“သူရဲကောင်းတွေရဲ့ ပေးဆပ်မှုနဲ့ မြန်မာ့နွေဦးဟာ ကမ္ဘာအရေးဖြစ်လာပြီ”
ဒီနေ့ပြည်သူတွေ ဆန္ဒပြနေကြတာဟာ အာဏာလုစစ်ကောင်စီကိုပါ။အခုဆိုရင် အကြမ်းဖက်အုပ်စုတောင် ဖြစ်နေပါပြီ။
အခု CRPH အဖွဲ့ရဲ့ခန့်အပ်မှုက ပြည်သူ့အစိုးရပါ။
ရွေးကောက်ခံ Mandate ပါ။
CRPH ဟာ ယခုဖော်ပြပါ ကြေညာချက် ထွက်နိုင်အောင်အဖွဲ့အစည်းအတွင်း၊အပြင်ဆွေးနွေးမှုများစွာ လုပ်ခဲ့ရပါတယ်။အခြေအနေပေါင်းစုံအရ ခေတ္တ ပြည်ထောင်စုဝန်ကြီး ခန့်အပ်မှုတွေဟာ အရေးပါတဲ့ ဆုံးဖြတ်ချက်တွေပါ။
ဒီလိုဖွဲ့စည်းလိုက်တော့ နိုင်ငံတကာနဲ့ဆွေးနွေးတဲ့အခါ အကြမ်းဖက်ခံပြည်သူတွေကို အကာအကွယ်ပေးနိုင်ဖို့ အစီအစဥ်တွေ ချမှတ်ရေးဟာ ရှေ့ဆုံးက ပါလာပါလိမ့်မယ်။ဒါအပြင် ကျန်တဲ့အရေးကြီးလုပ်ငန်းစဥ်တွေလည်း လုပ်နိုင်ဖို့ပါ။
ကျနော်တို့အနေနဲ့ ဖမ်းဆီးခံ၊ထိခိုက် အသက်စွန့်ရတဲ့ သူရဲကောင်းတွေရဲ့ ပေးဆပ်မှုတွေအတွက် အလေးအမြတ်ပြုကြသလို သူတို့မျှော်မှန်းတဲ့ အနာဂါတ်ရောက်အောင်လည်း အားလုံးဟာ တာဝန်ကိုယ်စီခွဲဝေထမ်းနေကြတာ တွေ့ရပါတယ်။
ယခု ခေတ္တတာဝန်တွေနဲ့ အစိုးရဟာ ပြည့်စုံပြီလားမေးနိုင်ပါတယ်။မပြည့်စုံသေးပါဘူး။တိုင်းရင်းသားတွေနဲ့ ဆွေးနွေးနေပါတယ်။ အမျိုးသားညီညွတ်ရေး အစိုးရဖွဲ့ဖြစ်တဲ့အထိ မျှော်မှန်းပါတယ်။
လက်တလောတော့ အရေးတကြီးချက်ချင်း အလုပ်တွေအတွက် လိုအပ်သမျှ တာဝန်အပ်နှင်းတာပါ။ယခု ကိုယ်စားလှယ်တွေ ကမ္ဘာကြီးနဲ့လှည့်ပါတ်ဆွေးနွေးနေပါပြီ။
ကိုယ်စီတာဝန်တွေထမ်းဆောင်နေကြချိန်မို့လိုရင်းဖြစ်တဲ့ ယခု CRPH ခေတ္တ ပြည်ထောင်စုအစိုးရအဖွဲ့ကို အပြည့်ထောက်ခံပေးကြဖို့တိုက်တွန်းပါတယ်။
သူရဲကောင်းတွေရဲ့ ပေးဆပ်မှုနဲ့ မြန်မာ့နွေဦးဟာ ကမ္ဘာအရေးဖြစ်လာပြီ။ ဒါဟာ လူမျိုးတမျိုး ကိစ္စမက လူသားမျိုးနွယ်တခုလုံး ကိစ္စဖြစ်ကြောင်း ပြနေကြတာပါ။
အရေးတော်ပုံ အောင်ရမည်။
#မင်းကိုနိုင်
(၃-၃-၂၀၂၁)
The Mandalay News Journal
Reviewed by THITHTOOLWIN
on
09:38
Rating:
No comments:
Post a Comment