ဖားအံမြို့ရှိ ကလေးအထူးကု(အငြိမ်းစား) ဆရာဝန်တစ်ဦး ဖမ်းဆီးခံရ



Share/Bookmark

 


April 9, 2021 573

ဧပြီလ ၉ရက်၊ ၂၀၂၁ခုနှစ်။ ကေအိုင်စီ

ဖားအံမြို့၊ အမှတ်(၁)ရပ်ကွက်ရှိ ကြာအင်းဘက်တွင် ‘အာရုဏ်နှင်း’ကလေးအထူးကု ဆေးကုခန်းဖွင့်ထား သည့် ဒေါက်တာအုံးအုံးရီကို ဧပြီလ ၈ရက်နေ့ ညနေပိုင်းက အရပ်ဝတ်ဖြင့် ရဲများ လာရောက်ဖမ်းဆီးသွားခဲ့ ကြောင်း သိရသည်။

“မနေ့ညနေတုန်းကပဲ လာဖမ်းသွားတာ။ မနက်ပိုင်းတုန်းကတောင် ဆေးခန်းက ဖွင့်နေသေးတယ်။ အဲဒါ အရပ်ဝတ်တွေနဲ့ လာခေါ်သွားတာပဲလေ။”ဟု လုံခြုံရေးအရ အမည်မဖော်လိုသည့် ကိုယ်တိုင်မြင်တွေ့ခဲ့သူ တစ်ဦးက ကေအိုင်စီသို့ အတည်ပြု ပြောဆိုသည်။

၎င်းကလေးအထူးကု(အငြိမ်းစား)ဆရာဝန်၏ အိမ်ရှေ့တွင် CDM မလုပ်သည့်သူများကို ဆေးကုသမှုမပေး ကြောင်း ရေးသားထားပြီး ဆေးခန်းထဲရှိ သင်ပုန်းပေါ်၌လည်း အလားတူ ရေးသားထားသလို ဆေးခန်း၏ ခြံစည်းရိုးတံခါး၌လည်း ရေးချိတ်ထားသည့်အတွက်ကြောင့် ဖြစ်နိုင်ကြောင်း ခန့်မှန်းပြောဆိုနေကြသည်။

သို့သော် အသက် ၇၀ခန့်ရှိ အဆိုပါဆရာဝန်ကို မည်သည့်အကြောင်းကြောင့် မည်သည့်နေရာသို့ ဖမ်းဆီးသွား သည်ကို ယခုအချိန်ထိ မသိရှိရသေးပေ။


Karen Information Center -KIC

https://www.facebook.com/KICNewsPage



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ