တက္ကဆက်စ်ပစ်ခတ်မှု ၂၆ ယောက်ထက်မနည်းသေဆုံး

သေနတ်ပစ်ခတ်မှုဖြစ်ပွားခဲ့သည့် Sutherland Springs မြို့က First Baptist ဘုရာကျောင်း
အမေရိကန်ပြည်ထောင်စုမှာ လူအများအပြားကို သေနတ်နဲ့ ပစ်ခတ်မှု နောက်တကြိမ် ဖြစ်ပွားခဲ့ပြီး အနည်းဆုံး လူပေါင်း ၂၆ ယောက် သေဆုံးကာ ၂၀ ကျော် ဒဏ်ရာရရှိသွားပါတယ်။ ပစ်ခတ်မှုဟာ Taxas ပြည်နယ်အတွင်းက မြို့ငယ်လေးတမြို့ရဲ့ ဘုရားရှစ်ခိုးကျောင်း ထဲမှာ တနင်္ဂနွေနေ့က ဖြစ်ပွားခဲ့တာပါ။

San Antonio မြို့ကနေ မိုင် ၃၀ ခန့်အကွာမှာရှိတဲ့ Sutherland Springs မြို့က First Baptist ဘုရာကျောင်းအတွင်း ၀တ်ပြုဆုတောင်းပွဲကျင်းပနေချိန်မှာ သေနတ်သမားက လူတွေကို ပစ်ခတ်ခဲ့တာဖြစ်ပါတယ်။ သေနတ်သမားလည်း သေဆုံးသွားတယ်လို့ ရဲတပ်ဖွဲ့ကပြောပါတယ်။

ဒဏ်ရာရသူတွေထဲမှာ အသက် ၂ နှစ်အရွယ် ကလေးငယ် တဦးပါဝင်တယ်လို့ သတင်းတွေမှာ ဖေါ်ပြကြပါတယ်။

အခင်းဖြစ်ပွားတဲ့ နေရာကို ရဲနဲ့လူနာတင်ယာဉ်တွေ အလျှင်အမြန်သွားရောက်ခဲ့ကြပြီး FBI အဖွဲ့ကကျွမ်းကျင်သူတွေ တခြားတာဝန်ရှိသူတွေ ပူးတွဲပြီး စုံစမ်းစစ်ဆေးမှုတွေ ပြုလုပ်နေပါတယ်။ Sutherland Springs မြို့ဟာ လူဦးရေ ၆၀၀ လောက်သာရှိတဲ့ မြို့ငယ်လေးတမြို့ဖြစ်ပါတယ်။

အာရှ ၅ နိုင်ငံ ခရီးစဉ်ရဲ့ ပထမခရီးတထောက် အဖြစ် ဂျပန်နိုင်ငံမှာ ရောက်ရှိနေတဲ့ သမ္မတ ဒေါ်နယ်ထရမ့် က သူ့အနေနဲ့ အခြေအနေကို စောင့်ကြည့်နေကြောင်း Sutherland Springs ပြည်သူတွေနဲ့ အတူ ဘုရားသခင်ရှိနေပါစေလို့ တွီတာလူမှုကွန်ယက်ပေါ်မှာ ရေးသားလိုက်ပါတယ်။

ဘုရားကျောင်းက အပတ်စဉ် ၀တ်ပြုပွဲအစီအစဉ် ကို ယူကျူ့ အင်တာနက်ပေါ်ကနေ ထုတ်လွှင့်ကြောင်း၊ ဒါကြောင့် ပစ်ခတ်သတ်ဖြတ်နေတာကို ကင်မရာနဲ့ မှတ်တမ်းတင် ထားဖွယ်ရှိတယ်လို့ မီဒီယာတွေမှာ ဖေါ်ပြကြပါတယ်။

သေနတ်သမားဟာ ဘယ်လိုအကြောင်းနဲ့ အခုလိုပစ်ခတ်ရတယ်ဆိုတာ မသိရသေးဘူးလို့ FBI ကပြောပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ