တောဝက်အသင်းသားနဲ့နည်းပြ အိမ်ပြန်ရတော့မယ်

ကယ်ဆယ်ရေး ကြိုးပမ်းမှုတွေ ခက်ခဲ

မကြာသေးခင်က ထမ့်လွန်ဂူအပြင်ပြန်ရောက်လာတဲ့ တောဝက်ဘောလုံးအသင်းသား ၁၂ ယောက်နဲ့ နည်းပြက ဒီနေ့ဇူလိုင် ၁၈ ရက်နေ့မှာ ဆေးရုံကဆင်းပြီး တစ်လနီးပါးခွဲခွာခဲ့ရတဲ့ အိမ်ကမိသားစုတွေနဲ့ပြန်လည်ဆုံစည်းကြရတော့မယ်လို့ ချင်းရိုင်မြို့မှာ သတင်းသွားယူနေတဲ့ ဘီဘီစီသတင်းထောက်က ပြောပါတယ်။

တောဝက်အသင်းသားနဲ့နည်းပြတွေဟာ ဂူထဲမှာ ၁၈ ရက်ကြာပိတ်မိခဲ့တဲ့အပြင် ဂူအပြင်ပြန် ရောက်ပြီးနောက် ရက်အတန်ကြာချင်းရိုင်ဆေးရုံမှာ ဆေးကုသမှုခံ ယူခဲ့ကြပါတယ်။

သူတို့ကို မီဒီယာတွေနဲ့ ၄၅ မိနစ် တွေ့ဆုံပြီး အမေးအဖြေလုပ်ဖို့ ထိုင်းအာဏာပိုင် တွေက စီစဉ်ပေးခဲ့တာဖြစ်တယ်လို့ ဘီဘီစီသတင်းထောက်က ပြောပါတယ်။ ကလေးတွေရဲ့ကျန်းမာရေးအခြေအနေကောင်းရင် ဒီထက် အချိန်ပိုကြာတဲ့ တွေ့ဆုံမေးခွင့် မီဒီယာတွေကို ပေးမယ်လို့လည်း ထိုင်းအာဏာပိုင်တွေက ပြောကြောင်း အဲဒီမှာ ရောက်နေတဲ့ ဘီဘီစီ သတင်းထောက်က ဆိုပါတယ်။

ကလေးတွေကိုတွေ့ဆုံမေးမြန်းရာမှာလည်း စိတ်ပိုင်းဆိုင်ရာထိခိုက်စေမယ့်မေးခွန်းမျိုးတွေလည်းတားမြစ်ထားတယ်လို့ ချင်းရိုင်မှာရောက်နေတဲ့ သတင်းထောင်တွေက ပြောပါတယ်။ မေးခွန်းတွေကိုလည်း သေချာစီစစ်ပြီးမှ ကလေးကိုဖြေခိုင်းမယ်လို့ ချင်းရိုင်ခရိုင် တာဝန်ရှိသူ က ထုတ်ပြန်ထားပါတယ်။

တောဝက်ဘောလုံးအသင်းသားနဲ့နည်းပြတွေဟာ ထိုင်းနိုင်ငံမြောက်ပိုင်း မှာ ရှိတဲ့ မယ်ဆိုင်မြို့က ထမ့်လွန်ဂူထဲမှာ နှစ်ပတ်ကျော်ပိတ်မိ နေခဲ့ကြတာပါ။

သူတို့တွေကို ပြီးခဲ့တဲ့အပတ်က ကယ်ထုတ် နိုင်ခဲ့ပြီး ချင်းရိုင် ခရိုင် ဆေးရုံကို တင်ပို့ ကုသထား ခဲ့ရတာပါ။ ဂူထဲထွက်လာပြီးနောက် မီဒီယာနဲ့ ပထမဦးဆုံးအကြိမ်တွေ့ ဆုံတာဖြစ်ပါတယ်။ သတင်းစာရှင်းလင်းပွဲလုပ်မယ့်နေရာကို မီဒီယာဖွဲ့တော်တော်များများက မနေ့ညကတည်း နေရာယူစောင့်နေကြတယ်လို့ သိရပါတယ်။

တချိန်ထဲမှာပဲ တောဝက်ဘောလုံးအသင်းရဲ့အကူနည်းပြဖြစ်တဲ့ မြန်မာနိုင်ငံက ရှမ်းလူမျိုး အေကဖွန်း ချာသာဝုန်း နဲ့ အသင်းသားနှစ်ယောက်ကို ထိုင်းအဏာပိုင်တွေက သူတို့ကို ထိုင်းနိုင်ငံသားမှတ်ပုံတင်ပေးဖို့ စီစဉ်နေတယ်လို့လည်း သတင်းတွေထွက်ပေါ်နေပါတယ်။

နည်းပြ အေကဖွန်းနဲ့ ထိုင်းနိုင်ငံသားမဖြစ်သေးတဲ့ ဝ တိုင်းရင်းသား အိုက်လူး ခေါ် အိုက်ဒွန်း နဲ့ အဖေါ်တစ်ယောက်ကိုလည်း သူတို့ရဲ့ကိုယ်ရေးအချက်အလက်တွေကို ထိုင်းအာဏာပိုင်တွေက လိုက်လံစုံစမ်းနေတယ်လို့ နည်းပြ အေကဖွန်းနဲ့ ခင်မင်ရင်းနှီးတဲ့ မယ်ဆိုင်မြို့က ကျောင်းထိုင်ဘုန်းကြီး ဖရာခရူ ပရာယု ချဲတီယာနူကာ က ဘီဘီစီကို မိန့်ပါတယ်။

ကလေးတွေကိုဂူထဲမှာ ၁၈ ရက်ကြာ အသက်မသေပဲ နည်းပြ အေကဖွန်းက ဘယ်လိုစောင့်ရှောက်ခဲ့လဲ ဆိုတာ အများကသိချင်ကြပါတယ်။ အသက်၂၅ နှစ်အရွယ်ရှိ အေကဖွန်း ဟာ ရှမ်းပြည်နယ် တာချီလိတ်မြို့ မှာ အဖွားဖြစ်သူကို စောင့်ရှောက်ရတဲ့အတွက် တာချီလိတ်နဲ့ မယ်ဆိုင်မြို့ကို အသွားအလာ လုပ်နေရတယ်လို့ ဘုန်းကြီးက မိန့်ပါတယ်။

BBC Burmese
https://www.bbc.com/burmese