သတင်းပေးတာတွေ မလုပ်ဖို့ ၀န်ထမ်းတွေကို သမ္မတ သတိပေး

နိုင်ငံတော် သမ္မတ ဦးဝင်းမြင့် နေပြည်တော်မှာ ဌာနဆိုင်ရာ ၀န်ထမ်းတွေနဲ့ ၂ဝ၁၉ မေလ ၂၄ ရက်နေ့က တွေ့ဆုံစဉ် / Photo: Thiha Tun/RFA
ဝန်ထမ်းစည်းမျဉ်းစည်းကမ်း မလိုက်နာဘဲ သတင်းပေးတာတွေမလုပ်ဖို့ နိုင်ငံတော် သမ္မတ ဦးဝင်းမြင့်က နေပြည်တော်မှာ ဌာနဆိုင်ရာ ၀န်ထမ်းတွေကို သတိပေးလိုက်ပါတယ်။

နေပြည်တော်ကောင်စီရုံးမှာ သမ္မတနဲ့ ဌာနဆိုင်ရာအရာထမ်းတွေ တွေ့ဆုံပွဲမှာ သမ္မတ ဦးဝင်းမြင့်က အစိုးရ၀န်ထမ်းတွေအနေနဲ့ ၀န်ထမ်းစည်းမျဉ်းစည်းကမ်းတွေ မလိုက်နာဘဲ သတင်းပေးတာတွေ မလုပ်ဖို့ သတိပေးလိုက်တာပါ။

ဒါ့အပြင် ၀န်ထမ်းတွေဟာ တက်လာတဲ့ အစိုးရတိုင်းကို သစ္စာခံရမယ့်အပြင် ၀န်ထမ်းတာဝန်ကျေပွန်စွာ ထမ်းဆောင်ဖို့လိုတယ်လို့လည်း သမ္မတ ဦးဝင်းမြင့်က တိုက်တွန်းခဲ့ပါတယ်။

ပြုပြင်ပြောင်းလဲရေးကို မစိုးရိမ်ကြဖို့၊ နိုင်ငံတကာနဲ့ အညီပြုပြင်ပြောင်းလဲနိုင်မှ နိုင်ငံရဲ့ ဖွံ့ဖြိုးတိုးတက်မှု၊ အမျိုးသားအကျိုးစီးပွား ရှင်သန်နိုင်မယ်လို့ သမ္မတ ဦးဝင်းမြင့်က ပြောခဲ့ပါတယ်။

တဆက်တည်းမှာပဲ နိုင်ငံသားအားလုံး ဥပဒေအောက်မှာ ညီမျှမှုရှိရမယ်လို့လည်း သမ္မတ ဦးဝင်းမြင့် က ပြောပါတယ်။

ဒီကနေ့ နိုင်ငံတော်သမ္မတနဲ့ တွေ့ဆုံပွဲကို ပြည်ထဲရေးဝန်ကြီး ဒုတိယဗိုလ်ချုပ်ကြီးကျော်ဆွ၊ နေပြည်တော်ကောင်စီ ဥက္ကဋ္ဌနဲ့ နေပြည်တော်က ဌာနဆိုင်ရာအရာရှိ ၂၀၀ နီးပါး တက်ရောက်ကြပါတယ်။

ဒီသတင်းကို RFA သတင်းထောက် ကိုသီဟထွန်းနဲ့ ကိုဝင်းကိုကိုလတ် တို့ ပေးပို့တာပါ။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ