 |
| ၂၀၁၃ ခုနှစ် ဖေဖော်ဝါရီလက ထိုင်းနိုင်ငံတွင် ဖမ်းမိသည့် စိတ်ကြွဆေးထုတ်များ။ |
အမွှာငရဲဂိုဏ်းလို့ အမည်ရတဲ့ ဂိုဏ်းနဲ့ ဆက်နွယ်နေတဲ့ နုံထဘူရီ ခရိုင် အမှတ် (၁) နယ်မြေ မှာ နောက်ထပ် မူးယစ်ဂိုဏ်းဝင်တွေကို ထပ်မံဖမ်းဆီးလိုက်ပြီးတဲ့နောက် အိုက်စ်လို့ ခေါ်တဲ့ မူးယစ်ဆေး ကီလို၅၀၀နဲ့ အတူစိတ်ကြွဆေး ၄သန်းနီးပါးကို ဖမ်းမိခဲ့တာပါ။ ထိုင်းဒုတိယရဲချုပ် ချလန်ကီယက်စီဝါရာခံ ကတော့ သတင်းစာရှင်းလင်းပွဲအတွင်း အခုလိုပြောသွားပါတယ်။
“အပါချီ ဂိုဏ်း လိုခေါ်တဲ့ အမွှာငရဲဂိုဏ်းဟာ တန်ဘိုးကြီးဇိမ်ခံကားတွေ ကို သုံးပြီး ထိုင်းမြောက်ပိုင်းက လာတဲ့ မူးယစ်ဆေးဝါး တွေကို သန်းနဲ့ ချီ ကားစင်းလုံးပြည့် သယ်ဆောင်ဖြန့် ပေးနေတဲ့ အဖွဲ့  ဖြစ်ပါတယ်။ အာပချီ မူးယစ်ဂိုဏ်းဟာ အသက် ၂၃ နှစ် ၃၀ နှစ်အကြား ရှိ ထိုင်းလူငယ်တွေဖြစ်ပြီး ဂိုဏ်းဝင် (၇)ဦးမှာ အမျိုးသမီးနှစ်ဦးပါဝင်တယ်လို့ ဆိုပါတယ်။ ရဲချုပ် ချလန်ကိရက် စီဝါရာခန်ကတော့ ဒီဂိုဏ်းနဲ့ ဆက်စပ်ပြီး ထိုင်းမြောက်ပိုင်း ချင်းရိုင်ခရိုင်ကနေ ထိုင်းတောင်ပိုင်း မလေးနယ်စပ်အထိ ပို့ ဖို့ သယ်လာတဲ့ Isuzu အမျိုးအစားဇိမ်ခံ ကားအပြည့်တင်လာတဲ့ အိုက်စ်လို့ ခေါ်တဲ့ မူးယစ်ဆေးကီလို ၅၀၀ ကို ဘန်ကောက်မြို့ စိုင်မိုင် အဝေးပြေးလမ်းမမှာ ပိတ်ဆို့ ဖမ်းဆီးနိုင်ခဲ့ကြောင်း ပြောဆိုသွားပါတယ်။”
ထိုင်းမူးယစ်တပ်ဖွဲ့ ရဲ့  ချမှတ်ထားတဲ့ မူအတိုင်း စိတ်ကြွဆေးတွေကို နိုင်ငံအတွင်း ၀င်မလာအောင် ပိတ်ဆို့ တာဆီးမယ် ၀င်လာခဲ့ရင်လည်း ရအောင်လိုက်ဖမ်းဆိုတဲ့အတိုင်း မူးယစ်ဆေး လက်ကြီး ဂိုဏ်းဝင်တွေနဲ့  ဆက်နွယ်နေသူတွေကိုပါ ဆက်တိုက်ရှင်းလင်းနေပြီဖြစ်ပါတယ်လို့ ရဲချုပ်က ပြောဆိုသွားပါတယ်။
ထိုင်းနိုင်ငံတွင်းကို မူးယစ်ဆေးဝါးတွေ အဓိက၀င်နေတဲ့လမ်းကြောင်းကတော့
ထိုင်း- မြန်မာနယ်စပ်ချင်းရိုင်ခရိုင် ကဖြစ်ပြီး ဒီနယ်မြေကိုတော့ စစ်ဆင်ရေးနယ်မြေ သတ်မှတ်ပြီး ဆက်တိုက်ဖမ်းဆီးမူတွေ လုပ်နေပေမယ့် မူးယစ်ဆေးဝါးသယ်ဆောင်မူတွေက များလွန်းတဲ့ အတွက် တချို့ မူးယစ်ဆေးတွေကိုတော့ ဘန်ကောက်ရောက်မှပဲ ဖမ်းဆီးနိုင်ခဲ့ပါတယ်။
ပြီးခဲ့တဲ့နှစ် အောက်တိုဘာလကနေ ၂၀၁၉ မတ်လအထိ စိတ်ကြွဆေးပြားသန်း ၃၀၀ကျော် ဖမ်းဆီးနိုင်ခဲ့ကြောင်း ထိုင်းအာဏာပိုင်တွေက သတင်းထုတ်ပြန်ခဲ့ပြီး စိတ်ကြွဆေးသန်း ၂၀၀ကျော်ဟာ ချင်းရိုင်ခရိုင်ထဲမှာ ဖမ်းဆီးမိတာဖြစ်တယ်လို့လည်း ပြီးခဲ့တဲ့ သတင်းစာရှင်းလင်းပွဲအတွင်းမှာ ပြောဆိုသွားခဲ့ပါတယ်။
မအေးအေးမာ / ဗွီအိုအေ (မြန်မာပိုင်း)
https://burmese.voanews.com
ထိုင်း-မြန်မာနယ်စပ်က မူးယစ်ဆေး ဘတ်ငွေသန်း ၂၅၀၀ ဖိုး ထိုင်းရဲဖမ်းမိ
Reviewed by THITHTOOLWIN
on
11:02
Rating:
Reviewed by THITHTOOLWIN
on
11:02
Rating:
