မြန်မာအမျိုးသမီး တစ်ဦးကို လူကုန်ကူးမှုနဲ့ ထိုင်းရဲတပ်ဖွဲ့ဖမ်းဆီး

(ထိုင်းနိုင်ငံက လူဝင်မှုကြီးကြပ်ရေး ရဲတစ်ဦးကို တွေ့ရစဉ်)
ထိုင်းနိုင်ငံ တောင်ပိုင်း စမုတ်စခွန်ခရိုင်မှာ အသက် (၃၇) ခုနှစ်အရွယ် မြန်မာ အမျိုးသမီးတစ်ဦးကို လူကုန်ကူးမှု၊ တရားမ၀င် အလုပ်သမားတွေကို အကာအကွယ်ပေးမှုနဲ့ အခုလ အစောပိုင်းက ဖမ်းဆီးအရေးယူခဲ့တယ်လို့ ထိုင်းနိုင်ငံ လူဝင်မှုကြီးကြပ်ရေးမှူး ရဲအရာရှိက မနေ့က ပြောကြားလိုက်ပါတယ်။

ဒီအမှုဟာ လူမှောင်ခိုဂိုဏ်းတစ်ခုရဲ့ အစိတ်အပိုင်းတစ်ခုဖြစ်ပြီး၊ ထိုင်းနိုင်ငံသား စာပို့ကားမောင်းသူကို ဖမ်းဆီးစစ်ဆေးရာမှာ ဆက်စပ်ပြီးတော့ ဖော်ထုတ်နိုင်ခဲ့တာဖြစ်တယ်လို့ ထိုင်းရဲတပ်ဖွဲ့က ပြောပါတယ်။

ဖမ်းဆီးရမိတဲ့ ကားမောင်းသူဟာ တရားမ၀င် မြန်မာနိုင်ငံသား အလုပ်သမား (၁၃) ယောက်ကို ထိုင်း၊ မလေးရှားနယ်စပ်ကို ပို့ဆောင်ပေးရင်း ဆောင်ခလခရိုင်မှာ မေလက ဖမ်းဆီးခဲ့တာဖြစ်ပါတယ်။

ဒီလဆန်းပိုင်းက ဖမ်းဆီးခဲ့တဲ့ မြန်မာအမျိုးသမီးက မြန်မာအလုပ်သမားတွေကို သယ်ပို့ပေးဖို့ ကားမောင်းသူကို အကြိမ်ကြိမ် ဖုန်းဆက်ခဲ့ကြောင်း ထွက်ဆိုခဲ့တယ်လို့ သိရပါတယ်။
အဲဒီနောက် ဆောင်ခလခရိုင် တရားရုံးက မြန်မာအမျိုးသမီးကို ဖမ်းဆီးမိန့် ထုတ်ပြန်ခဲ့ပြီး ဇူလိုင် (၄) ရက်နေ့က ဖမ်းဆီးလိုက်တာလို့ ပြောပါတယ်။

ထိုင်းရဲတပ်ဖွဲ့ရဲ့ အဆိုအရ ဒီအမှုနဲ့ ပတ်သက်လို့ မြန်မာအမျိုးသမီးရဲ့ ဘဏ်အကောင့်မှာ ထိုင်းဘတ်ငွေ (၄) သန်းကို သိမ်းဆည်းရမိကြောင်းလည်း ရဲတပ်ဖွဲ့က ပြောပါတယ်။

RFA Burmese
https://www.facebook.com/rfaburmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ