ပွင့်ဖြူမြို့နယ် ကြီးအုံကြီးဝတမံ ရေပိုလွှဲမှ ရေကျော်၊ ကျေးရွာတွေမှာ အလံစိမ်းစိုက်ပြီး သတိပေးထား

 ရေပိုလွှဲကနေ ရေ ၂ပေကျော်စပြုလို့ အရေးပေါ်အခြေအနေအဆင့် ( ၁ ) အဖြစ် အစိမ်းရောင်အလံ စိုက်ပြီး အသိပေးထား
မကွေးတိုင်းဒေသကြီး ပွင့်ဖြူမြို့နယ်အတွင်းမှာရှိတဲ့ ကြီးအုံကြီးဝ တမံ ရေပိုလွှဲကနေ ရေကျော်နေလို့ မုန်းချောင်းဘေးမှာရှိတဲ့ကျေးရွာတွေက ဒေသခံတွေသတိထားနိုင်ဖို့ အတွက် အရေး ပေါ် အခြေ အနေအဆင့်(၁)အဖြစ် အစိမ်းရောင်အလံတွေစိုက်ထူပြီး အသိပေးထားတယ်လို့ ပွင့်ဖြူမြို့နယ် ပြည်သူ့လွှတ်တော်ကိုယ်စားလှယ် ဦးထွန်းထွန်းက ဘီဘီစီကို ပြောပါတယ်။

'' အခုကတော့ ကြီးအုံကြီးဝရဲ့ ရေပိုလွှဲကနေ ၂ပေကျော်လောက်ပဲ ကျော်ကာစရှိပါသေးတယ်။ ပြည်သူလူ ထုကို အလေ့အထဖြစ်အောင် ပညာပေးတဲ့အနေနဲ့ ဆည်နားမှာရှိတဲ့ ရွာတွေကို ပထမ ဒါ အလံအစိမ်း စိုက်လိုက်တာပေါ့။ ဒါက ရေပိုလွှဲကနေ ရေစကျော်နေပြီဆိုတာ အချက်ပြလိုက်တာပေါ့။ အဲဒီကနေထပ်ပြီး ကျော်လာမယ် နည်နည်းအန္တရာယ်အဆင့်နီးလာပြီဆိုရင်တော့ ကျေးရွာတွေမှာ အဝါရောင်အလံစိုက်တာ ပေါ့။ အခုကတော့ ဆည်မြောင်းဦးစီးဌာနကပညာပေးတဲ့အနေနဲ့ ရွာတွေမှာအလံစိုက်ပြီး သတိပေးတာပါ။ အန္တရာယ်ရှိတဲ့အနေအထားတော့မဟုတ်သေးပါဘူး '' လို့ ဦးထွန်းထွန်းကပြောပါတယ်။

နောက်ဆုံးအဆင့်အနေနဲ့ ရေပိုလွှဲကနေရေကျော်စီးထွက်မှုဟာရေပိုလွှဲအဆောက်အအုံ ကျိုးပေါက်ပျက်စီး စေနိုင်တဲ့အခြေအနေထိဖြစ်ပေါ်လာပြီဆိုရင်တော့ အခြေအနေ ဖြစ်ပေါ်နိုင်ခြင်းကို အရေးပေါ်အခြေအနေ အဆင့်(၃) အဖြစ် အနီရောင်အလံတွေကို အန္တရာယ်ရှိနိုင်တဲ့ ကျေးရွာတွေမှာလိုက်လံစိုက်ထူပြီး အသံချဲ့ စက်တွေနဲ့ ကြေညာပေးမှာဖြစ်တယ်လို့လည်း သိရပါတယ်။

၂၀၁၈ခုနှစ်က ဆွာချောင်းရေလှောင်တမံ ရေပိုလွှဲနံရံ ပြိုကျလို့ ဆွာချောင်း တံတားနိမ့်ဆင်းသွားခဲ့ရ
' ' ဒါကတော့ ဆည်မြောင်းက ဆည်အောက်က အဓိက မုန်းချောင်းဘေးက ရွာတွေကို အလံစိုက်ပြီး အသိပေးပေးပါ။ ဒါနဲ့ပတ်သက်ပြီး ရပ်ကျေးတွေကတဆင့် ရှင်းပြပေးပါဆိုလို့ လုပ်ပေးရတာပါ။ အလံစိမ်း ကတော့ စိုးရိမ်စရာမရှိဘူးပေါ့လေ။ ဒါက ဆည်မြောင်းက ဒီလိုအသိပေးတာက ဒီနှစ်မှ ပထမဆုံးစလုပ် လိုက်တော့ လူတွေစိတ်ထဲ သို့လောသို့လောဖြစ်ကုန်တာ။ စိုးရိမ်စရာရှိလာရင် အဝါရောင် အဆင့်ဆိုရင် လည်း အချိန်မီအသိပေးပါ့မယ်လို့ ''လို့ ပွင့်ဖြူမြို့နယ် အထွေထွေအုပ်ချုပ်ရေးမှူး ဦးထွန်းရွှေကဘီဘီစီကို ပြောပြပါတယ်။

ပြီးခဲ့တဲ့ ၂၀၁၈ ခုနှစ် သြဂုတ်လမှာတော့ ပဲခူးတိုင်းအတွင်းက ဆွာချောင်းရေလှောင်တမံရဲ့ ရေပိုလွှဲ ဆည်နံရံပြိုကျခဲ့တဲ့အတွက် စိုးရိမ်စရာမလိုဘူးလို့ သက်ဆိုင်ရာဌာနတွေက အစောပိုင်းမှာပြောဆိုခဲ့ပေမယ့် ရွာ ၅ရွာက လူသောင်းနဲ့ချီရေဘေးသင့်ခဲ့ရပြီး လူ ၅ဦးထက်မနည်းသေဆုံးခဲ့ရပါတယ်။

BBC Burmese
https://www.bbc.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ