ပျောက်ဆုံးနေတဲ့ ကချင် နှစ်ဦး အလောင်းတွေ့ရှိ

မိုင်းခေါင်ကျေးရွာ KBC ဒုက္ခသည်စခန်း(၁)က ဦးဖော်ဂမ်ယော်နဲ့ ဦးနခွန်နော်ဆန်း တို့ပုံကို မြင်ရစဉ်။ Photo: Khon Ja's Facebook
ကချင်ပြည်နယ် မန်စီမြို့နယ်မှာရှိတဲ့ စစ်ဘေးဒုက္ခသည်စခန်းကနေ နွားကျောင်းရင်းပျောက်ဆုံးသွားတဲ့ ကချင် တိုင်းရင်းသားနှစ်ယောက်ရဲ့ ရုပ်အလောင်းကို ဒေသခံရွာသားတွေက ရှာဖွေတွေ့ရှိခဲ့တဲ့အတွက် မိသားစုဝင်တွေနဲ့ ရဲအရာရှိနဲ့ ဆရာဝန်တွေက အလောင်းရှိတဲ့နေရာကို   ဒီနေ့ သွားရောက် စစ်ဆေးခဲ့ပါတယ်။

တစ်လကျော်အကြာမှာ သူတို့နှစ်ယောက် အလောင်းကို ဒေသခံရွာသားတွေက ရှာဖွေတွေ့ရှိခဲ့တာဖြစ်တယ် လို့ မြစ်ကြီးနားအခြေစိုက် ငြိမ်းချမ်းရေးအကျိုးဆောင် ဦးလမိုင်ဂွန်ဂျာ ကပြောပါတယ်။

"အဲဒီကိစ္စနဲ့ပတ်သတ်ပြီး ဒီနေ့ပဲ ကျနော့်ကို ဗန်းမော်ကလူတွေ အကြောင်းကြားလာတယ်၊ မနေ့က သူတို့သွားရောက်ရှာဖွေပြီးတော့ တွေ့ထားပြီဖြစ်တယ်၊ ဒါကြောင့် ဒါတွေကို မန်စီရဲစခန်းနဲ့ အုပ်ချုပ်ရေးမှူးအားလုံးကို အကြောင်းကြားထားတယ်လို့ပြောတယ်။ ဒီနေ့ကြတော့ သူတို့အဲဒါကို တူးဖော်ဖို့အတွက် ထွက်လာတယ်၊ ထွက်လာတဲ့အပေါ်မှာ အခုက မိုင်းခေါင်မှာ ရောက်ရှိနေ တယ်။ ရောက်ရှိနေပြီးတော့မှ အဲဒီနေရာကို သွားဖို့အတွက်ပြောတယ်၊အဲဒီနေရာဒေသက မာရှယ်လော ထုတ်ထားတဲ့ဒေသဖြစ်တယ်ဆိုပြီးပြောလို့ ကျနော်က မြောက်ပိုင်းတိုင်းစစ်ဌာနချုပ်ကို အကြောင်း ကြားပေးထားတယ်၊ အခုတော့ ခွင့်ပြုပြီဆိုပြီးတော့ အခုသွားဖော်နေပြီလို့ နောက်ဆုံးသတင်းကြား သိရတယ်"

ပြီးခဲ့တဲ့ ဇန်န၀ါရီလ ၃၁ ရက်နေ့က အသက် ၆၅ နှစ်အရွယ် ဦးဖော်ဂမ်ယော်နဲ့ အသက် ၃၅ နှစ်အရွယ် ဦးနခွန်နော်ဆန်း တို့နှစ်ယောက်ဟာ နွားကျောင်းသွားရာမှာ မန်စီမြို့နယ်  မိုင်းခေါင်ကျေးရွာကနေ ခပ်ပရာရွာ သွားတဲ့လမ်းမှာ သူတို့ နှစ်ယောက်ကို တပ်မတော်စစ်ကြောင်းကနေ ဖမ်းဆီးသွားတာကို ဒေသခံမျက်မြင်တွေ က တွေ့မြင်ခဲ့ရတဲ့အတွက် ကချင်ပြည်နယ်အစိုးရကို တိုင်ကြားခဲ့တာဖြစ်ပါတယ်။

အလောင်းတွေ့ရှိတဲ့နေရာကို သွားရောက်ဖို့မှာ  တပ်မတော်ရဲ့ ခွင့်ပြုချက်ရယူပြီး ဒီနေ့ညနေပိုင်းမှာ အလောင်းဖော်နေပြီလို့ နောက်ဆုံးသတင်းရထားကြောင်း ဦးလမိုင်ဂွန်ဂျာ ကပြောပါတယ်။

အလောင်းတူးဖော်ဖို့သွားတဲ့ မိသားစုဝင်တွေနဲ့ မန်စီရဲစခန်းမှူးတို့ကို RFA က တယ်လီဖုန်းနဲ့ ဆက်သွယ်မေးမြန်းပေ မယ့် ဆက်သွယ်လို့မရခဲ့ပါဘူး။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ