ဘားအံနဲ့ ဘီးလင်းမှာ မြစ်ရေတက်ပြီး ရေဘေးဒုက္ခသည် ထောင်ချီရှိနေ

ဘားအံမြို့က ရပ်ကွက်တချို့မှာ ရေကြီးနေတာကို ၂၀၁၉ သြဂုတ် ၈ ရက်နေ့ကတွေ့ရစဉ်
ကရင်ပြည်နယ်မှာ မိုးအဆက်မပြတ်ရွာပြီး သံလွင်မြစ်ရေတက်တာကြောင့် ဘားအံမြို့ပေါ်ရှိ ရပ်ကွက်တချို့မှာ ရေကြီးနစ်မြုပ်နေတဲ့အတွက် ကယ်ဆယ်ရေးစခန်း ၆ ခု ဖွင့်လှစ်ထားရပါတယ်။

ပြည်နယ်အစိုးရအစီအစဉ်နဲ့ ရေဘေးဒုက္ခသည်တွေ ခိုလှုံနေထိုင်ဖို့ မိုးလုံလေလုံအားကစားရုံ၊ ရွှေရင်မျှော်၊ အစ္စလာမ်ကျောင်း၊ အထက(၃)စတဲ့နေရာတွေမှာ ကယ်ဆယ်ရေးစခန်းတွေ ဖွင့်လှစ်ပေးထားတာဖြစ်ပါတယ်။

ရေဘေးဒုက္ခသည်တွေကို ပြည်နယ်ဝန်ကြီးချုပ် ဒေါ်နန်းခင်ထွေးမြင့်နဲ့ အစိုးရအဖွဲ့ဝန်ကြီးတွေ ဒီနေ့သွားရောက်ကြည့် ရှုခဲ့ပြီး ပြီးခဲ့တဲ့နှစ်ကလောက်ရေမကြီးပေမယ့် ရေဘေးကယ်ဆယ်ရေးအတွက် အဆင့်သင့်ပြင်ဆင်ထားကြောင်း ကရင်ပြည်နယ်ဝန်ကြီးချုပ် ဒေါ်နန်းခင်ထွေးမြင့် က RFA ကို ပြောပါတယ်။

ဒီလိုရေကြီးနစ်မြုပ်တာကြောင့် တစ်ချိုနှစ်ထပ်ရှိတဲ့နေအိမ်တွေမှာ နေထိုင်လို့ရပေမယ့် တချို့တထပ်နေအိမ်တွေဟာ နေထိုင်လို့မရတော့ ဒုက္ခသည်စခန်းကို ရွေ့ပြောင်းနေထိုင်နေရတာဖြစ်ပါတယ်။

ရေနစ်မြုပ်တဲ့နေအိမ်တွေမှာ ပစ္စည်းတွေ ရွေ့ပြောင်းဖို့နဲ့ သွားလာရေးအတွက် လှေလိုအပ်ပြီး လှေမရှိရင် အခက်အခဲ ရှိကြပါတယ်။

ပြီးခဲ့တဲ့ရက်ပိုင်းကလည်း မြဝတီမြို့မှာ မိုးအဆက်မပြတ်ရွာပြီး သောင်းရင်းမြစ်ရေတက်တာကြောင့် ရေကြီးနေပြီး ကျောက်လုံးကြီးပြန်လည်လက်ခံရေးစခန်းမှာ ရေဘေးဒုက္ခသည်တွေကို ရွေ့ပြောင်းထားရပါတယ်။

အလားတူ မွန်ပြည်နယ် ဘီးလင်းမြို့မှာလည်း မိုးတွေ အဆက်မပြတ်ရွာသွန်းတာကြောင့် ဘီးလင်းမြစ်ရေတက်ပြီး လူပေါင်း ၁၈၀၀ ကျော်ကို ကယ်ဆယ်ရေးစခန်း ၁၉ ခုမှာ ရွှေ့ပြောင်းထားရတယ်လို့ သိရပါတယ်။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ