မြန်မာနဲ့ဘက်ပေါင်းစုံ ပူးပေါင်းရေး တရုတ် ကတိပြု

တရုတ် နိုင်ငံခြားရေးဝန်ကြီး Wang Yi
မြန်မာနိုင်ငံနဲ့ တရုတ်နိုင်ငံအကြား ကဏ္ဍစုံမှာ ပူးပေါင်းဆောင်ရွက်သွားမယ်လို့ တရုတ် နိုင်ငံခြားရေးဝန်ကြီး Wang Yi က ကတိပြုပြောကြားခဲ့ပါတယ်။ လာအိုနိုင်ငံမှာ ကျင်းပတဲ့ Lancang-Mekong ပူးပေါင်းဆောင်ရွက်ရေး အစည်းအဝေးမှာ ဝန်ကြီး Wang Yi နဲ့ မြန်မာနိုင်ငံ အပြည်ပြည်ဆိုင်ရာ ပူးပေါင်းဆောင်ရွက်မှုဝန်ကြီးဌာန ပြည်ထောင်စုဝန်ကြီး ဦးကျော်တင်တို့ တနင်္ဂနွေနေ့က တွေ့ဆုံခဲ့ပြီးခုလို ကတိပေးခဲ့တာပါ။

၂ နိုင်ငံကြား ဆက်ဆံရေး ပိုမိုခိုင်မာစေရေးနဲ့ ကဏ္ဍစုံမှာ ပူးပေါင်းဆောင်ရွက်ရေးတို့အတွက် ဝန်ကြီး ၂ ယောက် ကတိပြုခဲ့ကြပါတယ်။ တရုတ် မြန်မာ စီးပွားရေးစင်္ကြန် တည်ဆောင်နိုင်ရေးနဲ့ ၂ နိုင်ငံကြားလက်မှတ်ထိုးထားတဲ့ နားလည်မှုစာချွန်လွှာထဲက အစီအစဉ်တွေအတိုင်း လက်တွေ့အကောင်အထည်ဖော်သွားနိုင်ဖို့ကို ၂ ဖက်လုံးက အားထုတ်ဆောင်ရွက်သွားသင့်တယ်လို့ တရုတ်နိုင်ငံတော်ကောင်စီဝင်လည်းဖြစ်တဲ့ Wang Yi ကပြောကြားခဲ့ပါတယ်။

တရုတ်နိုင်ငံဟာ ယူနန်ပြည်နယ်ကတဆင့် မြန်မာ၊ အိန္ဒိယ နဲ့ ဘင်္ဂလားဒေ့ရ်ှကို ဆက်သွယ်မယ့် လေးနိုင်ငံ စီးပွားရေးစင်္ကြံ တည်ထောင်ဖို့ ကြိုးစားနေပါတယ်။ ဒါပေမဲ့လည်း လေ့လာရေး အစီရင်ခံစာတွေ တင်သွင်းပြီး အပြန်အလှန် ဆွေးနွေးတဲ့ အဆင့်မှာသာ ရှိနေပါသေးတယ်။ တရုတ်နဲ့ မြန်မာ နှစ်နိုင်ငံကုန်သွယ်ရေးဟာ ၂၀၁၈ ခုနှစ် ဘဏ္ဍာရေးနှစ် အတွင်း ဒေါ်လာ ၆ ဒသမ ၃ ဘီလျံ ရှိတယ်လို့လည်း မြန်မာအစိုးရဘက်က တရားဝင်ထုတ်ပြန်တဲ့ စာရင်းတွေမှာ ဖေါ်ပြပါတယ်။ နိုဝင်ဘာလအတွင်းကပဲ ရခိုင်ပြည်နယ် ကျောက်ဖြူ ရေနက် ဆိပ်ကမ်း စီမံကိန်း တည်ဆောက်ရေး မူဘောင် သဘောတူညီချက်ကို နှစ်နိုင်ငံအကြား လက်မှတ်ရေးထိုးခဲ့တဲ့အတွက် စီးပွားရေးစင်္ကြန်တည်ဆောက်ရေးအတွက် အရေးကြီးတဲ့ ခြေလှမ်းတခုအဖြစ် လေ့လာသူတွေက သုံးသပ်နေကြပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ