ဒေါက်တာအေးမောင်ဦးဆောင်သည့် ရခိုင့်ဦးဆောင်ပါတီ တည်ထောင်ခွင့်ရ


နိရဉ္စရာ၊ အောက်တိုဘာ ၁၁

ဒေါက်တာအေးမောင် ဦးဆောင်သည့် "ရခိုင့်ဦးဆောင်ပါတီ"အား တည်ထောင်ခွင့်ပြုလိုက်ပြီဟု သိရသည်။

"ရခိုင့်ဦးဆောင်ပါတီ"အမည်ဖြင့် ပါတီတည်ထောင်ခွင့်ကို ပြည်ထောင်စုရွေးကောက်ပွဲကော်မရှင်က အောက်တိုဘာလ ၁၁ ရက်နေ့တွင် ခွင့်ပြုပေးလိုက်ခြင်းဖြစ်သည်ဟု ပါတီတည်ထောင်ခွင့် လျှောက်ထားသူများတွင်ပါဝင်သူ ဦးစိုးဝင်းက ပြောသည်။

"ပါတီတည်ထောင်ခွင့်ပြုလိုက်တယ်ဆိုတာ မှန်ပါတယ်။ အခုလို ခွင့်ပြုလိုက်တော့ ဝမ်းသာပါတယ်။ ကျနော်တို့လည်း ဒီပါတီကို မှတ်ပုံတင်နိုင်ရေးနဲ့ ပါတီဖြစ်မြောက်ရေးတို့အတွက် ဆက်ပြီး လုပ်စရာတွေ ဆက်လုပ်သွားဖို့ရှိပါတယ်။"ဟု ဦးစိုးဝင်းက နိရဉ္စရာသို့ပြောသည်။

ပါတီတည်ထောင်ခွင့်အကြောင်းကြားစာကို ပြည်ထောင်စုရွေးကောက်ပွဲကော်မရှင်က ဦးစိုးဝင်းထံသို့ လိပ်မူပေးပို့လိုက်ခြင်းဖြစ်ပြီး ပါတီခေါင်းဆောင်တစ်ဦးနှင့် ဒုတိယခေါင်းဆောင်တစ်ဦးတို့အား ရက်ပေါင်း ၃ဝ အတွင်း အမြန်ဆုံးရွေးချယ်တင်ပြရမည်ဟုလည်း တည်ထောင်ခွင့်ပြုသည့်အကြောင်းကြားစာတွင် ဖော်ပြထားသည်။

အဆိုပါပါတီကို "အဖရခိုင်ပြည်ပါတီ"အမည်ဖြင့် တည်ထောင်ရန် ယခုနှစ် ဖေဖော်ဝါလ ၁၉ ရက်နေ့က ပြည်ထောင်စုရွေးကောက်ပွဲကော်မရှင်ထံ တင်ပြလျှောက်ထားခဲ့သော်လည်း ကော်မရှင်က ယင်းအမည်အား လက်မခံဘဲ ပယ်ချခဲ့သည်။ ယင်းနောက် "ရခိုင့်ဦးဆောင်ပါတီ"အမည်ဖြင့် ထပ်မံ လျှောက်ထားခဲ့ခြင်း ဖြစ်သည်။

အဆိုပါ ပါတီကို ဖမ်းဆီးခံထားရသည့် ဒေါက်တာအေးမောင်၏ ဦးဆောင်မှုဖြင့် ထူထောင်ခြင်းဖြစ်သည်ဟု ဒေါက်တာအေးမောင်က သတင်းထောက်များကို ပြောဆိုထားသည်။

မာန်ယုကျော် (ရွှေဝမြေ)
Narinjara
https://www.facebook.com/Narinjara-151742128171206/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ