ရာသီတုပ္ေကြး H1N1 နဲ႔ ေသဆုံးသူ ၈၇ ဦးအထိရွိ



Share/Bookmark
ရန္ကုန္ျပည္သူ႔ေဆးရုံႀကီးတြင္ H1N1 ကူးစက္ေရာဂါနဲ႔ ကြယ္လြန္သြားတယ္လို႔ သံသယရွိတဲ့ အမ်ဳိးသားတစ္ဦးရဲ႕ ရုပ္အေလာင္းကို ေရေ၀းသုႆာန္မီးသၿဂႋဳဟ္စက္သို႔ ၂၀၁၉ ဇြန္ ၁၉ ရက္ေန႔က ပို႔ေဆာင္စဥ္
ရာသီတုပ္ေကြး H1N1 နဲ႔ ေသဆုံးသူ ၈၇ ဦး အထိရွိသြားၿပီျဖစ္လို႔ က်န္းမာေရးနဲ႔ အားကစား ဝန္ႀကီးဌာနက မေန႔ညေနပိုင္းက ထုတ္ျပန္ပါတယ္။

H1N1 ေရာဂါ ကူးစက္ခံရသူေတြထဲက ဇြန္လပိုင္းထဲမွာ တစ္ေယာက္၊ ဇူလိုင္လထဲမွာ ၂၅ ေယာက္နဲ႔ ၾသဂုတ္လမွာ ၆၁ ေယာက္ ေသဆုံးခဲ့တာေၾကာင့္ စုစုေပါင္း ေသဆုံးသူ ၈၇ ေယာက္ ရွိခဲ့တာျဖစ္ပါတယ္။

ဇန္နဝါရီလ ၁ ရက္ေန႔ကေန ၾသဂုတ္လ ၃ ရက္ေန႔အထိ ျမန္မာနုိင္ငံအႏွံ႔မွာ H1N1 ကူးစက္ခံရေၾကာင္း သံသယလူနာ ၁၁၀၀ ရွိၿပီး အဲဒီထဲက ၄၅၈ ေယာက္မွာ ေရာဂါပုိးကူးစက္ခံရေၾကာင္း ဓာတ္ခြဲစမ္းသပ္အတည္ျပဳခဲ့တယ္လို႔ ထုတ္ျပန္ထားပါတယ္။

ေရာဂါကူးစက္ခံရသူအမ်ားစုဟာ ရန္ကုန္တုိင္းမွာ ေနထုိင္သူေတြျဖစ္ၿပီး ေသဆုံးသူကလည္း ၆၃ ေယာက္အထိ အမ်ားဆံုးျဖစ္ပါတယ္။

က်န္းမာေရးဌာန ထုတ္ျပန္ခ်က္အရ ခ်င္းျပည္နယ္နဲ႔ ရွမ္းျပည္နယ္ (အေရွ႕ပုိင္း) က လြဲၿပီး က်န္တဲ့ တုိင္းေဒသႀကီးနဲ႔ ျပည္နယ္ေတြမွာ H1N1 ေရာဂါပုိး ကူးစက္ခံရသူေတြ ရွိေနပါတယ္။

အသက္ ငါးႏွစ္ေအာက္ ကေလးငယ္ေတြနဲ႔ အသက္ ၆၅ ႏွစ္အထက္လူႀကီးေတြဟာ H1N1 ေရာဂါပုိး ကူးစက္ခံရႏိုင္ေျခ အမ်ားဆုံးျဖစ္တယ္လုိ႔လည္း သိရပါတယ္။

RFA Burmese
https://www.rfa.org

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ