မြောက်ကိုရီးယား ခေါင်းဆောင် အမေရိကန် သမ္မတဆီက အပြုသဘောဆောင်တဲ့စာရ

စာဖတ်နေတဲ့ ကင်ဂျုံအွန်းလို့ မြောက်ကိုရီးယားမီဒီယာ ဖော်ပြ
မြောက်ကိုရီးယား ခေါင်းဆောင် ကင်ဂျုံအွန်းဟာ အမေရိကန် သမ္မတ ဒေါ်နယ်ထရမ့် ကိုယ်တိုင် ရေးသားပေးပို့လိုက်တဲ့ စာတစ်စောင် လက်ခံရရှိခဲ့တယ်လို့ မြောက်ကိုရီးယား အစိုးရမီဒီယာက ဖော်ပြလိုက်ပါတယ်။

အဲဒီစာဟာ အထူးကောင်းမွန်တယ်လို့ မြောက်ကိုရီးယား ခေါင်းဆောင်က ပြောလိုက်ပြီး စာထဲမှာပါတဲ့ စိတ်ဝင်စားစရာ အကြောင်းအရာတွေနဲ့ ပတ်သက်ပြီးလည်း သေသေချာချာ အလေးအနက်ထား စဉ်းစားမယ်လို့ ပြောလိုက်ပါတယ်။

စကားလုံးတွေနဲ့ အပြန်အလှန်ထိုးနှက် တိုက်ခိုက်ခဲ့ဖူးသူ ခေါင်းဆောင်နှစ်ယောက်အကြား စာနဲ့ဆက်သွယ်လိုက်တဲ့ အကြောင်း မြောက်ကိုရီးယား KCNA သတင်းမှာ ဖော်ပြထားတာ ဖြစ်ပါတယ်။ အမေရိကန် သမ္မတ ထရမ့်ဟာ အင်မတန် သတ္တိကောင်းတဲ့သူလို့လည်း ကင်ဂျုံအွန်းက ထုတ်ဖော် ချီးကျူးတဲ့အကြောင်း သတင်းမှာ ဖော်ပြထားပါတယ်။

နှစ်လိုဖွယ်ကောင်းတဲ့ စာတစ်စောင် ကင်ဂျုံအွန်းဆီကနေ သူ့ဆီကို ရောက်လာတယ်လို့ သမ္မတ ထရမ့်ကလည်း ဒီလအစောပိုင်းမှာ ပြောထားခဲ့ပါတယ်။

 ထရမ့်နဲ့ ကင်ဂျုံအွန်း ဗီယက်နမ်နိုင်ငံ ဟနွိုင်းမှာ ဖေဖော်ဝါရီလတုန်းက တွေ့ခဲ့စဉ်
ဒါပေမဲ့ အခု ကင်ဂျုံအွန်းဆီကို စာ ဘယ်အချိန်မှာ ဘယ်လို ရောက်လာခဲ့တယ်ဆိုတာနဲ့ စာထဲမှာ ပါတဲ့ အကြောင်းအရာ အသေးစိတ်တွေကိုတော့ ထုတ်ဖော်ပြောကြားတာမရှိသေးပါဘူး။

အဲဒီစာနဲ့ပတ်သက်ပြီး အမေရိကန် အစိုးရဘက်ကလည်း မှတ်ချက်ပေးတာမရှိပါဘူး။

အမေရိကန်နဲ့ မြောက်ကိုရီးယား အကြား ဆွေးနွေးပြောဆိုမှုဟာ ကင်ဂျုံအွန်း နဲ့ ထရမ့်တို့ ဗီယက်နမ်နိုင်ငံမှာ ဖေဖော်ဝါရီလတုန်းက တွေ့ဆုံခဲ့စဉ်က တုံ့ဆိုင်းသွားခဲ့တာ ဖြစ်ပါတယ်။

အခုစာနဲ့ဆက်သွယ်မှုဟာ အဲဒီအချိန်နောက်ပိုင်း နှစ်နိုင်ငံအကြား ပထမဆုံး ထင်သာမြင်သာ ရှိတဲ့ တိုးတက်မှု ဖြစ်တယ်လို့ တောင်ကိုရီးယားမှာ ရှိတဲ့ ဘီဘီစီ သတင်းထောက် လော်ရာ ဘစ်ကာက သတင်းပေးပို့ပါတယ်။

အမေရိကန်က မြောက်ကိုရီးယားကို နျူလက်နက် စွန့်လွှတ်ဖို့ တောက်လျှောက် တိုက်တွန်းနေပြီး မြောက်ကိုရီးယားကတော့ အမေရိကန်ဘက်က ကန့်သတ်ပိတ်ဆို့တာတွေ ဖြေလျှော့ပေးဖို့ တောင်းဆိုပါတယ်။

ဒါပေမဲ့ အခု လတ်တလော လပိုင်းတွေမှာ ထရမ့်က ကင်ဂျုံအွန်းကို နွေးနွေးထွေးထွေး ပြောဆိုလာပါတယ်။

ဒီလ အစောပိုင်းမှာတုန်းကဆိုရင် မြောက်ကိုရီးယားဟာ ကင်ဂျုံအွန်းဦးဆောင်မှုကြောင့် တိုးတက်ဖို့ အလားအလာ အများကြီး ရှိတယ်လို့ ထရမ့်က သတင်းထောက်တွေကို ပြောခဲ့ပါတယ်။

ကင်ဂျုံအွန်းဟာ အင်မတန် ထက်မြက်ပါးနပ်တဲ့သူလို့လည်း သမ္မတ ထရမ့် မေလမှာ ဂျပန်ကို သွားခဲ့တုန်းက ပြောခဲ့ပြီး မြောက်ကိုရီးယားဆီကနေ အကောင်းတွေ အများကြီး မျှော်လင့်ထားတယ်လို့ ထရမ့်က ပြောခဲ့ပါတယ်။

BBC Burmese
https://www.bbc.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ