နန်းမိုဟွမ်ကို ထောင်ဒဏ် ၃နှစ် ချမှတ်

TNLA က ဖမ်းထားတဲ့ နန်းမိုဟွမ် ကို အမြန်လွှတ်ပေးဖို့ မိသားစုဝင်တွေ နမ့်ခမ်းမြို့မှာ ၂၀၁၈ စက်တင်ဘာလ ၇ ရက်နေ့က ဆန္ဒပြစဉ်/ Photo: Kan Thar/ RFA
တအာင်းပလောင်လက်နက်ကိုင်တပ်ဖွဲ့ TNLA က ဖမ်းဆီးခေါ်ဆောင်သွားတာ ၂ လနီးပါး ကြာနေပြီ ဖြစ်တဲ့ ရှမ်းပြည်မြောက်ပိုင်း နမ့်ခမ်းမြို့က နန်းမိုဟွမ်ကို ထောင်ဒဏ် ၃ နှစ် ချမှတ်လိုက်ပြီဖြစ်ကြောင်း တအာင်း လွတ်မြောက်ရေးတပ်မတော် TNLA ရဲ့ ပြောခွင့်ရသူ ဗိုလ်မှူး မိုင်းအိုက်ကျော်က ပြောပါတယ်။

အမှုနဲ့ ပတ်သက်ပြီး အသေးစိတ်ကို မသိရှိရသေးပေမယ့် ကျန်းမာရေးနဲ့ လုံခြုံရေးအတွက် စိတ်ချကောင်းမွန်ကြောင်း ပြီးခဲ့တဲ့ အောက်တိုဘာ ၅ ရက်နေ့က အမိန့်ချလိုက်တာဖြစ်ကြောင်း ဗိုလ်မှူး မိုင်းအိုက်ကျော်က ပြောပါတယ်။

TNLA အဖွဲ့က တာဝန်ထမ်းဆောင်နေတဲ့ အကောက်ခွန်ဝန်ထမ်းကို အပြင်းအထန် နာကျင်စေမှုနဲ့ TNLA အဖွဲ့ရဲ့ ရာဇသတ်ကြီး ပုဒ်မ ၃၃၃ နဲ့ နန်းမိုဟွမ်ကို သြဂုတ်လက ဖမ်းဆီးခဲ့တာ ဖြစ်ပါတယ်။

နန်းမိုဟွမ်ကို ပြန်လွှတ်ပေးဖို့အတွက် နန့်ခမ်းမြို့ ဒေသခံတွေက တောင်းဆိုဆန္ဒပြခဲ့ကြသလို အမျိုးသား ပြန်လည်သင့်မြတ်ရေးနဲ့ ငြိမ်းချမ်းရေးဗဟိုဌာန NRPC၊ နိုင်ငံရေးအကျဉ်းသားများ ကူညီစောင့်ရှောက်ရေးအသင်း AAPP နဲ့ နိုင်ငံရေးပါတီတွေကလည်း ကြေညာချက် ထုတ်ပြန် တောင်းဆိုထားပါတယ်။

နန်းမိုဟွမ် လွတ်မြောက်ရေးအတွက် ဆွေးနွေးညှိနှိုင်းဖို့ နန်းမိုဟွမ်ရဲ့ အစ်မ အပါအ၀င် နန်းမိုဟွမ် လွတ်ရေး ဆောင်ရွက်နေတဲ့ အဖွဲ့တွေကို “၀” ဦးဆောင်တဲ့ ပြည်ထောင်စုနိုင်ငံရေး ဆွေးနွေးညှိနှိုင်းရေး ကော်မတီ FPNCC က UWSA ဌာနချုပ် ပန်ဆန်းကို လာရောက်ဖို့ ဖိတ်ခေါ်ထားပါတယ်။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ