တရုတ်တနိုင်ငံတည်းမူ ကန် ဆက်လက်အတည်ပြု

Summit APEC
ထိုင်ဝမ်ဟာ တရုတ်ပြည်မကြီးရဲ့ အစိတ်အပိုင်းဖြစ်တယ်ဆိုတဲ့ One China Policy - တရုတ်တနိုင်ငံတည်း ပေါ်လစီကို ဆက်လက် ထားရှိသွားမယ်လို့ အမေရိကန်ဒုသမ္မတ Mike Pence က စနေနေ့မှာ ပြောကြားလိုက်ပါတယ်။ အများက စိတ်ဝင်တစား စောင့်ကြည့်နေတဲ့ Papua New Guinea ကျွန်းမှာ ကျင်းပနေတဲ့ ဒေသတွင်း စီးပွားရေးညီလာခံကို တက်လာတဲ့ ထိုင်ဝမ် ကိုယ်စားလှယ် Morris Chang နဲ့ တွေ့ဆုံအပြီး အမေရိကန် ဒုသမ္မတက အဲဒီလို ပြောကြားလိုက်တာပါ။

Papua New Guinea နိုင်ငံ၊ Port Moresby မှာ ကျင်းပနေတဲ့ အာရှပစိဖိတ် စီးပွားရေး ပူးပေါင်းဆောင်ရွက်ရေး ညီလာခံ APEC စည်းဝေးပွဲ ပြင်ပမှာ ဒုသမ္မတ Pence နဲ့ Morris Chang တို့ စနေနေ့က သီးခြား တွေ့ဆုံခဲ့ကြတာပါ။ ဒါဟာ ဒေသတွင်း စီးပွားရေး ညီလာခံတွေရဲ့ ပြင်ပမှာ အမေရိကန် ထိပ်တန်းခေါင်းဆောင်တဦးနဲ့ ထိုင်ဝမ် ကိုယ်စားလှယ်တို့အကြား နှစ်ပေါင်းများစွာအတွင်း ပထမဆုံးအကြိမ် တွေ့ဆုံကြတာလည်း ဖြစ်ပါတယ်။

အမေရိကန်ဒုသမ္မတဟာ ဒီ APEC ညီလာခံကို တက်နေတဲ့ တရုတ်သမ္မတ ရှိကျင့်ဖျင်နဲ့တော့ သီးခြား တွေ့ဆုံဖို့ အစီအစဉ်မရှိဘူးလို့ အမေရိကန် အရာရှိတွေက ပြောပါတယ်။

ဒါဟာ တရုတ်နိုင်ငံနဲ့ပတ်သက်လို့ အမေရိကန်တို့ဘက်က သူတို့လုပ်ချင်တာကို ထုတ်ဖော် ပြသလိုက်တဲ့သဘောလည်း ဖြစ်ပါတယ်။ ဒီမိုကရေစီနည်းလမ်းအရ ကိုယ်ပိုင်အစိုးရကို ရွေးကောက်တင်မြောက်ထားတဲ့ ထိုင်ဝမ်ကျွန်းဟာ ပြည်မကြီးရဲ့ တစိတ်တဒေသဖြစ်တယ်လို့ တရုတ်အစိုးရ ယူဆထားတာပါ။ သုတေသီတွေကတော့ ထိုင်ဝမ်နဲ့ ဆက်ဆံရေး တိုးမြင့်ဆောင်ရွက်တာဟာ တရုတ်-အမေရိကန် ဆက်ဆံရေးကို အနှောက်အယှက် ဖြစ်စေမှာမဟုတ်ဘူးလို့ ယူဆနေကြပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ