 |
| ကချင်ပြည်နယ်အစိုးရအဖွဲ့ပြောရေးဆိုခွင့်ရှိသူ၊ ပြည်နယ်ဥပဒေချုပ် ဦးဒီဆင်ရမ်ကို ၂၀၁၇ ခုနှစ် နိုဝင်ဘာလ ၈ ရက်နေ့က တွေ့ရစဉ်။ Photo: Kyaw Myo Min/ RFA |
လိုင်စင်မဲ့ကားတွေကို ဘယ်အဖွဲ့အစည်းမှ လက်ဝယ်ထားခွင့်မရှိကြောင်း ကချင်ပြည်နယ်အစိုးရအဖွဲ့ ပြောရေး ဆိုခွင့်ရှိသူ၊ ပြည်နယ်ဥပဒေချုပ် ဦးဒီဆင်ရမ် က ပြောပါတယ်။
"ဥပဒေအရကတော့ ကျနော်တို့က ဒါအစိုးရက သိမ်းရမယ့်ကားတွေဖြစ်ပါတယ်။ သို့သော်လည်း တစ်ဆင့်နဲ့ တစ်ဆင့် ဆောင်ရွက်နေတဲ့လုပ်ငန်းဖြစ်ပါတယ်။ ပြည်ထောင်စုအစိုးရကတော့ Without ကားကတော့ နဂိုကတည်းကဖမ်းဖို့ ညွှန်ကြားထားပြီးသားပါ။ ဒါက ကချင်ပြည်နယ်ရဲ့ အစီအစဉ်အရ တစ်ဆင့်ပြီးတစ်ဆင့် ဆောင်ရွက်နေတဲ့လုပ်ငန်းဖြစ်ပါတယ်။ လိုင်စင်မဲ့ကားကတော့ ဘယ်အဖွဲ့အစည်းမှ လက်ဝယ်ထားခွင့်တော့ မရှိပါဘူး။ ဥပဒေကလည်းခွင့်ပြုမှာမဟုတ်ပါဘူး။ ဒီတရားမဝင်တဲ့ကားတွေ လက်ဝယ်ရှိတဲ့လူတွေက ဥပဒေဘောင်ကနေ ကျော်လွန်းသွားတယ်ဆိုရင် ကိုယ့်ကိုယ်ကိုယ်သိဖို့လိုပါတယ်။ ဒီဥပဒေအထက်မှာ ဘယ်သူမှမရှိပါဘူးဆိုတဲ့အတိုင်း ကျနော်တို့ကဆောင်ရွက်မှာဖြစ်ပါတယ်"
တရားမဝင် လိုင်စင်မဲ့မော်တော်ယာဉ်တွေကိုသိမ်းဖို့ ပြည်ထောင်စုအစိုးရက ညွှန်ကြားထားပြီးဖြစ်တဲ့အတွက် ပြည်နယ်အစိုးရက အများပြည်သူတွေကို အသိပေးပြီး ဖမ်းဆီးအရေးယူဖို့ အဆင့်လိုက်ဆောင်ရွက်နေတာလို့ ဆိုပါတယ်။
လိုင်စင်မဲ့မော်တော်ယာဉ်တွေကို အသုံးပြုပြီး တရားမဝင်ကုန်ပစ္စည်းနဲ့ မူးယစ်ဆေးဝါးတွေသယ်ယူ ရောင်းဝယ်မှု တွေရှိနေသလို ယာဉ်တိုက်မှုတွေလည်း မကြာခဏဖြစ်နေတယ်လို့ သိရပါတယ်။
လောလောဆယ်မှာ နိုဝင်ဘာလ ၁ ရက်နေ့ကစပြီး မြို့နယ်တစ်ခုကနေ တစ်ခုကို ဖြတ်ကျော်မောင်းနှင်ခွင့် မပြုတော့ဘဲ တားမြစ်ထားတဲ့ အခြေအနေဖြစ်ပါတယ်။
ပြည်နယ်အတွင်းမှာ စစ်ဘက်နဲ့ အစိုးရဝန်ထမ်းတချို့၊ လူမှုအဖွဲ့အစည်းတချို့နဲ့ လက်နက်ကိုင်အဖွဲ့တွေအပါအဝင် အများပြည်သူတွေထဲမှာလည်း လိုင်စင်မဲ့မော်တော်ယာဉ်တွေကို အသုံးပြုမှုတွေရှိနေတာဖြစ်ပါတယ်။
ပြည်နယ်ကုန်းလမ်းပို့ဆောင်ရေးညွှန်ကြားမှုဦးစီးဋ္ဌာနရဲ့ နောက်ဆုံးစာရင်းတွေအရ တစ်ပြည်နယ်လုံးမှာ လည်ပတ်အသုံးပြုနေတဲ့ မော်တော်ကား၊ ဆိုင်ကယ် နဲ့ ယာဉ်ယန္တရားစက်မျိုးစုံ စုစုပေါင်း အစီးရေ တစ်သိန်းကျော်ကို တရာဝင်းလိုင်စင်ပြုလုပ်ပြီး မှတ်ပုံတင်ထားကြောင်း သိရပါတယ်။
RFA Burmese
http://www.rfa.org/burmese
လိုင်စင်မဲ့မော်တော်ယာဉ်တွေကို အရေးယူမည်
Reviewed by THITHTOOLWIN
on
20:01
Rating:
Reviewed by THITHTOOLWIN
on
20:01
Rating:
