အိန္ဒိယ နိုင်ငံ တွင် ခရီးသည်တင် သင်္ဘော တစ်စင်း တိမ်းမှောက်နစ်မြုပ် ခဲ့ရာ လူပေါင်း အနည်းဆုံး ၁၄ ဦး သေဆုံး

Boat accidents are common in India, mainly because of overcrowding, poor maintenance and lax safety on ferries (AFP Photo/Sanjay Kanojia)
   နယူးဒေလီ ၊ နိုဝင်ဘာ ၁၃ ရက် (ဆင်ဟွာ)

    အိန္ဒိယ နိုင်ငံ တွင် ခရီးသည်တင် သင်္ဘော တစ်စင်း သည် နိုဝင်ဘာ ၁၂ ရက်နေ့ ညပိုင်း အချိန်က Andhra ပြည်နယ် Vijayawada ဒေသ ရှိ Krishna မြစ်အတွင်း တိမ်းမှောက် ခဲ့သဖြင့် လူ အနည်းဆုံး ၁၄ ဦး သေဆုံး ခဲ့ရကြောင်း သိရှိရသည်။

အိန္ဒိယ နိုင်ငံ သတင်း မီဒီယာ များ၏ ဖော်ပြချက်အရ သင်္ဘော တိမ်းမှောက်မှု သည် ဒေသစံတော်ချိန် ၁၂ ရက်နေ့ ညနေ ၅ နာရီ ၄၅ မိနစ် ခန့်တွင် ဖြစ်ပွား ခဲ့ခြင်း ဖြစ်ပြီး အခင်းဖြစ်ပွား ရသည့် အကြောင်းရင်း မှာ သင်္ဘော ကွေ့စဉ် အတွင်း အရာဝတ္ထု တစ်ခုခု နှင့် တိုက်မိ၍ တိမ်းမှောက် ခဲ့ခြင်း ဖြစ်ကြောင်း ရေးသား ဖော်ပြ ခဲ့ကြသည်။

Andhra ပြည်နယ် အစိုးရ အရာရှိ တစ်ဦး က လက်ရှိချိန်တွင် လူပေါင်း ၂၀ ကို ကယ်တင် နိုင်ခဲ့ပြီး ဖြစ်ကြောင်း ပြောကြား ခဲ့သည်။ ကယ်တင် ခံခဲ့ရသည့် ခရီးသည် တစ်ဦး က အခင်းဖြစ်ပွား ချိန်မှာ သင်္ဘော က ဆိပ်ကမ်း ရောက်တော့မည့် အချိန်တွင် ဖြစ်ပွား ခဲ့ခြင်းဖြစ်ပြီး အခင်းဖြစ်ပွား စဉ် သင်္ဘော ပေါ်တွင် ခရီးသည် ၃၈ ဦး လိုက်ပါခဲ့ကာ အသက်ကယ် အင်္ကျီ များ ဝတ်ဆင် ခဲ့ခြင်း မရှိကြောင်း ပြောကြား ခဲ့သည်။

ရဲတပ်ဖွဲ့၏ ပြောကြား ချက်အရ အခင်းဖြစ်ပွား ခဲ့သည့် သင်္ဘော သည် ပုဂ္ဂလိက ကုမ္ပဏီ တစ်ခု မှ ပိုင်ဆိုင်သည့် သင်္ဘော တစ်စင်း ဖြစ်ပြီး လုပ်ငန်း လိုင်စင် လျှောက်ထားခြင်း မရှိကြောင်း သိရှိခဲ့ရသည်။

သတင်းဖော်ပြချက်များ အရ ဒေသတွင်း အစိုးရ က လူပေါင်း ၁၀၀ ကျော် ကို ကယ်ဆယ်ရေး လုပ်ငန်း ဆောင်ရွက်ရန် စေလွှတ် ခဲ့ပြီး အခင်းဖြစ်ပွား ရသည့် အကြောင်းရင်း နှင့် ပတ်သက်၍ စုံစမ်း စေခဲ့ကြောင်း သိရှိခဲ့သည်။

(Xinhua)
http://www.xinhuamyanmar.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ