လုပ်ခလစာနဲ့ နစ်နာကြေးမရဘဲ အလုပ်ကနေ ထုတ်ပယ်ခံလိုက်ရတဲ့ ဂရိတ်ဝဲလ် ဖိနပ်စက်ရုံ အလုပ်သမားတွေကို ၂၀၁၈၊ အောက်တိုဘာ ၂၂ ရက်နေ့က ရန်ကုန်တိုင်းအစိုးရအဖွဲ့ရုံးရှေ့မှာ တွေ့ရစဉ် / Photo: Aung Thain Kha/ RFA |
အဲဒီစက်ရုံဟာ တရုတ်နိုင်ငံသားပိုင်ဖြစ်ပြီး ၂၀၀၇ ခုနှစ်လောက်ကတည်းက စက်ရုံတည်ကာ ဥရောပနိုင်ငံတွေကို ဖိနပ်တွေ တင်ပို့နေတာဖြစ်တယ်လို့ သိရပါတယ်။
ဇူလိုင်လကစပြီး အလုပ်သမား ၂၁ ဦးကို တစ်လစာ မပေးခဲ့ရာကနေ စက်တင်ဘာလအထိဆိုရင် လစာ မရသူ စုစုပေါင်း ၇၅ ဦးအထိ ရှိလာခဲ့တယ်လို့ အလုပ်သမားတွေက ပြောပါတယ်။
အဲဒီအလုပ်သမား ၇၅ ဦးစလုံးကို စက်တင်ဘာလနောက်ပိုင်း စက်ရုံထဲကို ၀င်ခွင့်မပေးတော့ဘဲ အလုပ်ထုတ်ပယ် လိုက်တယ်လို့ သိရပါတယ်။
သူတို့ဟာ စက်ရုံရှေ့မှာ သပိတ်စခန်းဖွင့် ဆန္ဒပြပေမယ့် ထူးခြားမှုမရှိလို့ဆိုပြီး တိုင်းအလုပ်သမားရုံးရှေ့မှာ ပြောင်းရွှေ့ဆန္ဒပြဖို့ စီစဉ်ခဲ့တာ ဖြစ်ပါတယ်။
အခုချိန်ထိ ဆွေးနွေးပွဲကနေ ဆုံးဖြတ်ချက် တစ်စုံတစ်ရာ မသိရသေးပါဘူး။ အလုပ်ထုတ်ခံရသူတွေဟာ တစ်လကို လစာ တစ်သိန်းခွဲကနေ ၂ သိန်း အထိ ရရှိသူတွေဖြစ်ပြီး အများစုဟာ ဧရာဝတီတိုင်းအပါအဝင် တခြားတိုင်းနဲ့ ပြည်နယ်တွေကနေ ရန်ကုန်မြို့ကို ပြောင်းရွှေ့ လာရောက်လုပ်ကိုင်နေသူတွေလို့ သိရပါတယ်။
RFA Burmese
https://www.rfa.org
ဖိနပ်စက်ရုံအလုပ်သမားတွေနဲ့ တိုင်းဝန်ကြီး တွေ့ဆုံ
Reviewed by THITHTOOLWIN
on
20:12
Rating: