IS စစ်သွေးကြွတွေကို အမြစ်ပြတ်ရှင်းလင်းမယ်လို့ အာဖဂန်သမ္မတပြော


IS အစွန်းရောက်အဖွဲ့ ခိုလှုံနေတဲ့ နေရာမှန်သမျှကို အမြစ်ပြတ်ရှင်းလင်းသွားမယ်လို့ အာဖဂန်နစ္စတန် သမ္မတက အခိုင်အမာ ပြောလိုက်ပါတယ်။

အာဂဖန်နစ္စတန် နှစ် ၁၀၀ ပြည့် လွတ်လပ်ရေးနေ့ဖြစ်တဲ့ ဒီကနေ့မှာ သမ္မတ Ashraf Ghani က အဲဒီလိုပြောတာပါ။ စနေနေ့ နှောင်းပိုင်းက မင်္ဂလာဆောင်ပွဲတခုမှာ ဗုံးခွဲတိုက်ခိုက်တာကြောင့် ကလေးငယ်တွေအပါအဝင် လူပေါင်း ၆၃ ဦးထက်မနည်း သေဆုံးပြီး ၁၈၀ ကျော် ဒဏ်ရာရခဲ့တဲ့ဖြစ်ရပ် ဖြစ်ပြီးတဲ့နောက် သမ္မတက အခုလိုပြောတာလည်းဖြစ်ပါတယ်။

ကာဘူးလ်မြို့တော်မှာဖြစ်တဲ့ အဲဒီဗုံးခွဲတိုက်ခိုက်မှုဟာ သူတို့လက်ချက်ဖြစ်တယ်လို့ IS အစွန်းရောက်အုပ်စုရဲ့ အာဖဂန်အဖွဲ့ခွဲက ပြောထားပါတယ်။

ဒါပေမယ့်လည်း ဒီ ဆိုးရွား ထိတ်လန့်ဖွယ် တိုက်ခိုက်မှုအတွက် တာလီဘန်အဖွဲ့မှာလည်း တာဝန်ရှိတယ်လို့ သမ္မတ Ghani က ပြောပါတယ်။ ကျောင်းတွေ၊ ဗလီတွေနဲ့ အများပြည်သူနဲ့ဆိုင်တဲ့ တခြားနေရာတွေကို တာလီဘန်အဖွဲ့ကိုယ်တိုင်က နှစ်ပေါင်း များစွာ ရက်ရက်စက်စက် တိုက်ခိုက်ခဲ့တာတွေကြောင့် တခြားအကြမ်းဖက်ဝါဒီတွေ တိုက်ခိုက်ဖို့အတွက် ဖန်တီးပေးထားသလို ဖြစ်နေတယ်လို့ ပြောပါတယ်။

မင်္ဂလာပွဲမှာ ဗုံးခွဲတိုက်ခိုက်မှုကို တာလီဘန်အဖွဲ့က ပြစ်တင် ရှုတ်ချထားပါတယ်။ အမျိုးသမီးတွေနဲ့ ကလေးငယ်တွေအပါအဝင် အရပ်သားတွေအပေါ် ဒီလို ရက်ရက်စက်စက် ရည်ရွယ်ချက်နဲ့ တိုက်ခိုက်တာမျိုးကို ပိတ်ပင်တားမြစ်ထားပြီး ခွင့်လွှတ်စရာ အကြောင်းမရှိဘူးလို့ တာလီဘန်ပြောခွင့်ရတဦးက ပြောပါတယ်။

ဒီကနေ့မှာလည်း နိုင်ငံအရှေ့ပိုင်း နန်ဂါဟာပြည်နယ်၊ Jalalabad မြို့တော်တွင်းနဲ့ ပတ်ဝန်းကျင်မှာ ပေါက်ကွဲမှု ၁၁ ခုဖြစ်တာ ကြောင့် ကလေးငယ် အယောက် ၂၀ အပါအဝင် လူ ၅၀ ကျော် ဒဏ်ရာရသွားပါတယ်။

BBC Burmese
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ