မောင်တောမြို့နယ် ကျောက်ပန္ဒူ ကမ်းခြေတွင် ကလေးငယ်တစ်ဦးရေနစ်သေဆုံး


နိရဉ္စရာ၊ ဧပြီ ၂၈/ ၂၀၁၉

မောင်တောမြို့နယ်၊ ကျောက်ပန္ဒူ ပင်လယ်ကမ်းခြေတွင် ကလေးငယ်တစ်ဦး ယနေ့ နေ့လယ် ၁ နာရီခန့်က ရေနစ် သေဆုံးသွားကြောင်း သတင်းရရှိသည်။

ရေနစ်သေဆုံးသွားသည့် ကလေးငယ်မှာ ကျောက်ပန္ဒူကျေးရွာမှ မောင်ဇော်မင်းနိုင် အသက် (၇)နှစ် (ဘ) ဦးသန်းဋ္ဌေးလိူင်ဖြစ်ကြောင်းသိရသည်။

“ကလေးက ကမ်းခြေ ရေသွားကစားရင်းနဲ့ နစ်ပြီးသေတာထင်တယ်။မိဘတွေက ပျောက်လို့ လိုက်ရှာ နေကြတယ်။ လိုက်ရှာတဲ့အချိန်ှမှာ ကမ်းခြေမှာရေနစ်သေလို့ တွေ့တယ်လို့ပြောပါတယ်။ အခု အဲ့ဒီကလေး ရုပ်အလောင်းကို စစ်ဆေးဖို့ မောင်တောဆေးရုံသို့ နာရေးကားနဲ့ ပို့ထားပါတယ်”ဟု ကျောက်ပန္ဒူ အုပ်ချုပ်ရေးမှူး ဦးမောင်ပုက နိရဉ္စရာသတင်းဌာန သို့ပြောသည်။

ကျောက်ပန္ဒူ ကျေးရွာတွင် အိမ်ခြေ ၁၇၀ခန့်ရှိပြီး အားလပ်ရက် နှစ်သစ်ကူး ရုံးပိတ်ရက် အချိန်များတွင် မောင်တောမြို့နယ် ဒေသအသီးသီးမှ အများပြည်သူများ အပန်းဖြေ ရေလာကစားသည့် နေရာတစ်ခု ဖြစ်ကြောင်း သိရသည်။

မောင်ဇော်မင်းနိုင် ဘကြီးဖြစ်သူက “ကမ်းခြေမှာ လူတွေအပန်းဖြေ ရေလာကစားကြတယ်။အဲ့ဒါတွေကို မြင်တွေ့ပြီး သူက ရေသွားကစားရင်း အခုလို ဖြစ်သွားတယ်ထင်ပါတယ်။ ကလေးပျောက်နေတယ်ဆိုလို လိုက်ရှာကြတယ်။ လိုက်ရှာတဲ့အချိန်မှာ ကမ်းခြေဖက်မှာရေနစ်ပြီးသေဆုံးလို့တွေ့ပါတယ်”ဟု မောင်ဇော်မင်းနိုင်၏ ဘကြီးဖြစ်သူ ဦးမောင်မြင့်ဦးက ဆိုသည်။

သိန်းဇော်(မောင်တော)
Narinjara
https://www.facebook.com/Narinjara

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ