ဓာတုလက်နက်သုံးရင် ထပ်တိုက်မယ်လို့ ကန်ကဆို

ဆီးရီးယားကို ဒုံးကျည် ၁၀၅ လုံးနဲ့တိုက်ခိုက်ပြီးနောက် အခြေအနေ ဆက်လက်တင်းမာ
တကယ်လို့ ဆီးရီးယားသမ္မတ မစ္စတာ အာဆတ်က ဓာတုလက်နက် ထပ်မံ သုံးစွဲခဲ့မယ်ဆိုရင် မစ်ဇိုင်းဒုံးနဲ့ နောက်ထပ်တိုက်ခိုက်မှုတွေ လုပ်ဦးမယ်လို့ အမေရိကန် အစိုးရက သတိပေးပြောကြားလိုက်ပါတယ်။

ကုလသမဂ္ဂဆိုင်ရာ အမေရိကန် သံအမတ်ကြီး နစ်ကီ ဟေလီကလည်း အမေရိကန်ပြည်ထောင်စု အနေနဲ့ ကျည်ထိုး မောင်းတင်ထားတယ်လို့ လုံခြုံရေးကောင်စီမှာ ပြောခဲ့ပါတယ်။

ပင်တာဂွန်စစ်ဌာနချုပ်ကလည်း ဆီးရီးယားမှာရှိတဲ့ ဓာတုလက်နက် စက်ရုံတွေရှိရာ နေရာသုံးခုကို နောက်ထပ် ခရုဇ် မစ်ဇိုင်းဒုံး တရာကျော်နဲ့ ချိန်ရွယ် နေရာချထားပြီး ဖြစ်တယ်လို့ ပြောပါတယ်။

အမေရိကန်ရဲ့ တိုက်ခိုက်မှုတွေဟာ တိကျတယ်လို့လည်း ပင်တာဂွန်စစ်ဌာနချုပ်ဘက်က ပြောဆိုပြီး ဒီတိုက်ခိုက်မှုတွေဟာ ဆီးရီးယား အစိုးရရဲ့ လေကြောင်း ကာကွယ်ရေးစနစ်ကို ပစ်မှတ်ထားတိုက်ခိုက်နေတာသာ ဖြစ်တယ်လို့ ရုရှားက ပြောဆိုနေတာကို လည်း ငြင်းပယ် ပယ်ချခဲ့ပါတယ်။

ရုရှားသံအမတ်ကြီး ဗာဆီးလီး နဗျန်းဇီယာ ကတော့ အမေရိကန်တို့ရဲ့ လုပ်ရပ်ဟာ လမ်းသရဲလုပ်ရပ်မျိုးလို့ ပြောဆိုခဲ့ပါတယ်။ ဒါဟာ နိုင်ငံတကာ ဥပဒေကို ပြောင်ပြောင်တင်းတင်း ဥပေက္ခာပြုတာပဲလို့လည်း သူက ဆိုပါတယ်။

အမေရိကန် ဗြိတိန်နဲ့ ပြင်သစ်တို့က သူတို့အဆို ဆီးရီးယားမှာရှိတဲ့ ဓာတုလက်နက် စက်ရုံတွေကို မစ်ဇိုင်းဒုံး ၁၀၅ လုံးနဲ့ ပစ်ခတ်ခဲ့ပြီးနောက်မှာ ဒါဟာ နိုင်ငံတကာ ဥပဒေကို ချိုးဖောက်တာဖြစ်တယ်လို့ ရုရှားက ပြောဆိုပြီး သူတို့ရဲ့လုပ်ရပ်တွေကို ရှုတ်ချဖို့ ရုရှားက လုံခြုံရေးကောင်စီ အစည်းအဝေးကို အရေးပေါ်ခေါ်ယူခဲ့ပါတယ်။

ဒါပေမယ့် ကုလသမဂ္ဂလုံခြုံရေးကောင်စီအဖွဲ့ဝင်အများစုရဲ့ ထောက်ခံမှုကို မရခဲ့ပါဘူး။

လုံခြုံရေးကောင်စီမှာ ရုရှားဘက်က နောက်ထပ် နှစ်နိုင်ငံကသာ ထောက်ခံမဲပေးခဲ့ပါတယ်။

နေတိုးစစ်မဟာမိတ်အဖွဲ့က အမေရိကန်၊ ဗြိတိန်၊ ပြင်သစ်တို့ရဲ့ လုပ်ရပ်ကို အပြည့်အဝထောက်ခံတယ်လို့ ထုတ်ဖော်ပြောဆိုလိုက်ပါတယ်။

မနေ့ညက အမေရိကန် ဦးဆောင်တဲ့ တိုက်ခိုက်မှုတွေဟာ ဆီးရီးယားရဲ့ ဓာတုလက်နက် စွမ်းအားတွေကို ထိထိရောက်ရောက် အားပျော့သွားအောင် လုပ်နိုင်ခဲ့ကြောင်း ယုံကြည်တယ်လို့လည်း နေတိုး အတွင်းရေးမှူးချုပ် ယန်း စတော့တင်ဘာ့ဂ် ဆိုပါတယ်။

ဒါဟာ မှန်ကန်တဲ့လုပ်ရပ်လို့လည်း သူကဆိုပြီး ဖြစ်လာမယ့် အန္တရာယ်ကို ကြိုတင် ဟန့်တားတဲ့ လုပ်ရပ်လို့လည်း သူကဆိုပါတယ်။

ကုလသမဂ္ဂ အတွင်းရေးမှူးချုပ် အန်တိုနီယို ဂူတာရက်စ်ကတော့ သူ့အခေါ် အန္တရာယ်ကြီးမားတဲ့ အခြေအနေမျိုးမှာ ထိန်းထိန်းသိမ်းသိမ်းလုပ်ကြဖို့ မေတ္တာရပ်ခံထားပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ