တောင်ကုတ်မှာ တပ်မတော်က ဖမ်းဆီးထားသူနှစ်ဦးထဲက တစ်ဦးသေဆုံး

တောင်ကုတ်မြို့ မြေပုံ
ရခိုင်ပြည်နယ် တောင်ကုတ်မြို့မှာ ပြီးခဲ့တဲ့ ဇူလိုင်လ ၂၇ ရက်နေ့က AA နဲ့ ပတ်သက်မှုရှိတယ်ဆိုပြီး တပ်မတော်က ဖမ်းဆီးထားတဲ့သူ နှစ်ဦးထဲက တစ်ဦး သေဆုံးသွားတယ်လို့ သတင်းတွေ ထွက်ပေါ်ခဲ့ပါတယ်။

အမည်မဖော်လိုတဲ့ ဒေသခံတစ်ဦးကတော့ သေဆုံးသွားသူဟာ ရမ်းဗြဲမြို့နယ်က ရခိုင်လူမျိုး တစ်ဦးဖြစ်တယ်လို့ ပြောပါတယ်။

သေဆုံးသွားသူနဲ့ ပတ်သက်ပြီး ဆေးရုံက ဖျားနာလို့ သေဆုံးတယ်ဆိုတဲ့ ဆေးစာထွက်လာပြီး ရဲတပ်ဖွဲ့က သေဆုံးသွားသူကိုလည်း အလျင်အမြန်သဂြိင်္ုလ်ဖို့ ဖိအားပေးတဲ့အတွက် ချက်ချင်း သဂြိင်္ုလ်လိုက်တယ်လို့ ဆက်ပြောပါတယ်။

ဒီအကြောင်းနဲ့ ပတ်သက်ပြီး သက်ဆိုင်ရာ အထွေထွေ အုပ်ချုပ်ရေးကို RFA က ဆက်သွယ်မေးမြန်းချိန်မှာ မသိရှိကြောင်းသာ ပြောပါတယ်။

ဒါနဲ့ ပတ်သက်ပြီး တောင်ကုတ် ရဲစခန်းကို RFA ကဆက်သွယ်မေးမြန်းချိန်မှာ AA အဖွဲ့နဲ့ ပတ်သက်လို့ ဖမ်းဆီးတာမဟုတ်ဘဲ တပ်ပြေးတွေသာ ဖြစ်ကြောင်း ပြောပါတယ်။

တပ်မတော်သတင်းမှန် ပြန်ကြားရေးအဖွဲ့ အတွင်းရေးမှူး ဗိုလ်မှူးချုပ် ဇော်မင်းထွန်းကလည်း AA အဖွဲ့နဲ့ ဆက်သွယ်လို့ ဖမ်းဆီးတာမဟုတ်ဘဲ တပ်ကထွက်ပြေးသွားတဲ့အတွက် ပြီးခဲ့တဲ့ ဇူလိုင်လ ၂၇ ရက်နေ့က ဖမ်းဆီးလိုက်တာ ဖြစ်တယ်လို့ အတည်ပြုပြောပါတယ်။

ဖမ်းဆီးထားတဲ့သူ နှစ်ဦးထဲက တစ်ဦးသေဆုံးတယ်ဆိုတဲ့ သတင်းနဲ့ ပတ်သက်လို့တော့ ဗိုလ်မှူးချုပ် ဇော်မင်းထွန်းက သူ့အနေနဲ့ မသိသေးတာကြောင့် အတည်ပြုပေးနိုင်ခြင်းမရှိဘူးလို့ ဆိုပါတယ်။

ရခိုင်ပြည်နယ် ပုဏ္ဏားကျွန်း၊ ရသေ့တောင်၊ မြောက်ဦး၊ မင်းပြား၊ ကျောက်တော်၊ ဘူးသီးတောင် စတဲ့မြို့နယ် ၆ ခုမှာ ဧပြီလ ၂ ရက်နေ့အထိ စစ်ဘေးဒုက္ခသည်အိမ်ထောင်စု ၆၀၉၄ စုနဲ့ လူဦးရေ ၂၆၅၀၀ ခန့်ရှိနေပြီလို့ ရခိုင်ပြည်နယ် အစိုးရအဖွဲ့က ထုတ်ပြန်ထားပါတယ်။

ဒါ့အပြင် နှစ်ဘက် တိုက်ပွဲကာလတလျှောက် ပြီးခဲ့တဲ့နှစ် ဒီဇင်ဘာလကနေ ဇွန်လအထိ အရပ်သား သေဆုံးမှု ကတော့ ၆၀ ခန့်ရှိနေပြီး ဒဏ်ရာရပြီး ဆေးရုံတက်ကုသခဲ့ရတဲ့ အရပ်သားကတော့ ၁ဝဝ ကျော်အထိ ရှိနေပြီ ဖြစ်ပါတယ်။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ