Tel Aviv မှာရှိတဲ့ အစ္စရေးဆိုင်ရာ အမေရိကန်သံရုံး |
ရှေ့လာမယ့် ရက်သတ္တပတ်တွေအတွင်း ဒီသံရုံးပြောင်းရွှေ့ရေးအတွက် သူတို့ရဲ့အရာရှိတွေ တိုးမြှင့် ပြင်ဆင်သွားမှာဖြစ်ပြီး နောက်နှစ်မကုန်ခင် ဂျေရုစလင်မှာ ဖွင့်လှစ်တော့မယ်လို့ အစ္စရေး လွှတ်တော် Knesset မှာ Pence ကပြောကြားလိုက်တာပါ။
ဂျေရုစလင်ဟာ အစ္စရေးနိုင်ငံရဲ့ မြို့တော်ဖြစ်ပြီး သူတို့သံရုံးကို Tel Aviv ကနေ ဂျေရုစလင်ကိုပြောင်းရွှေ့ဖို့ သမ္မတ Trump က ညွှန်ကြားထားတာဖြစ်ပါတယ်။ အမေရိကန် နိုင်ငံခြားရေးဝန်ကြီး Rex Tillerson ကတော့ သံရုံးပြောင်းရွှေ့ရေးကိစ္စဟာ နှစ်နဲ့ချီကြာမြှင့်မယ်လို့ ပြောကြားခဲ့ပေမယ့် အခုတော့ နှောင်နှစ်အကုန်မှာ ပြောင်းရွှေ့တော့မှာဖြစ်ပါတယ်။
အစ္စရေးဝန်ကြီးချုပ် Netanyahu က ဒီလိုပြောင်းရွှေ့မယ့် ကိစ္စအတွက် သမ္မတ Trump နဲ့ ဒု သမ္မတ Pence တို့ကို ကျေးဇူးတင်စကားပြောကြားလိုက်ပါတယ်။ အစ္စရေးပါလီမန်ထဲက အာရပ်လူမျိုး လွှတ်တော်အမတ်တွေကတော့ ဒါကို သပိတ်မှောက်သွားမယ်လို့ ပြောနေကြပါတယ်။
ဗွီအိုအေ (မြန်မာပိုင်း)
https://burmese.voanews.com
ကန်သံရုံး ၂၀၁၉ မှာ ဂျေရုစလင်မြို့သို့ ရွှေ့ပြောင်းမည်
Reviewed by THITHTOOLWIN
on
08:22
Rating: