 |
| ရေပိုလွှဲကနေ ရေ ၂ပေကျော်စပြုလို့ အရေးပေါ်အခြေအနေအဆင့် ( ၁ ) အဖြစ် အစိမ်းရောင်အလံ စိုက်ပြီး အသိပေးထား |
'' အခုကတော့ ကြီးအုံကြီးဝရဲ့ ရေပိုလွှဲကနေ ၂ပေကျော်လောက်ပဲ ကျော်ကာစရှိပါသေးတယ်။ ပြည်သူလူ ထုကို အလေ့အထဖြစ်အောင် ပညာပေးတဲ့အနေနဲ့ ဆည်နားမှာရှိတဲ့ ရွာတွေကို ပထမ ဒါ အလံအစိမ်း စိုက်လိုက်တာပေါ့။ ဒါက ရေပိုလွှဲကနေ ရေစကျော်နေပြီဆိုတာ အချက်ပြလိုက်တာပေါ့။ အဲဒီကနေထပ်ပြီး ကျော်လာမယ် နည်နည်းအန္တရာယ်အဆင့်နီးလာပြီဆိုရင်တော့ ကျေးရွာတွေမှာ အဝါရောင်အလံစိုက်တာ ပေါ့။ အခုကတော့ ဆည်မြောင်းဦးစီးဌာနကပညာပေးတဲ့အနေနဲ့ ရွာတွေမှာအလံစိုက်ပြီး သတိပေးတာပါ။ အန္တရာယ်ရှိတဲ့အနေအထားတော့မဟုတ်သေးပါဘူး '' လို့ ဦးထွန်းထွန်းကပြောပါတယ်။
နောက်ဆုံးအဆင့်အနေနဲ့ ရေပိုလွှဲကနေရေကျော်စီးထွက်မှုဟာရေပိုလွှဲအဆောက်အအုံ ကျိုးပေါက်ပျက်စီး စေနိုင်တဲ့အခြေအနေထိဖြစ်ပေါ်လာပြီဆိုရင်တော့ အခြေအနေ ဖြစ်ပေါ်နိုင်ခြင်းကို အရေးပေါ်အခြေအနေ အဆင့်(၃) အဖြစ် အနီရောင်အလံတွေကို အန္တရာယ်ရှိနိုင်တဲ့ ကျေးရွာတွေမှာလိုက်လံစိုက်ထူပြီး အသံချဲ့ စက်တွေနဲ့ ကြေညာပေးမှာဖြစ်တယ်လို့လည်း သိရပါတယ်။
 |
| ၂၀၁၈ခုနှစ်က ဆွာချောင်းရေလှောင်တမံ ရေပိုလွှဲနံရံ ပြိုကျလို့ ဆွာချောင်း တံတားနိမ့်ဆင်းသွားခဲ့ရ |
ပြီးခဲ့တဲ့ ၂၀၁၈ ခုနှစ် သြဂုတ်လမှာတော့ ပဲခူးတိုင်းအတွင်းက ဆွာချောင်းရေလှောင်တမံရဲ့ ရေပိုလွှဲ ဆည်နံရံပြိုကျခဲ့တဲ့အတွက် စိုးရိမ်စရာမလိုဘူးလို့ သက်ဆိုင်ရာဌာနတွေက အစောပိုင်းမှာပြောဆိုခဲ့ပေမယ့် ရွာ ၅ရွာက လူသောင်းနဲ့ချီရေဘေးသင့်ခဲ့ရပြီး လူ ၅ဦးထက်မနည်းသေဆုံးခဲ့ရပါတယ်။
BBC Burmese
https://www.bbc.com
ပွင့်ဖြူမြို့နယ် ကြီးအုံကြီးဝတမံ ရေပိုလွှဲမှ ရေကျော်၊ ကျေးရွာတွေမှာ အလံစိမ်းစိုက်ပြီး သတိပေးထား
Reviewed by THITHTOOLWIN
on
00:28
Rating:
Reviewed by THITHTOOLWIN
on
00:28
Rating:
