မြောက်ဦးမြို့အဝင် ကားလမ်းရှိ သံတံတားတစ်စင်းတွင် မိုင်းတွေ့ရှိ


ရခိုင်ပြည်နယ်၊ မြောက်ဦးမြို့အဝင် စစ်တွေ-ရန်ကုန် ကားလမ်းရှိ သံတံတားတစ်စင်းမှာ ဒီဇင်ဘာ(၇)ရက် နေ့လယ်(၁၁)နာရီခန့်က မိုင်းတွေ့ရှိတယ်လို့ ရခိုင်ပြည်နယ် ရဲတပ်ဖွဲ့မှူးရုံးက သိရပါတယ်။

 မြောက်ဦးမြို့နယ် ရဲတပ်ဖွဲ့ဝင်တွေဟာ လမ်းကြောင်းဆောင်ရွက်နေစဉ် စစ်တွေ-ရန်ကုန် ကားလမ်း မိုင်တိုင်အမှတ်(၁၁၃)မိုင်နဲ့ (၁၁၃)မိုင်(၁)ဖာလုံအကြားရှိ သံတံတားအမှတ်(၇/၁၁၂)မှာ တံတားသံပေါင်ရဲ့အောက်တစ်ဖက် တစ်ချက်မှာဝါယာကြိုးနှစ်ပင်လိမ်နဲ့ ဘက်ထရီအိုးကို သွယ်တန်းထားတဲ့ မသင်္ကာဖွယ်ရာမိုင်းလို့ ယူဆရတဲ့ပစ္စည်း(၂)ခုကို စစ်ဆေးတွေ့ရှိခဲ့တာ ဖြစ်တယ်လို့သိရပါတယ်။

ဆက်လက်ပြီး အခင်းဖြစ်ပွားတဲ့နေရာကို မြောက်ဦးခရိုင်ရဲမှူး၊ မြောက်ဦးမြို့နယ်ရဲမှူးနဲ့ ရဲတပ်ဖွဲ့ဝင်တွေဟာ ခမရ(၅၄၀)က ဗိုလ်ကြီးသက်အောင်ဦးစီးတဲ့ တပ်မတော်သားတွေနဲ့အတူ စစ်တွေ-ရန်ကုန် ကားလမ်းကို ယာယီလမ်းပိတ်ထားကာ အခင်းဖြစ်ပွားရာ ပတ်ဝန်းကျင်ကိုက်(၃၀၀)အတွင်း မိုင်းရှင်းလင်းရေးလုပ်ငန်းတွေ ဆောင်ရွက်နေပါတယ်။

 အဲဒီမိုင်းတွေ့ရှိခဲ့တဲ့ တံတားနေရာကို အန္တရာယ်ရှိဇုန်အဖြစ်သတ်မှတ်ကာ ဆောင်ရွက်နေတယ်လို့လည်း သိရပါတယ်။ ဒီသတင်းကို စစ်တွေဗျူရိုက ကျော်လွင်ပေးပို့ထားတာပါ။

Central News Bureau
https://www.facebook.com/skynetcnb

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ