သင်္ကြန်ပြန် မြန်မာအလုပ်သမားများ ထိုင်းနယ်စပ်ဂိတ်မှာ ပြည့်နှက်

သင်္ကြန်ပြန် မြန်မာအလုပ်သမားများ (ဓါတ်ပုံ- ထိုင်းလ၀က)
၂၀၁၉ ခုနှစ် ဧပြီလအတွင်း သင်္ကြန်ပြန်ကြမယ့် မြန်မာရွှေ့ပြောင်းအလုပ်သမားတွေအတွက် ၂၅ ရက် ဗီဇာအခမဲ့ ကင်းလွတ်ခွင့် ပြုပေးထားတာကုန်ဆုံးတော့မယ့် အချိန်မှာ လုပ်ငန်းခွင်ကိုပြန်ဝင်ဖို့ ပြန်လာကြတဲ့ မြန်မာအလုပ်သမားတွေ ၂သိန်းကျော် ရှိတယ်လို့ ထိုင်းအာဏာပိုင်တွေက ဆိုပါတယ် ။ မဲဆောက်- မြ၀တီ နယ်စပ်ကနေ ထိုင်းနိုင်ငံထဲကို ပြန်ဝင်ရောက်လာသူတွေ များတာကြောင့် ထိုင်းဘက်က စီစစ်လက်ခံပေးတဲ့ ကောင်တာတွေ ၂၅ခု လောက်ထိဖွင့်ပေးရတယ်လို့ ဆိုပါတယ် ။ ထိုင်းအခြေစိုက် VOA မြန်မာပိုင်းသတင်းထောက် မအေးအေးမာက သတင်းပေးပို့ ထားပါတယ် ။

မဟာသင်္ကြန်ကာလ နေရပ်ပြန်ဖို့အတွက် ၂၅ရက်အတွင်း Re entry တုံးဖိုးပေးစရာမလိုပဲ အသွားအပြန် ခွင့်ပြုပေးထားတာပါ။ ထိုင်းဘက်က ဗီဇာကင်းလွတ်ခွင့်ပြု ထားတဲ့ ရက်ကုန်ဆုံးတော့မယ့် အချိန်မှာ ထိုင်း-မြန်မာနယ်စပ် မြ၀တီမဲဆောက်လမ်းကနေ ၀င်ရောက်လာတဲ့ လူဦးရေ အလွန်များပြားလာနေလို့  တပ်ခရိုင် လ၀က အကြီးအကဲကိုယ်တိုင် လာရောက် ကြီးကြပ်ပေးနေပြီး နိုင်ငံကူးစာအုပ် လက်ခံစစ်ဆေး ၀င်ခွင့်ပေး တဲ့ကောင်တာ၂၅ ခုလောက် အထိ တိုးမြင့် ဖွင့်ထားပေးနေကြောင်း ထိုင်းအာဏာပိုင်တွေက ဆိုပါတယ်။

ကရင်ပြည်နယ် မြ၀တီခရိုင်ဥက္ကဋ္ဌ ဦးတေဇာအောင်ကတော့ အခုဆိုရင် လုပ်ငန်းခွင်ပြန်ဝင်ဖို့ ပြန်လာကြသူတွေဟာ ဒီရက်ပိုင်းမှာပိုများနိုင်တယ်လို့ ဆိုပါတယ်။

“ကောင်တာကတော့ တံတားမှာ ၄ ခု Terminal မှာတော့ ၂၀ ကောင်တာတွေ တိုးလာတယ်ဆိုတာ တံတားမှာတော့ ကောင်တာ သိပ်မရှိဘူး Terminal မှာတော့ များတာပေါ့။ ဧပြီလ ၂၉ ရက် ၃၀ ရက်တွေမှာတော့ ပိုများနိုင်တယ် ၊ ဗီဇာကင်းလွတ်ခွင့်ပေးထားတာ ၂၉ ရက် ၃၀ ရက်မှာ ပြည့်မှာဆိုတော့ မနက်ဖြန်နဲ့ သဘက်ခါ ပိုများလာနိုင်တယ်”

သင်္ကြန်ပြန် မြန်မာနိုင်ငံသားတွေဟာ ထိုင်းနိုင်ငံကို ၀င်ရောက် ဖို့ စောင့်နေရာမှာ လူဦးရေများလွန်းတာတဲ့ အတွက် မဲဆောက်မြို့ က လူဝင်မူကြီးကြပ်ရေး ရုံးအတွင်း သာမက အပြင်က လမ်းမတွေပေါ် အထိ ပြည့်နေတာပါ။ သင်္ကြန်ပြီးလို့ ပြန်လည်ဝင်ရောက်လာတဲ့ မြန်မာနိုင်ငံသားများ ၂၇၀၀၀၀ ကျော်ရှိ နေပြီလို့  လည်း တပ်ခရိုင်လ၀က ဦးစီးအရာရှိက ထုတ်ဖေါ်ပြောဆိုခဲ့ပြီး မြန်မာနိုင်ငံသားတွေကို လက်ရှိအခြေအနေမှာ ရေနဲ့  အစားအသောက်တွေ ကို ထိုင်းဘက်က ဝေပေးနေတယ်လို့လည်း ဆိုပါတယ်။

ဒါ့အပြင် ရာသီဥတု ပူလွန်းတာကြောင့် မြန်မာနိုင်ငံသားတွေ ကျန်းမာရေး ထိခိုက်မှုတွေ ရှိလာနိုင်လို့  ထိုင်း-မြန်မာ လူမှုကယ်ဆယ်ရေး အသင်းအဖွဲ့ တွေကလည်း စောင့်ကြည့် ကူညီပေးကြပါတယ်။ ဧပြီလ ၅ရက်နေ့ ကနေ ဧပြီလ ၃၀ရက်နေ့ နောက်ဆုံးထားပြီး လုပ်ငန်းခွင်ကို ပြန်ဝင်ကြမှာပါ။ ဗီဇာအခမဲ့ ခွင့်ပြုပေးထားရက်ကုန်ဆုံးပြီးမှ ပြန်လာမယ်ဆိုရင်တော့
မြန်မာအလုပ်သမားတွေဟာ ဒဏ်ကြေးတွေ ပေးဆောင်ရမှာဖြစ်ပါတယ်။

မအေးအေးမာ/ ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ