UNICODE ပဲခူးမြို့က ပင်မသပိတ်စခန်းတခုကို မြန်မာစစ်တပ်က ဝင်ရောက်ဖြိုခွင်းတဲ့အချိန်မှာ ပြည်သူ ၈၂ ဦးထက်မနည်းသေဆုံးခဲ့ရတဲ့အပြင် ထိတ်လန့်စရာအခြေအနေတွေပေါ်ပေါက်နေတဲ့အတွက် ကုလသမဂ္ဂအတွင်းရေးမှူးချုပ်အနေနဲ့ ချက်ချင်းတုန့်ပြန်ဆောင်ရွက်ဖို့ မြန်မာ့အရေး အထူးအကြံပေးကောင်စီအဖွဲ့ SAC-M ကတိုက်တွန်း တောင်းဆိုလိုက်ပါတယ်။

ပဲခူးမြို့သပိတ်စခန်းတခုကို စစ်ဖက်တပ်ဖွဲ့ဝင်တွေက သောကြာနေ့မနက်လင်းအားကြီးအချိန်မှာ ဝိုင်းပြီး မဲမဲမြင်သမ ျှ အဆက်မပြတ် ပစ်ခတ်တိုက်ခိုက်ခဲ့တယ်လို့လည်း SAC အဖွဲ့ရဲ့ ဧပြီလ ၁၂ ရက်နေ့ထုတ် ကြေငြာချက်မှာဖော်ပြထားပါတယ်။ အသတ်ခံရသူတွေရဲ့ အလောင်းတွေကိုဒရွတ်တိုက်ဆွဲပြီး ဘုရားဝင်းတခုထဲမှာ ဒဏ်ရာရထားသူတွေနဲ့ ရောပြီးစုပုံထားတယ်လို့လည်း ပြောထားပါတယ်။ ဒဏ်ရာရသူတွေကိုလည်းဆေးကုသခွင့်မပြုပဲ လူသေအလောင်းတွေကိုတော့ စနေနေ့မနက်မှာ သယ်ထုတ်သွားတယ်လို့လည်း ဆိုထားပါတယ်။

အာရုံတက်ချိန်မှာ ဝင်တိုက်ပြီး လူအစုလိုက်အပြုံလိုက်သတ်တာ၊ အလောင်းတွေစုပုံထားတာ၊ လူသေအလောင်းတွေကို မလေးမစားပြုမူတာ၊ သက်သေအထောက်အထားတွေကိုဖျက်ဆီးပစ်တဲ့ ဒီလို လုပ်ရပ်မျိုးတွေက စစ်တပ်ရဲ့ နယ်မြေရှင်းလင်းရေးမှာ လုပ်နေကျပုံစံမျိုးတွေဖြစ်ပါတယ်လို့ မြန်မာ့အရေအထူးအကြံပေးအဖွဲ့ SAC တည်ထောင်သူတဦးဖြစ်တဲ့ Yanghee Lee ကပြောထားပါတယ်။ စစ်တပ်ဟာ သူအကာအကွယ်ပေးရမယ့် သူတွေကို မဆင်မခြင်သတ်ဖြတ်နေတယ်လို့လည်း မစ္စ Yanghee Lee ကပြောပါတယ်။

ပဲခူးမြို့မှာ နာရီနဲ့ချီ မီးပြတ်သွားတဲ့ သောကြာနေ့ညေနေခင်းမှာပဲ စစ်ဖွဲ့တပ်ဖွဲ့ဝင်တွေက အိမ်တွေထဲ ဝင်ရောက်စီးနင်း ဖမ်းဆီးပြီး ပစ္စည်းတွေကို ဖျက်ဆီး လုယူခဲ့ကြတယ်လို့လည်း ကြေငြာချက်မှာပြောထားပါတယ်။ မြန်မာနဲ့အရှေ့တောင်အာရှနိုင်ငံတွေကို အတွင်းရေးမှူးချုပ်သွားရောက်ဖို့လည်း SAC အဖွဲ့က ပန်ကြားထားပါတယ်။

ပြည်သူတွေကိုကာကွယ်ပေးရမယ့် ကုသမဂ္ဂရဲ့တာဝန်ဝတ္တရားအရ အတွင်းရေးမှူးချုပ်အနေနဲ့ကုလသမဂ္ဂလုံခြုံရေးကောင်စီကို အရေးပေါ် ခေါ်ယူပြီး အရေးယူူဆောင်ရွက်မှုတွေလုပ်ဖို့လည်း မြန်မာ့အရေးအထူးအကြံပေးကောင်စီရဲ့ ကြေငြာချက်မှာ တိုက်တွန်းထားပါတယ်။

Special Advisory Council of Myanmar (SAC-M) အဖွဲ့ဟာ မြန်မာနိုင်ငံမှာ ဒီမိုကရေစီ၊ လူ့အခွင့်အရေး၊ ငြိမ်းချမ်းရေး၊ တရားမျှတမှုနဲ့ တာဝန်ယူမှု တာဝန်ခံမှုတွေ ပေါ်ပေါက်လာရေး မြန်မာပြည်သူတွေရဲ့ ကြိုးပမ်းမှုတွေကို ကူညီ ပံ့ပိုးပေးရေးအတွက် လွတ်လပ်တဲ့ နိုင်ငံတကာကျွမ်းကျင်သူတွေနဲ့ ဖွဲ့စည်းထားတဲ့ အဖွဲ့ြုဖစ်ပါတယ်။ 


VOA (မြန်မာပိုင်း)

https://burmese.voanews.com/a/5849701.html



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ