မြန်မာ့မီးရထားနဲ့ အကြီးစားစက်မှုလုပ်ငန်းတွေအပါအဝင် အစိုးရရဲ့ စီးပွားရေးလုပ်ငန်း ၁၂ ခုအရှုံးပေါ်နေ

 မြန်မာ့မီးရထားလုပ်ငန်းအပါအဝင် အစိုးရရက လုပ်ကိုင်နေတဲ့ စီးပွားရေး လုပ်ငန်းပေါင်း ၁၂ခုအရှုံးပေါ်နေစဲ

အစိုးရ လုပ်ငန်းကြီး ၁၂ ခု ကျပ်သန်းချီ အရှုံးပေါ်နေ

၂၀၁၇ ခုနှစ်မှာ ကျပ်သန်းပေါင်း ရှစ်ထောင်နီးပါးနဲ့ ၂၀၁၈ ခုနှစ် ခြောက်လဘတ်ဂျတ် ကျပ်သန်းပေါင်း လေးထောင်နီးပါးအရှုံးပေါ်နေတဲ့ မြန်မာ့မီးရထားလုပ်ငန်းအပါအဝင် အစိုးရရက လုပ်ကိုင်နေတဲ့ စီးပွားရေး လုပ်ငန်းပေါင်း ၁၂ ခု အရှုံးပေါ်နေတယ်လို့ ပြည်ထောင်စုလွှတ်တော်၊ ပြည်သူ့ငွေစာရင်းပူးပေါင်း ကော်မတီရဲ့ ပြည်ထောင်စုဘဏ္ဍာငွေအရသုံးဆိုင်ရာ လေ့လာတွေ့ရှိချက်အစီရင်ခံစာတွေထဲမှာ ပါရှိပါတယ်။

၂၀၁၇-၁၈ ဘဏ္ဍာနှစ်မှာ စီးပွားရေးလုပ်ငန်းပေါင်း ၈ ခု အထိ အရှုံးပေါ်ပြီး ၂၀၁၈ ခုနှစ် ဘတ်ဂျတ်တိုကာလမှာတော့ လုပ်ငန်းပေါင်း ၁၂ ခု အထိ အရှုံးပေါ်တယ်လို့ အဲဒီအစီရင်ခံစာတွေမှာ ပါရှိပါတယ်။

၂၀၁၇-၁၈ ဘဏ္ဍာနှစ်မှာ လျှပ်စစ်ဓာတ်အားထုတ်လုပ်ရေးလုပ်ငန်း၊ မြန်မာ့မီးရထားနဲ့ ပြည်တွင်းရေးကြောင်း အပါအဝင် စီးပွားရေးလုပ်ငန်းပေါင်း ၈ ခု က ကျပ်သန်းပေါင်း ခြောက်သိန်းကျော် (၆၀၀ ဘီလီယံ) နဲ့ ၂၀၁၈ ခုနှစ် ဘတ်ဂျတ်တိုကာလမှာတော့ မြန်မာမီးရထားတို့လို အဲဒီဌာနတွေသာ ပါဝင်တဲ့ လုပ်ငန်းပေါင်း ၉ခုက ကျပ်သန်းပေါင်း လေးသိန်းကျော်အရှုံးပေါ်တယ်လို့ ပါရှိပါတယ်။

၂၀၁၈ ခုနှစ် ဧပြီလကနေ စက်တင်ဘာအထိ ခြောက်လ ရသုံးခန့်မှန်းခြေစာရင်းအရတော့ ဌာန ၉ခုအထိ အရှုံးပေါ်တယ်လို့ ဆိုထားပေမယ့် ၂၀၁၉ခုနှစ် ဧပြီလ ၂၉ ရက်မှာထုတ်တဲ့ ပြည်ထောင်စုရဲ့ ဘဏ္ဍာငွေအရ သုံးဆိုင်ရာ ပြည်သူ့ငွေစာရင်းပူးပေါင်းကော်မတီရဲ့ အစီရင်ခံစာအရ (၆/၂၀၁၉) မှာတော့ မြန်မာဆေးဝါး လုပ်ငန်း၊ လျှပ်စစ်ဓါတ်အားဖြန့်ဖြူးရေးလုပ်ငန်းနဲ့ မြန်မာ့ရေနံထွက် ပစ္စည်းရောင်းဝယ်ရေးလုပ်ငန်းနဲ့ မြန်မာ့ ရေနံနဲ့ဓါတုဗေဒလုပ်ငန်းတို့ပါ အရှုံးပေါ်နေတယ်လို့ထပ်တိုးဖော်ပြထားပါတယ်။

အရှုံးပေါ်တဲ့အစိုးရလုပ်ငန်းတွေထဲကမှ လျှပ်စစ်ထုတ်လုပ်ရေးလုပ်ငန်းက အများဆုံးဖြစ်ပြီး အဲဒီနောက်မှာတော့ မြန်မာ့မီးရထားနဲ့ စက်မှုဝန်ကြီးဌာနအောက်က အမှတ် ၁၊ ၂၊ ၃ အကြီးစားစက်မှု လုပ်ငန်းတွေ အပြင် မြန်မာ့ဆေးဝါးလုပ်ငန်းတို့ဖြစ်ပါတယ်။

စက်မှုဝန်ကြီးဌာနအောက်မှာ စီမံခန့်ခွဲရေးလုပ်ငန်းများလုပ်ဆောင်တဲ့ ဦးစီးဌာနနှစ်ခုနဲ့ စက်မှုလက်မှုနဲ့ ကုန်ထုတ်လုပ်မှုလုပ်ငန်းတွေကို လုပ်ဆောင်တဲ့ အစိုးရစီးပွားရေးလုပ်ငန်း ၄ခုရှိပါတယ်။ အစီရင်ခံစာတွေ အရ စီးပွားရေးလုပ်ငန်း လေးခုလုံးကအရှုံးပေါ်တဲ့ စာရင်းတွေထဲမှာပါရှိနေတာဖြစ်ပါတယ်။

BBC Burmese
https://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ