မယ်လဒုက္ခသည်စခန်း မူးယစ်ဆေးမှုနဲ့ လူ ၄ ဦးကို ထိုင်းရဲ ဖမ်းဆီး

ထိုင်းအာဏာပိုင်များက ဒုက္ခသည်စခန်းတွင်းကို ၀င်ရောက်ရှာဖွေ စစ်ဆေးနေပုံ
ထိုင်းမြန်မာနယ်စပ်က အကြီးဆုံး ဒုက္ခသည်စခန်းဖြစ်တဲ့ မယ်လ ဒုက္ခသည်စခန်း အတွင်းကို ထိုင်းနယ်ခြားစောင့်တပ် နဲ့ ထိုင်းအာဏာပိုင်များက ဧပြီလ ၂၃ရက်နေ့ မနက် အစောကြီးမှာ ၀င်ရောက်စစ်ဆေးပြီးတဲ့နောက်ဒုက္ခသည်စခန်းတွင်းက မူးယစ်ဆေးဝါးနဲ့ ပတ်သက်နေသူ လူ ၄ယောက်ကို ဖမ်းဆီးသွားခဲ့တယ်လို့ ကရင်ဒုက္ခသည်ကော်မတီက ဆိုပါတယ်။ ထိုင်းအခြေစိုက် VOA မြန်မာပိုင်းသတင်းထောက် မအေးအေးမာက သတင်းပေးပို့ ထားပါတယ်။

ထိုင်း-မြန်မာနယ်စပ် တာခ်ခရိုင် ထဆောင်ရန်မြို့ နယ် အတွင်းက မယ်လ ဒုက္ခသည်စခန်း က နေရာ (၅) နေရာ ကို ဧပြီလ ၂၃ရက်နေ့ မနက်အစောပိုင်းမှာပဲ ထိုင်းနယ်ခြားစောင့်တပ် အမှတ် ၃၅- အမှတ် ၃၅၀၃- အမှတ်၃၅၀၈ တပ်ဖွဲ့ တွေက ၀င်ရောက်ရှာဖွေ မူလုပ်ခဲ့ပြီး မူးယစ်ဆေးဝါးနဲ့ ပတ်သက်သူ ၄ ဦးကို ဖမ်းဆီးခဲ့တာပါ ။

ကရင်ဒုက္ခသည်ကော်မတီရဲ့ ဥက္ကဌ ဦးရောဘတ်ထွေးကတော့ အခုလိုပြောသွားပါတယ်။
“သူတို့ ပုလိပ်က၀င်လာပြီး အိမ်မှာသွားရှာတယ် နောက်သူတို့ က လူ၎ယောက်ကို ဖမ်းသွားတယ်။ မူးယစ်ဆေးဝါးပါတော့ အဲဒီ ပုလိပ်က ဖမ်းသွားတယ်။”

ဝင်ရောက်စစ်ဆေးမှုတွေအတွင်း မူးယစ်ဆေးတွေနဲ့  ပတ်သက်နေတဲ့ ဒုက္ခသည်တွေ နေထိုင်ရာ ရပ်ကွက်တွေကို အဓိက ၀င်ရောက်ရှာဖွေခဲ့ကြပြီး ဆီးစစ်မှု တွေပြုလုပ်ခဲ့ရာမှာ အမျိုးသားလေးဦးဟာ စိတ်ကြွဆေးတွေ သုံးစွဲထားတာကို စစ်ဆေးတွေ့ ရှိရကြောင်း ၊ ဆီးစစ်ချက်အရ မူးယစ်ဆေးသုံးစွဲနေတာ တွေ့ ရတဲ့ စလွန်း-ကဒိုလာ-အလီစိုင်နဲ့  ဘာဆာရီစတဲ့ အမည်ရှိတဲ့ လူ၎ဦးကို ထဆောင်ရန် မြို့ ဆေးရုံကို ပို့ ဆောင်ပြီး ဆက်လက် စစ်ဆေးမှုတွေ ပြုလုပ်နေတယ်လို့ ထိုင်းအာဏာပိုင်တွေက ဆိုပါတယ် ။

ထိုင်းမြန်မာနယ်စပ် ဒုက္ခသည်စခန်းတွေမှာ နေထိုင်နေကြသူတွေ ထဲက ရာဇ၀တ်မှုတွေနဲ့ ပတ်သက်မူတွေ မူးယစ်ဆေး ၀ါးရောင်းဝယ်မှုတွေမှာ ပါဝင် ဆက်နွယ်နေမူတွေကို ကာကွယ်တားဆီးနိုင်ဖို့ ဖြစ်တယ်လို့  ထဆောင်ရန် အုပ်ချုပ်ရေးမှူး နိုင်ပရာထစ် ပိုထရင် က ပြောဆိုသွားပါတယ်။

ဒုက္ခသည်စခန်းထဲကို ၀င်ရောက်ရှာဖွေစစ်ဆေးရာမှာ အနံ့ ခံခွေးတွေပါ သုံးပြီး ၀င်ရောက် ရှာဖွေခဲ့တာဖြစ်ပါတယ်။ထိုင်း-မြန်မာနယ်စပ်မှာ ဒုက္ခသည်စခန်း ၉ခုရှိ ပြီး မယ်လဒုက္ခသည်စခန်း မှာတော့ ဒုက္ခသည် ၄သောင်းကျော်လောက် ခိုလုံနေထိုင်နေတာဖြစ်ပါတယ်။

မအေးအေးမာ / ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ