မောင်တောက ဟိန္ဒူဒုက္ခသည်တွေကို အစိုးရ ရိက္ခာထောက်ပံ့

မောင်တောမြို့ ဒုက္ခသည်စခန်းက ဟိန္ဒူတွေကို လူမှုဝန်ထမ်း၊ ကယ်ဆယ်ရေးနဲ့ ပြန်လည်နေရာချထားရေးဌာနက စားနပ်ရိက္ခာ ထောက်ပံ့စဉ်

ရခိုင်ပြည်နယ် မောင်တောမြို့က ဒုက္ခသည်စခန်းမှာနေထိုင်နေရတဲ့ ဟိန္ဒူဒုက္ခသည် ၁၂၀၀ ကျော်ကို လူမှုဝန်ထမ်း၊ ကယ်ဆယ်ရေးနဲ့ ပြန်လည်နေရာချထားရေးဌာနက ရက်သတ္တပတ် နှစ်ခုစာ ဆန်၊ ဆီ၊ ဆား စတဲ့ စားနပ်ရိက္ခာတွေ ကူညီထောက်ပံ့ပေးခဲ့တယ်လို့ သိရပါတယ်။
ဟိန္ဒူဒုက္ခသည်စခန်းမှာ အိမ်ထောင်စု ၂၉၃ စုနဲ့ လူဦးရေ ၁၂၂၅ ဦးရှိပြီး အချိန် ၃ လကျော်အကြာ ထောက်ပံ့မှုတွေ မရခဲ့ဘဲ မနေ့ကတော့ ရိက္ခာတွေ လာရောက်ပေးအပ်ခဲ့တယ်လို့ အဲဒီဒုက္ခသည်စခန်းမှာ နေထိုင်တဲ့ ဟိန္ဒူဘာ သာရေးခေါင်းဆောင်တစ်ဦးဖြစ်တဲ့ ဦးမောင်လှ က RFA ကို ပြောပါတယ်။

မောင်တောက ဟိန္ဒူဒုက္ခသည်စခန်းမှာ စားနပ်ရိက္ခာ ပြတ်တောက်နေတာနဲ့ ပတ်သက်လို့ ဦးလှမောင်ရဲ့ ပြောကြားချက်ကို RFA က သတင်းပေးပို့ ထုတ်လွှင့်အပြီး ၁၀ ရက်အကြာမှာ အခုလို အစိုးရက ထောက်ပံ့မှုတွေ ပြုလုပ်လာတာဖြစ်ပါတယ်။

ဟိန္ဒူဒုက္ခသည်တွေဟာ ၂၀၁၇ ခုနှစ် သြဂုတ်လအတွင်းက ဖြစ်ပွားခဲ့တဲ့ အကြမ်းဖက်တိုက်ခိုက်မှုတွေကြောင့် ရဲဘော်ကျ၊ ခမောင်းဆိပ်၊ ကြိမ်ချောင်း၊ ရွှေဇား စတဲ့ကျေးရွာတွေကနေ မောင်တောမြို့ပေါ်ကို ထွက်ပြေးတိမ်းရှောင် ခဲ့ကြတာဖြစ်ပါတယ်။

ဒုက္ခသည်စခန်းမှာနေထိုင်နေရတဲ့ အချိန် ၉ လကျော်အတွင်းမှာ အစိုးရက စားနပ်ရိက္ခာ အကူအညီ ၄ ကြိမ်သာ ပေးဖူးတယ်လို့ သိရပါတယ်။

ရခိုင်ပြည်နယ်အစိုးရအဖွဲ့က အဲဒီဟိန္ဒူ ဒုက္ခသည်စခန်းကို စားနပ်ရိက္ခာ ပုံမှန်ထောက်ပံ့ရမယ့် ကယ်ဆယ်ရေးစခန်း တစ်ခုအဖြစ် တရားဝင်အသိအမှတ်မပြုတာကြောင့် ရိက္ခာအခက်အခဲနဲ့ ကြုံတွေ့ရတာဖြစ်တယ်လို့ ဟိန္ဒူ ဒုက္ခသည်တွေက ပြောကြပါတယ်။

ဒီသတင်းကို RFA သတင်းထောက် ကိုမင်းသိန်းအောင် ပေးပို့လိုက်တာပါ။

RFA Burmese
https://www.rfa.org