အမေရိကန်၊ ကနေဒါနဲ့ မက္ကဆီကို ၂၀၂၆ ကမ္ဘာ့ဖလားအိမ်ရှင်ကျင်းပခွင့်ရ


လာမယ့် ၂၀၂၆ ခုနှစ်မှာ ယှဉ်ပြိုင်မယ့် ကမ္ဘာ့ဖလား ဘောလုံးပြိုင်ပွဲအတွက် အိမ်ရှင်အဖြစ် အမေရိကန်ပြည်ထောင်စု၊ ကနေဒါနဲ့၊ မက္ကဆီကို နိုင်ငံ သုံးနိုင်ငံကို ပူးတွဲကျင်းပခွင့် FIFA ကမ္ဘာ့ဘောလုံး အဖွဲ့ချုပ်က ပေးလိုက်ပါတယ်။

ပူးတွဲကျင်းပခွင့် တောင်းခံထားတဲ့ သုံးနိုင်ငံကို အာဖရိကတိုက်က ကမ်းလှမ်းထားတဲ့ Morocco နိုင်ငံနဲ့ ယှဉ်ပြီး ကမ္ဘာ့ဖလားအဖွဲ့ချုပ်က ဒီကနေ့ရုရှားနိုင်ငံမှာ မဲပေး ရွေးချယ်ခဲ့တာပါ။ ၁၃၄ မဲ၊ ၆၅ မဲနဲ့ United Bid လို့ ခေါ်တဲ့ အမေရိကန်ပြည်ထောင်စု၊ ကနေဒါနဲ့ မက္ကဆီကို သုံးနိုင်ငံကို ရွေးချယ်လိုက်တာကြောင့် မြောက်အမေရိကတိုက်မှာ ကမ္ဘာ့ဖလားပြိုင်ပွဲ စတုထ္ထအကြိမ် ကျင်းပခွင့် ရသွားတာဖြစ်ပါတယ်။

ကမ္ဘာ့ဖလားဘောလုံးပြိုင်ပွဲတွေကို ဒီနှစ် ၂၀၁၈ အတွက် ရုရှားမှာ ကျင်းပဖို့ ရွေးချယ် ခဲ့သလို၂၀၂၂ ခုနှစ်အတွက် Qatar နိုင်ငံမှာ ကျင်းပဖို့ FIFA က ရွေးချယ်ထားပါတယ်။ မနက်ဖြန် ရုရှားမှာ အိမ်ရှင်ရုရှားအသင်းနဲ့ ဆော်ဒီ အာရေးဗီးယားနိုင်ငံ အသင်းတွေ စတင် ယှဉ်ပြိုင်ကစားမှာဖြစ်ပြီး တခြား ယှဉ်ပြိုင်မယ့် နိုင်ငံတကာ အသင်းတွေက အားကစားသမားတွေလည်း ရုရှားနိုင်ငံကိုရောက်နေကြပါတယ်။

ဇွန်လ ၁၄ ရက်နေ့ စတင်ကျင်းပပြီး ဇူလိုင် ၁၅ ရက်နေ့ မော်စကိုမှာ ဗိုလ်လု ပွဲ ကျင်းပမှာဖြစ်ပါတယ်။ ဒီနှစ် ကမ္ဘာ့ဖလားမှာ အရင် ကမ္ဘာ့ဖလား ဘောလုံးပွဲတွေလို နိုင်ငံတကာ အသင်း ၃၂ သင်းယှဉ်ပြိုင် ကစားမှာဖြစ်ပေမဲ့ နောင်မှာ ၄၈ သင်းအထိ တိုးချဲ့သွားဖို့ FIFA ကမ္ဘာ့ဘောလုံးအဖွဲ့ချုပ်က ကြေညာထားပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ