အစိုးရကိုရတဲ့နည်းနဲ့ တွန်းလှန်ဖယ်ရှားဖို့ မဘသ(ဗဟို) တိုက်တွန်း

ဗုဒ္ဓဓမ္မပရဟိတဖောင်ဒေရှင်း ဗဟိုနှစ်ပတ်လည်ညီလာခံ အခမ်းအနားကို အင်းစိန်မြို့နယ် အောင်ဆန်းတောရကျောင်းမှာ ၂၀၁၉၊ ဇွန် ၁၇ ရက်နေ့က ကျင်းပစဉ်
လက်ရှိအစိုးရကို ရတဲ့နည်းနဲ့ တွန်းလှန်ဖယ်ရှားပစ်ဖို့ ပြည်သူတွေနဲ့ ရဟန်းသံဃာတော်တွေကို ဒီကနေ့ပြုလုပ်တဲ့ အမျိုးဘာသာ သာသနာစောင့်ရှောက်ရေးညီလာခံမှာ မဘသလို့ခေါ်တဲ့ ဗုဒ္ဓဓမ္မပရဟိတဖောင်ဒေးရှင်း က တိုက်တွန်းလိုက်ပါတယ်။

ဒီကနေ့ ရန်ကုန်မြို့ အောင်ဆန်းတောရတပ်ဦးကျောင်းနဲ့ မင်းဓမ္မလမ်းပေါ်က သီရိမင်္ဂလာမဟာသာသနဗိမာန်တို့မှာ ပြုလုပ်တဲ့ မဘသညီလာခံမှာ ကြေညာချက် ထုတ်ပြန်ပြီး အခုလို တိုက်တွန်းခဲ့တာဖြစ်ပါတယ်။

နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ပတ်သက်ပြီး ဦးဝီရသူ ရဲ့ ဟောပြောချက်တွေဟာ အပြုသဘောပြောဆိုတာဖြစ်ကြောင်းနဲ့ ဦးဝီရသူကို ဓမ္မစက်နဲ့အရင်မလုပ်ဆောင်ဘဲ အစိုးရက ဝရမ်းထုတ်တာဟာ ဥပဒေမဲ့လုပ်ဆောင်တာဖြစ်ကြောင်းလည်း မဘသအဖွဲ့က ဆိုပါတယ်။

ရွေးကောက်ပွဲတွေမှာ သံဃာတော်တွေ မဲပေးခွင့်မရှိဖြစ်နေတာဟာ လူ့အခွင့်အရေး ၊ နိုင်ငံသားအခွင့်အရေး ဆုံးရှုံးနေကြောင်းနဲ့ NLD အစိုးရကို ဆန္ဒမဲမပေးကြဖို့လည်း ပြည်သူတွေနဲ့ ရဟန်းသံဃာတော်တွေကို ဆက်လက်တိုက်တွန်းခဲ့ပါတယ်။

အစိုးရက ဧည့်စာရင်းဥပဒေ၊ နောက်ယောင်ခံစောင့်ကြည့်ရေးဥပဒေ၊ အရေးပေါ်စီမံချက်ဥပဒေတွေကို ဖျက်သိမ်းခဲ့တာတွေနဲ့ ဝံသာနုစိတ်ဓာတ်ကဗျာ၊ ဇာတိမာန်သီချင်းတွေကို ကျောင်းစာသင်ရိုးကနေ ပယ်ဖျက်ပစ်တာတွေကို ကန့်ကွက်ရှုတ်ချကြောင်း မဘသအဖွဲ့က ထုတ်ပြန်ပါတယ်။

အဲဒီ မဘသ ညီလာခံကို ဦးဆောင်ဆရာတော်တွေဖြစ်တဲ့ အင်းစိန်ရွာမကျောင်းတိုက်ဆရာတော် ဦးတိလောက၊ မြနန်းဆရာတော်၊ ဇွဲကပင်တောင်ဆရာတော် တို့အပါအ၀င် သံဃာနဲ့ လူပုဂ္ဂိုလ် စုစုပေါင်း လေးထောင်ကျော် တက်ရောက်ခဲ့ပြီး ရန်ကုန်တိုင်းစစ်ဌာနချုပ် တိုင်းမှူး ဗိုလ်ချုပ် သတ်ပုံက ကျပ်ငွေသိန်း ၃၀၀ လှုဒါန်းခဲ့ပါတယ်။

အမျိုးဘာသာ သာသနာစောင့်ရှောက်ရေးအဖွဲ့ မဘသကို နိုင်ငံတော် သံဃမဟာနာယကနဲ့ သာသနာရေးဝန်ကြီးဌာနက ၂၀၁၇ ခုနှစ် မေလထဲက ဖျက်သိမ်းဖို့ တရားဝင်ထုတ်ပြန် ကြေညာခဲ့တာဖြစ်ပါတယ်။

ဒီသတင်းကို RFA သတင်းထောက် ကိုအောင်သိင်္ခနဲ့ ကိုထက်အာကာတို့ ပေးပို့တာပါ။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ