မိုင်းဖြတ်၌ မော်တော်ယာဉ်တစ်စီး တိမ်းမှောက်မှုဖြစ်ပွားရာမှ အမျိုးသမီးတစ်ဦးသေဆုံး


မိုင်းဖြတ် ဩဂုတ် ၂၉

ရှမ်းပြည်နယ်(အရှေ့ပိုင်း)၊ မိုင်းဖြတ်မြို့နယ်တွင် ဩဂုတ်လ ၂၈ရက် ညနေ ၃နာရီ မိနစ် ၄ဝခန့်က ကျိုင်းတုံ ဘက်မှ တာချီလိတ်ဘက်သို့ မောင်းနှင်လာသည့် မော်တော်ယာဉ်တစ်စီးသည် မိုင်တိုင်အမှတ် ၇၁၈/၇၁၉ ကီလိုမီတာကြားတွင် အရှိန်လွန်တိမ်းမှောက်မှုဖြစ်ပွားခဲ့ပြီး ယာဉ်ပေါ်ပါအမျိုးသမီးတစ်ဦး သေဆုံးခဲ့ကြောင်း သိရသည်။

ဖြစ်စဉ်မှာ ဩဂုတ်လ ၂၈ရက် ညနေ၃နာရီ မိနစ်၎ဝခန့်က ကျိုင်းတုံဘက်မှ တာချီလိတ်ဘက်သို့ ယာဉ်မောင်း ဦးသိန်းတန်(သ)၅ဝနှစ် မောက်ဥက္ကလာပမြို့နယ်နေသူ မောင်းနှင်လာသည့် ယာဉ်အမှတ်(DD/------) NISSAN AD VY12 အမျိုးအစား (အဖြူရောင်)ယာဉ်သည် မိုင်တိုင်အမှတ် ၇၁၈/၇၁၉ ကီလိုမီတာကြားအရောက် ကုန်းဆင်းတွင် အရှိန်မထိန်းနိုင်၍ လမ်း၏ဝဲဘက်ခြမ်း တောင်နံရံအား ဝင်တိုင်ခဲ့မိပြီး ယာဉ်ပေါ်ပါ ခရီးသည် ဒေါ်ခင်သန္တာစော(သ)၄၄နှစ်တွင် နဖူး(၃)လက်မခန့် ချိုင့်ဝင်ပေါက်ပြဲဒဏ်ရာ တစ်ချက်ရရှိကာ မိုင်းဖြတ်မြို့ပြည်သူ့ ဆေးရုံမှတစ်ဆင့် ကျိုင်းတုံပြည်သူ့ဆေးရုံသို့ပို့ဆောင်ခဲ့ရာ ကျိုင်းတုံပြည်သူ့ဆေးရုံသို့ ရောက်ရှိစဉ်သေဆုံးခဲ့ ကြောင်း သိရသည်။

ဖြစ်စဉ်နှင့်စပ်လျဉ်း၍ ယာဉ်မောင်း ဦးသိန်းတန်(၅၀)နှစ်အား မိုင်းဖြတ်မြို့မရဲစခန်းမှ အမှုဖွင့်အရေးယူဆောင်ရွက်လျက်ရှိကြောင်း သိရသည်။

သန်းထွန်းအေး(ပြန်/ဆက်)
Myanmaalinn
https://www.facebook.com/MYANMAALINNNEWS/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ