ထိုင္းမွာေမြးတဲ့ မိဘမဲ့ ျမန္မာကေလးေတြကို ထိုင္းမွတ္ပုံတင္ေတြ ဒီကေန႔ ထုတ္ေပးမယ္

ထိုင္းမွာေမြးတဲ့ မိဘမဲ့ ျမန္မာကေလးေတြကို ထိုင္းမွတ္ပုံတင္ေတြ ဒီကေန႔ ထုတ္ေပးမယ္
ထိုင္းႏိုင္ငံ၊ မဲေဆာက္ၿမိဳ႕က SAW လို႔ေခၚတဲ့ အမ်ိဳးသမီးနဲ႔ ကေလးေတြကို ထိန္းသိမ္းေစာင့္ေရွာက္ေရးေဂဟာက ကေလးငယ္ ၄၆ ေယာက္ဟာ ေဖေဖာ္ဝါရီလ ၄ ရက္ေန႔မွာ ထိုင္းႏိုင္ငံသားမွတ္ပုံတင္ေတြ ရၾကေတာ့မွာ ျဖစ္ပါတယ္။

ထိုင္းႏိုင္ငံမွာ ႏိုင္ငံမဲ့မရွိေစရဆိုၿပီး ျပဌာန္းလိုက္တဲ့ ဥပေဒအရ ဒီကေလးငယ္ေတြကို မွတ္ပုံတင္ထုတ္ေပးတာျဖစ္တယ္ဆိုၿပီး ထိုင္းအာဏာပိုင္ေတြက ေျပာပါတယ္။

'ကေလးေတြကို ထိုင္းႏိုင္ငံမွာ ေမြးဖြားေၾကာင္း အေထာက္အထားစစ္တယ္၊ သူတို႔မွာ ေဆြမ်ိဳးသားခ်င္းလုံးဝမရွိတာ၊ အသက္ ၁၀ ႏွစ္အထက္ အ႐ြယ္ရွိသူေတြျဖစ္တယ္ဆိုတဲ့ အခ်က္ေတြကို ၃ လ ကေန ၆ လ အတြင္း အေသအခ်ာစစ္ခဲ့ၿပီးမွ မွတ္ပုံတင္ထုတ္ေပးတာ ျဖစ္တယ္' လို႔ SAW အဖြဲ႕က နာယက ႏိုင္ဆူရဖုန္ေကာင္က်န္တစ္ က ေျပာပါတယ္။

SAW ေဂဟာရဲ႕ ဒါ႐ိုက္တာေဒၚေအးေအးမာကလည္း အခုမွတ္ပုံတင္ထုတ္ေပးဖို႔ စိစစ္တဲ့အဖြဲ႕ဟာ ပထမဆုံးအသုတ္ျဖစ္ၿပီး ေနာက္ထပ္စိစစ္ေနတဲ့ ကေလးငယ္ ၇၀၀ ေက်ာ္ ရွိေသးတယ္လို႔လည္း ေျပာပါတယ္။

BBC Burmese
https://www.bbc.com/burmese

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ