ICC တောင်းဆိုချက် မြန်မာအစိုးရပယ်ချ

မြန်မာက ဘင်္ဂလားဒေ့ရ်ှဘက် ဖြတ်ကူးသွားတဲ့ ရိုဟင်ဂျာမူဆလင် ယောက်ကျားလေးများ ဆောက်လုပ်ရေးအတွက် ဝါးလုံးတွေသယ်နေစဉ်။

ရခိုင်ပြည်နယ်က ပဋိပက္ခတွေကြောင့် အိမ်နီးချင်း ဘင်္ဂလားဒေ့ရ်ှနိုင်ငံကို ဒုက္ခသည်တွေ သိန်းနဲ့ချီ ထွက်ပြေးခဲ့ရတဲ့ ကိစ္စနဲ့ ပတ်သက်လို့ ကြားနာစစ်ဆေးဖို့ အပြည်ပြည်ဆိုင်ရာ ရာဇ၀တ်ပြစ်မှုဆိုင်ရာခုံရုံး (ICC) ကို တင်ပြချက်ကို မြန်မာအစိုးရက ရှေ့လနှောင်းပိုင်း နောက်ဆုံးထား အကြောင်းပြန်ဖို့ ပြောကြား လိုက်ပေမဲ့ မြန်မာအစိုးရကတော့ လက်ခံမှာမဟုတ်ကြောင်း ပြောဆိုလိုက်ပါတယ်။ လူ့အခွင့်အရေး လှုပ်ရှားသူတွေကတော့ ICC ရဲ့ စုံစမ်းမှုတွေကို ရှောင်ရှားဖို့ဆိုရင် မြန်မာနိုင်ငံအနေနဲ့ စွပ်စွဲချက်တွေကို ခိုင်မာတဲ့ အထောက်အထားတွေနဲ့ ဖြေရှင်းဖို့ လိုတယ်လို့ ထောက်ပြနေကြတာပါ။ အပြည့်အစုံ ကိုတော့ ဗွီအိုအေ မြန်မာပိုင်းသတင်းထောက် ကိုမိုးဇော်က ပြောပြပေးမှာ ဖြစ်ပါတယ်။

ရခိုင်ပြည်နယ်ကနေ ဘင်္ဂလားဒေ့ရ်ှနိုင်ငံဘက်ကို ဒုက္ခသည်တွေ သိန်းနဲ့ချီ ထွက်ပြေးခဲ့ရတဲ့ ကိစ္စအတွက် စုံစမ်းစစ်ဆေးခွင့်ရရေး ICC ရှေ့နေချုပ် Fatou Bensouda က ဧပြီလထဲ တင်ပြထားတာကို မြန်မာအစိုးရဘက်က ဇူလိုင်လ ၂၇ ရက်နေ့ နောက်ဆုံးထား တုံ့ပြန်ဖို့ မနေ့တုန်းကပဲ ကြေညာချက် ထုတ်ပြန်လိုက်တာ ဖြစ်ပါတယ်။ ဒါပေမဲ့လည်း ICC ရှေ့နေချုပ်ရဲ့ ကြိုးပမ်းမှုအပေါ် အလွန်အမင်း စိုးရိမ်မကင်း ဖြစ်ရကြောင်းနဲ့ မြန်မာနိုင်ငံလို အဖွဲ့ဝင် မဟုတ်တဲ့ နိုင်ငံအပေါ် စီရင်ပိုင်ခွင့် မရှိကြောင်း မြန်မာအစိုးရက အစောပိုင်းမှာ ကြေညာချက်ထုတ်ပြန်ပြောဆိုထားပါတယ်။ အခုနောက်ဆုံးရက် သတ်မှတ် လိုက်ပေမဲ့လည်း မြန်မာအစိုးရအနေနဲ့ ရပ်တည်ချက် အပြောင်းအလဲမရှိသလို ICC ရဲ့ ကြိုးပမ်းမှုကိုလည်း လက်ခံနိုင်မှာ မဟုတ်ကြောင်းလည်း နိုင်ငံတော် အတိုင်ပင်ခံပုဂ္ဂိုလ်ရုံး ညွှန်ကြားရေးမှူးချုပ် ဦးဇော်ဌေး ဗွီအိုအေကို အခုလိုပြောပါတယ်။

“သက်ဆိုင်ရာနိုင်ငံက မလုပ်ချင်တာ ရှိတယ်။ မလုပ်နိုင်တာ ရှိတယ်။ အဲဒီအနေအထားဆို ICC ရောက်မယ်။ အခု ကျနော်တို့ ပြောနေတာက မြန်မာ နိုင်ငံ အစိုးရက မလုပ်နိုင်တာလည်း မဟုတ်ဘူး။ မလုပ်ချင်တာလည်း မဟုတ်ဘူး။ လုပ်မယ်။ ကျနော်တို့ ပြောနေတာက ချိုးဖောက်မှုတွေ ရှိတယ်ဆိုရင်ပေး ကျနော်တို့ ခိုင်မာတဲ့အထောက်အထားပေး။ ပေးရင် စစ်မယ်။ စစ်ပြီးရင် ဥပဒေနဲ့ အညီအရေးယူမယ်။ တပ်မတော်ဘက်ကလည်း လုံခြုံရေးကောင်စီ အဖွဲ့ဝင်တွေလာတဲ့အချိန်မှာ ပြောလိုက်တယ်။ တပ်ချုပ်ကိုယ်တိုင်။ အဲတော့ ကျနော်တို့အစိုးရက မလုပ်နိုင်တာလည်းမဟုတ်ဘူး။ မလုပ်ချင်တာလည်း မဟုတ်ဘူး။ ဒါတွေကို အရေးယူမယ်ဆိုတာပြောထားပြီးသားဖြစ်တဲ့အတွက် ICC ပို့လို့မရဘူး။ ဆိုတော့ သက်ဆိုင်ရာနိုင်ငံက စုံစမ်းစစ်ဆေးနေတဲ့ ကိစ္စ တခုကို နိုင်ငံတကာ တရားရုံးတို့၊ နိုင်ငံတကာ intervention တို့ လုပ်လို့ မရဘူး။ သူ့နိုင်ငံ process ပြီးမှကို ကျန်တာတွေ ဆက်စဉ်းစားရမယ်။ ဒါက နိုင်ငံ တကာလုပ်ထုံးလုပ်နည်း။ သို့သော် မည်သို့ပင်ဖြစ်စေပေါ့။ ကမ္ဘာမှာ မရှိဘူး။ နိုင်ငံတကာမှာမရှိဘူး။ ICC တရားရုံး စီရင်ထုံးတွေမှာ မရှိခဲ့တဲ့ အသစ် အဆန်း တွေ လုပ်လာလည်း ကျနော်တို့က လက်ခံမှာ မဟုတ်ဘူး။”

Equality Myanmar ခေါ် လူ့အခွင့်အရေးအဖွဲ့က ဒါရိုက်တာဦးအောင်မျိုးမင်းက လက်ရှိ တောင်းဆိုလာတဲ့ အခြေအနေအပေါ် အခုလို သုံးသပ်ပြောဆိုပါ တယ်။

“အခုလုပ်ဆောင်နေတာ ကြည့်မယ်ဆိုရင် ICC မှာ တင်နိုင်တဲ့ နည်းလမ်း ၃လမ်းထဲက ၂လမ်းနဲ့ တင်ဖို့ ကြိုးပမ်းနေတဲ့ သဘောမျိုးဖြစ်တယ်။ အခု ကျနော်တို့ ဘင်္ဂလားဒေ့ရ်ှကနေ အမှုအရာရှိကို ဒီကိစ္စတွေဖြစ်နေတယ်။ ဒီကိစ္စတွေ စုံစမ်းပေးပါလို့ ပြောလို့ရှိရင် အမှုအရာရှိက အဲဒါကို မြန်မာနိုင်ငံကို လှမ်းပြီးတော့ အချက်အလက်တွေ တောင်းတာရှိပါတယ်။ တကယ်လို့ တောင်းခံမှုကို ပူးပေါင်းဆောင်ရွက်မှုမရှိလို့ ရှိရင်လည်း ပြဿနာက ဘာလဲဆိုတော့ ဒါက ပူးပေါင်းဆောင်ရွက်မှု မရှိဘူး။ အချက်အလက်အထောက်အထားတွေက ခိုင်မာတယ်ဆိုပြီး ပိုဖြစ်သွားနိုင်တဲ့သဘောရှိတယ်။ အဲတော့ ဖြစ်ပျက်နေတဲ့ ကိစ္စတွေကို မဖြစ်ဘူးဆို ငြင်းနေတာမျိုးမဟုတ်ဘဲ သက်သေအထောက်အထားနဲ့ ပြန်လည်ရှင်းပြဖို့ လိုအပ်တယ်။”

မြန်မာပြည်အပေါ် ဆောင်ရွက်နိုင်တဲ့ အခြားနည်းလမ်းတခုကတော့ ကုလသမဂ္ဂလုံခြုံရေး ကောင်စီ UNSC က ICC ခေါ် နိုင်ငံတကာ ပြစ်မှုခုံရုံးကို လွှဲပြောင်းပေးတဲ့နည်းဖြစ်တယ်လို့ ပြောပါတယ်။ လက်ရှိ တောင်းဆိုထားတာကို ဖြေရှင်းနိုင်ရေးအတွက်လည်း ဦးအောင်မျိုးမင်းက အခုလို အကြံပြု ပြောဆိုပါတယ်။

“ဖြေရှင်းမှုတွေ ပူးပေါင်းနဲ့ဖြေရှင်းနိုင်တဲ့ ခိုင်လုံမှုမရှိရင်တော့ ဒါက နိုင်ငံပေါ်မှာ ရှေ့ဆက်ပြီး ICC လမ်းကြောင်းပေါ် ဆက်သွားဖို့အတွက် အခြေအနေ ပိုများ သွားနိုင်ပါတယ်။ အဲတော့ မရှိဘူး၊ မဖြစ်ဘူးဆိုပြီး ငြင်းနေလို့တော့ မရတော့ဘူးဗျ။ ဘာကြောင့်လဲဆိုတော့ သက်သေနဲ့ လုပ်ရမယ့် ကိစ္စမျိုးဖြစ်တယ်။ နောက် တခါမှာ စုံစမ်းစစ်ဆေးမှုတွေ ခွင့်ပြုပြီးတော့ လုပ်ဆောင်ရမယ့် အနေအထားမျိုးဖြစ်တဲ့အတွက် ပူးပေါင်းဆောင်ရွက် ပါတယ်ဆိုတဲ့ လေသံမျိုး မကဘဲနဲ့ အမှန်တကယ် ဖော်ဆောင်နိုင်သော လက်တွေ့ ပူးပေါင်းမှုတွေ ခွင့်ပြုမှုတွေ စုံစမ်းစစ်ဆေးမှုတွေ အမြန်ဆုံးလုပ်ဆောင်မှုက အကောင်းဆုံး နည်းလမ်း ဖြစ်မယ်လို့ ယူဆပါတယ်။”

၂၀၁၇ ခုနှစ်က ဖြစ်ပွားခဲ့တဲ့ ရခိုင်ပြည်နယ်မြောက်ပိုင်းအရေးအခင်းမှာ ဘင်္ဂလားဒေ့ရ်ှနိုင်ငံ ဘက်က လူ ၇ သိန်းလောက် ထွက်ပြေးသွားခဲ့တာဖြစ်ပါတယ်။ ဒီလို ထွက်ပြေးရတာဟာ လူ့အခွင့်အရေးချိုးဖောက်တာတွေနဲ့ အကြမ်းဖက်မှုတွေကြောင့်ဖြစ်ကြောင်း စွပ်စွဲထားသလို ကုသမဂ္ဂလုံခြုံရေးကောင်စီကလည်း စုံစမ်းစစ်ဆေး အရေးယူဖို့ တောင်းဆိုထားတာဖြစ်ပါတယ်။

ကိုမိုးဇော်  / ဗွီအိုအေ (မြန်မာပိုင်း)
https://burmese.voanews.com