 |
| ၂ဝ၁၈ ခုနှစ် နိုဝင်ဘာလ ၃ ရက်နေ့က ကျင်းပခဲ့တဲ့ ကြားဖြတ်ရွေးကောက်ပွဲမှာ ဆိပ်ကမ်းမြို့နယ် မဲရုံ ဆန္ဒမဲ ရေတွက်နေစဉ် |
ရွေးကောက်ပွဲဆိုင်ရာ ဥပဒေတွေထဲက ငွေရေး၊ ကြေးရေးနဲ့ဆိုင်တဲ့ ပုဒ်မနဲ့ NLD ပါတီရဲ့ ဆိပ်ကမ်းမြို့နယ် ရွေးကောက်ပွဲ ကိုယ်စားလှယ် ဦးရဲမင်းသိမ်းက တရားလိုလုပ်ပြီး အမှုဖွင့်ထားတာလို့ ကြားဖြတ်ရွေးကောက်ပွဲမှာ ရှုံးနိမ့်ခဲ့တဲ့ NLD ပါတီရဲ့ ကိုယ်စားလှယ်လောင်း ဦးသန်းထိုက်အောင်က ပြောပါတယ်။
အမှုဖွင့်ခံထားရသူ ၃ ဦးကတော့ အနိုင်ရခဲ့တဲ့ USDP ပါတီက ဦးနေမျိုးအောင်နဲ့ သူရဲ့ ရွေးကောက်ပွဲ ကိုယ်စားလှယ် အပြင် ငွေချေးကုမ္ပဏီက တာဝန်ရှိသူတစ်ဦးတို့ ဖြစ်တယ်လို့ သိရပါတယ်။
ဒီကိစ္စနဲ့ပတ်သက်ပြီး USDP ပါတီရဲ့ ပြောရေးဆိုခွင့်ရှိသူ ဦးသိန်းထွန်းဦးကို မေးမြန်းရာမှာ အမှုဖွင့်ခံထားရတဲ့ အကြောင်းကို ဦးနေမျိုးအောင်ဆီ လက်ရှိအချိန်အထိ စခန်းက အကြောင်းကြားလာတာ မရှိသေးကြောင်း၊ ကြားဖြတ်မှာ USDP အနိုင်ရခဲ့တဲ့ ၃ နေရာလုံးဟာ ရွေးကောက်ပွဲ မတရားပြုကျင့်မှု မလုပ်ဘဲ ဥပဒေနဲ့အညီ အနိုင်ရခဲ့တာလို့ ယုံကြည်ကြောင်း၊ ဥပဒေကြောင်းအရ ဖြေရှင်းရမယ့်ကိစ္စတွေရှိလာရင် ဖြေရှင်းသွားမယ့်အကြောင်း RFA ကို ပြောပါတယ်။
ပြီးခဲ့တဲ့ ကြားဖြတ်ရွေးကောက်ပွဲမှာ ဆိပ်ကမ်းမြို့နယ်မှာ မဲပေးခွင့်ရှိသူ ၁၄၀၀ ကျော်ရှိခဲ့ပေမယ့် ဆန္ဒမဲ လာပေးသူ ၉၀၀ ကျော်သာရှိခဲ့ပြီး USDP ပါတီက ဦးနေမျိုးအောင်ဟာ မဲအရေအတွက် ၅၀၀ ကျော်နဲ့ အနိုင်ရခဲ့တာ ဖြစ်ပါတယ်။
ဒီသတင်းကို RFA သတင်းထောက် မသီရိမင်းဇင် ပေးပို့တာပါ။
RFA Burmese
https://www.rfa.org
အနိုင်ရ ဆိပ်ကမ်းကိုယ်စားလှယ်ကို NLD ရွေးကောက်ပွဲ ကိုယ်စားလှယ် အမှုဖွင့်
Reviewed by THITHTOOLWIN
on
22:10
Rating:
Reviewed by THITHTOOLWIN
on
22:10
Rating:
