သမ္မတ Donald Trump ရဲ့ “ညံ့ဖျင်း နိမ့်ကျပြီး ထိရောက်မှုမရှိတဲ့” ခေါင်းဆောင်မှုပုံစံအပေါ် ဝေဖန်ထားတဲ့ NewYork Times သတင်းစာပါ ဆောင်းပါးကို အမည်မဖော်ဘဲ ရေးသားထားသူဟာ သူတို့မဟုတ်ဘူးလို့ သမ္မတ Trump အစိုးရအဖွဲ့ထဲက ထိပ်တန်းတာဝန်ရှိသူတွေက ငြင်းဆန် ပြောဆိုနေကြပါတယ်။
နိုင်ငံခြားရေးဝန်ကြီး Mike Pompeo က ဒီဆောင်းပါးဟာ “ဝမ်းနည်းဖွယ်” ဖြစ်တယ်လို့ အိန္ဒိယခရီးစဉ်အတွင်း ပြောပါတယ်။ “အခုဖြစ်ရပ်မှာ ဒီအစိုးရကို ထိခိုက်ပျက်စီးစေဖို့ မီဒီယာရဲ့ အားထုတ်လုပ်ဆောင်ချက်ဟာ သိပ်ကို စိတ်ပျက်ဖို့ကောင်းတယ်” လို့လည်းပြောပါတယ်။
ဒုသမ္မတ Mike Pence ရဲ့ရုံးကလည်း ဒါဟာ “အပျော်တမ်း လုပ်ဆောင်ချက်မျိုးထက် အများကြီး ကျော်လွန်တယ်” လို့ Twitter မှာရေးပါတယ်။
အမျိုးသားထောက်လှမ်းရေးအဖွဲ့ ညွှန်ကြားရေးမှူး Dan Coats က “The New York Times မှာ ပါတဲ့ ဆောင်းပါး ကို ကျနော် ဒါမှမဟုတ် ကျနော့်ရဲ့လက်ထောက်က ရေးသားတယ်ဆိုတဲ့ ခန့်မှန်းပြောဆိုချက်တွေဟာ လုံးဝကို မှားယွင်းပါတယ်။ ကျနော်တို့ မရေးပါဘူး” လို့ ထုတ်ပြန်ချက်တခုမှာ ပြောထားပါတယ်။
သူတို့မဟုတ်ဘူးလို့ ငြင်းကြတဲ့ တခြား ထိပ်တန်းတာဝန်ရှိသူတွေထဲမှာ ကာကွယ်ရေးဝန်ကြီး Jim Mattis ၊ ကုလသမဂ္ဂဆိုင်ရာ အမေရိကန်သံအမတ်ကြီး Nikki Haley ၊ ဘဏ္ဍာရေးဝန်ကြီး Steve Mnuchin ၊ အမိမြေလုံခြုံရေးဌာနဝန်ကြီး Kirstjen Nielsen ၊ အလုပ်သမားဝန်ကြီး Alex Acosta နဲ့ စွမ်းအင်ဝန်ကြီး Rick Perry တို့ပါဝင်ပါတယ်။
ဆောင်းပါးကို ရေးသူဟာ အစိုးရအဖွဲ့ အကြီးတန်း တာဝန်ရှိသူတဦးဖြစ်ပြီး ဘယ်သူရေးတယ်ဆိုတာ လူသိရှင်ကြား ထုတ်ပြော မယ်ဆိုရင် အဲဒီလူရဲ့ အလုပ်အကိုင်ကို ထိခိုက်ဖွယ်ရှိတယ်လို့ The Times သတင်းစာကပြောပါတယ်။
ဗွီအိုအေ (မြန်မာပိုင်း)
https://burmese.voanews.com
New York Times သတင်းစာကို စာမရေးခဲ့ကြောင်း ကန်အရာရှိတွေ ငြင်းဆို
Reviewed by THITHTOOLWIN
on
10:43
Rating: