ကျိုက်ထို Golden Palace ဟိုတယ်မှာ ရန်ကုန်က ဆေးကျောင်းသား ၁၁ ဦး ဖမ်းဆီးခံရ



Share/Bookmark

မတ် -၉-၂၀၂၁

ဆေးတက္ကသိုလ်(၁)ကျောင်းသား ကိုရှားထက်ပိုင် အပါအဝင် ဆေး(၁) ကျောင်းသား ၁၁ ဦးတို့ မွန်ပြည်နယ်၊ ကျိုက်ထိုမြို့နယ် Golden Palace ဟိုတယ်မှာ ဒီနေ့ မတ်လ ၉ ရက်နေ့ နေ့လယ်ပိုင်းက ဖမ်းဆီးခံခဲ့ရတယ်လို့ မြို့နယ်ရဲတပ်ဖွဲ့မှူး ရဲမှူးကျော်ဝင်း ထံကနေ သိရပါတယ်။

ရဲမှူးကျော်ဝင်းက "ကနေ့မွန်းတည့် ၁၂ နာရီခန့်မှာ ကျောင်းသားခေါင်းဆောင် ရှားထက်ပိုင် အပါအဝင် ကျောင်းသား ၁၁ ဦးဖမ်းဆီးရမိခဲ့တာပါ။ လက်တစ်လောတော့ ဖမ်းဆီးစစ်ဆေးနေဆဲဖြစ်ပြီး ဘာပုဒ်မတွေတပ်မလဲဆိုတာ မသိရသေးဘူး" လို့ ပြောပါတယ်။

အဲ့ဒီဆေးကျောင်းသား ၁၁ ဦးအနက် ၈ ဦးက အမျိုးသားတွေဖြစ်ပြီး ၃ ဦးကတော့ အမျိုးသမီးဖြစ်တယ်လို့ သိရပါတယ်။

အဲ့ဒီကျောင်းသားတွေနဲ့အတူ  ကား ၂ စီး၊ စကားပြောစက်၊ ကျည်ကာအင်္ကျီနဲ့ မီးသတ်ဆေးဗူးတွေ တွေ့ရှိခဲ့ပြီး သူတို့ကို ခလရ ၉၆ ထဲမှာ လတ်တလော ထိန်းသိမ်းထားတယ်လို့ သိရပါတယ်။

ဖေဖော်ဝါရီ ၁ ရက်နေ့မှာ တပ်က အာဏာသိမ်းယူခဲ့ပြီးနောက် ဆရာဝန်တွေကစတင်ပြီး အကြမ်းမဖက်အာဏာဖီဆန်တဲ့ CDM လှုပ်ရှားမှုကို ပြုလုပ်ခဲ့ကြပြီး လမ်းပေါ်ဆန္ဒပြမှုတွေကိုလည်း မန္တလေးမြို့မှာ ဆရာဝန်တဦးက ဦးဆောင်ပြီး ဖေဖော်ဝါရီ ၄ ရက်နေ့မှာ စတင်ခဲ့တာ ဖြစ်ပါတယ်။

လက်ရှိမှာတော့ ဆန္ဒပြပွဲတွေအတွင်း ဆေးတက္ကသိုလ်အသီးသီးက ကျောင်းသားတွေအပါအဝင် အခြားတက္ကသိုလ်တွေက ကျောင်းသားတွေလည်း ရာနဲ့ချီပြီး ဖမ်းဆီးခံထားရပါတယ်။


Golden Triangle Regional News - ရွှေတြိဂံဒေသသတင်းလွှာ

https://www.facebook.com/GoldenTriangleRegionalNews



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ