တရုတ်- မြန်မာ နယ်စပ်ဂိတ်ကို ၂ဝ၁၉ ခုနှစ် မေလ ၁၇ ရက်နေ့က တွေ့ရစဉ် /Photo: Ye Htet/RFA |
ဒီနေ့ မနက်စောစောက မြန်မာဘက်ခြမ်းမှာရှိတဲ့ ဆင်ဖြူဂိတ်မှာ ကားပိတ်ဆို့နေပြီး ဒီလိုပိတ်ဆို့နေချိန်မှာ တရုတ် အာဏာပိုင်တွေနဲ့ မြန်မာတချို့တို့ ရုန်းရင်းဆန်ခတ်ဖြစ်ခဲ့ပွားပါတယ်။
မူဆယ်နဲ့နယ်ချင်းကပ်လျက်ဖြစ်တဲ့ ဆင်ဖြူ၊ နန်းတော်၊ မန်ဝိန်း စတဲ့ နယ်စပ်ဂိတ်တွေရှိရာမှာ ဆင်ဖြူနဲ့ နန်းတော်ဂိတ်အ၀င်အထွက်တွေကို အရင်က မြန်မာစံတော်ချိန် ည ၁၀ နာရီခွဲ၊ တရုတ်ချိန် ည ၁၂ နာရီအထိ ၀င်ထွက်သွားလာလို့ရပေမယ့် မေလ ၁၅ ရက်နေ့ကစပြီး မြန်မာချိန် ည ၈ နာရီတရုတ်ချိန် ည ၉ နာရီခွဲအထိသာ တရုတ်နိုင်ငံဘက်က ဝင်ရောက်ခွင့်တွေ ကန့်သတ်လိုက်ပါတယ်။
မန်ဝိန်းဂိတ်မှာ ကုန်တင်ကားတွေနဲ့ သုံးဘီးကားတွေသာ ၀င်ထွက်သွားလာနိုင်ပြီးအဲဒီဂိတ်ကတော့ မြန်မာစံတော်ချိန် ည ၁၀ နာရီအထိ ၀င်ထွက်နိုင်ပါတယ်။ နန်းတော်ဂိတ်ကလူတွေပဲသီးသန့် ၀င်ထွက်နိုင်ပြီး ဆင်ဖြူနယ်စပ်ဂိတ်ကတော့ ကားလေး၊ ဆိုင်ကယ်နဲ့ လူတွေတန်းစီဝင်ထွက်သွားလာနေတဲ့ ဂိတ်တွေဖြစ်ပါတယ်။
တရုတ်-မြန်မာနယ်စပ်ကုန်သွယ်ရေးဟာ မြန်မာနိုင်ငံအတွက် အကြီးဆုံးနယ်စပ်ကုန်သွယ်ရေးဖြစ်သလို မြန်မာနိုင်ငံသူ၊ နိုင်ငံသားတွေ တရုတ်နိုင်ငံထဲကို နေ့စဉ်ဝင်ရောက် လုပ်ကိုင်နေတဲ့သူတွေ အများအပြားရှိပါတယ်။
ဒီသတင်းကို RFA သတင်းထောက် ကိုရဲထက် ပေးပို့တာပါ။
RFA Burmese
https://www.rfa.org
ရှမ်းပြည် မူဆယ်မြို့ တရုတ်-မြန်မာနယ်စပ်ဂိတ်မှာ ရုန်းရင်းဆန်ခတ်ဖြစ်ပွား
Reviewed by THITHTOOLWIN
on
20:23
Rating: