မြောက်ကိုရီးယား ကို တရုတ် ရေနံပို့တယ်လို့ Donald Trump စွပ်စွဲ

အမေရိကန်သမ္မတ ဒေါ်နယ်လ်ဒ် ထရမ့်ပ်။
မြောက်ကိုရီးယားကို ရေနံတွေ သင်္ဘောနဲ့ပို့ဖို့ တရုတ်က စီစဉ်ပေးနေတယ်ဆိုပြီး အမေရိကန်သမ္မတ ဒေါ်နယ်လ်ဒ် ထရမ့်ပ်က တရုတ်နိုင်ငံကို ကြာသပတေးနေ့မှာ စွပ်စွဲ ပြောဆိုလိုက်ပါတယ်။ မြောက်ကိုရီးယားကို ရေနံတင်ပို့တာ ကန့်သတ်ထားတဲ့ ကုလသမဂ္ဂရဲ့ ဒဏ်ခတ်အရေးယူမှုကို ချိုးဖောက်တာမရှိဘူးလို့ တရုတ် ဘက်က အခိုင်အမာပြောထားတဲ့ကြားမှာပဲ အခုလို စွပ်စွဲလိုက်တာပါ။

“လက်ပူးလက်ကျပ် မိလိုက်ပြီ၊ မြောက်ကိုရီးယားကို ရေနံဝင်နိုင်အောင် တရုတ်ကလုပ်ပေးနေတာ တကယ့်ကို စိတ်ပျက်စရာပဲ၊ ဒီလိုသာ ဆက်ဖြစ်နေရင် မြောက်ကိုရီးယားပြဿနာအတွက် အေးဆေးတဲ့အဖြေမျိုးဆိုတာ ဘယ်တော့မှ ရှိနိုင်မှာမဟုတ်ဘူး” လို့ သမ္မတထရမ့်ပ်က Twitter မှာရေးတာပါ။

မြောက်ကိုရီးယားက မကြာသေးခင်ကပဲ တာဝေးဒုံးကျည် ပစ်လွှတ်စမ်းသပ်တာကို တုန့်ပြန်တဲ့အနေနဲ့ မြောက်ကိုရီးယားကိုဝင်တဲ့ ရေနံကို ကန့်သတ်ဖို့ရည်ရွယ်တဲ့ ဒဏ်ခတ်အရေးယူမှုအသစ်တွေကို ပြီးခဲ့တဲ့သီတင်းပတ်မှာပဲ ကုလသမဂ္ဂ လုံခြုံရေးကောင်စီက ချမှတ်ခဲ့တာပါ။

နိုဝင်ဘာလတုန်းက မြောက်ကိုရီးယား စမ်းသပ်ပစ်လွှတ်ခဲ့တဲ့ နောက်ဆုံးထုတ် တိုက်ချင်းပစ် ပဲ့ထိန်းဒုံးကျည်ဟာ အမေရိကန်နိုင်ငံ ရဲ့ ဘယ်နေရာကိုမဆို ထိမှန်အောင်ပစ်နိုင်စွမ်းရှိတယ်လို့ အမေရိကန်ကျွမ်းကျင်သူ အများအပြားက သတိပေးထားပါတယ်။

မြောက်ကိုရီးယားအပေါ် ချမှတ်ထားတဲ့ ဆုံးဖြတ်ချက်တွေအကုန်လုံးကို လိုက်နာလုပ်ဆောင်နေတယ်လို့ တရုတ်က အကြိမ်ကြိမ် ပြောထားပေမဲ့ အားနည်းချက်တွေ ဆက်ရှိနေတုန်းပဲလို့ အမေရိကန်၊ တောင်ကိုရီးယားနဲ့ ဂျပန်တို့က သံသယရှိကြပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ