ပလက္ဝၿမိဳ႕နယ္မွာ တပ္စြဲထားတဲ့ AA အဖြဲ႔ထြက္ခြာသြားဖို႔ ေတာင္းဆို



Share/Bookmark
တိုက္ပြဲေတြရပ္တန္႔ေပးေရး နဲ႔ AA က ဖမ္းဆီးထားတဲ့ ခ်င္းတိုင္းရင္းသားေတြကို ျပန္လႊတ္ေပးဖို႔ ရန္ကုန္ေရာက္ ခ်င္းတိုင္းရင္းသားေတြ ၂၀၁၉၊ ဇူလိုင္ ၁၃ ရက္ေန႔က လမ္းေလွ်ာက္ဆႏၵျပ ေတာင္းဆိုၾကစဥ္ / ဓါတ္ပံု - ထက္အာကာ/ RFA
ခ်င္းအမ်ိဳးသားတပ္ဦးနဲ႔ အစိုးရတို႔ အပစ္ရပ္စာခ်ဳပ္မွာ သေဘာတူထားတဲ့အခ်က္ေတြအရ ခ်င္းျပည္နယ္ထဲမွာ AA အဖြဲ႔ တပ္စြဲေနတာၾကာၿပီျဖစ္လို႔ ေရရွည္မွာမျဖစ္ႏိုင္တဲ့အတြက္ ခ်င္းျပည္နယ္ထဲကေန ထြက္ခြာေပးဖို႔ ခ်င္း တိုင္းရင္းသား အရပ္ဖက္အဖြဲ႔အစည္းေတြက ေတာင္းဆိုလိုက္ၾကပါတယ္။

ပစ္ခတ္တိုက္ခိုက္မႈ သေဘာတူစာခ်ဳပ္မွာ အစိုးရရဲ႕တရားဝင္တပ္ဖြဲ႔ေတြနဲ႔ ခ်င္းျပည္နယ္နဲ႔ဆိုင္တဲ့ တပ္ဖြဲ႔ဝင္ေတြသာ ခ်င္းျပည္နယ္ထဲမွာ လႈပ္ရွားခြင့္ရွိတယ္ဆိုၿပီး နားလည္ထားတဲ့အခ်က္ေတြအရ ရခိုင္တပ္ဖြဲ႔ျဖစ္တဲ့ AA အေနနဲ႔ ခ်င္း ျပည္နယ္ထဲမွာ တပ္စြဲထားတာ ထြက္ခြာေပးဖို႔ ေတာင္းဆိုတာလို႔ ခ်င္းျပည္နယ္ အစိုးရအဖြဲ႔ ဝန္ႀကီးေဟာင္း ဆလိုင္း အိုက္ဇက္ခင္က ေျပာပါတယ္။

ခ်င္းျပည္နယ္ ပလက္ဝၿမိဳ႕နယ္ထဲမွာ AA လက္နက္ကိုင္တပ္ဖြဲ႔တပ္စြဲေနတာ လြန္ခဲ့တဲ့ ၂၀၁၅ ခုႏွစ္ကတည္းက ျဖစ္ကာ ငါးႏွစ္နီးပါးၾကာေနၿပီျဖစ္ၿပီး ပလက္ဝၿမိဳ႕နယ္ထဲက ခ်င္းတိုင္းရင္းသားေဒသခံေတြကိုလည္း ဖမ္းဆီးထားတာေတြရွိသလို တပ္မေတာ္နဲ႔ AA တိုက္ပြဲေတြေၾကာင့္ ေနရပ္စြန္႔ခြာထြက္ေျပးေနရသူေတြလည္း ရွိခဲ့တယ္လို႔ ေျပာဆိုထားပါတယ္။

AA ကေတာ့ ခ်င္းျပည္နယ္ထဲက သူတို႔တပ္ေတြထြက္ခိုင္းရင္ အစိုးရတပ္မေတာ္ကို အရင္ထြက္သြားခိုင္းမွျဖစ္မယ္၊ ခ်င္းတိုင္းရင္းသားေတြကိုလည္း ဖမ္းဆီးထားတာ မရွိဘူးလို႔လည္း AA ေျပာခြင့္ရသူ ခိုင္သုခ က ျငင္းဆိုထားပါတယ္။

ခ်င္းျပည္နယ္ ပလက္ဝၿမိဳ႕မွာျဖစ္ပြားေနတဲ့ ျမန္မာ့တပ္မေတာ္ နဲ႔ AA တို႔ျဖစ္ပြားေနတဲ့ တိုက္ပြဲေတြရပ္တန္႔ေပးေရး နဲ႔ AA က ဖမ္းဆီးထားတဲ့ ခ်င္းတိုင္းရင္းသားေတြကို ျပန္လႊတ္ေပးဖို႔ ရန္ကုန္ေရာက္ ခ်င္းတိုင္းရင္းသား ၁၀၀ နီးပါး ဟာ ဒီကေန႔ မနက္ပိုင္းက လမ္းေလွ်ာက္ဆႏၵျပ ေတာင္းဆိုခဲ့ၾကပါတယ္။

RFA Burmese
https://www.rfa.org

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ