ဘင်္ဂလာဒေ့ရ်ှသို့ ထွက်ခွာနေကြသူများမှာ ၎င်းတို့နေရပ်ရင်းသို့ ပြန်သူများသာ ဖြစ်သည်ဟုဆို


နိရဉ္စရာ၊ နိုဝင်ဘာ ၁၁

ယခု မြန်မာနိုင်ငံ မောင်တောဘက်မှနေ ဘင်္ဂလာဒေ့ရ်ှသို့ သွားနေကြသည့် ဘင်္ဂလီလူမျိုးများမှာ ၎င်းတို့၏ နေရပ်ရင်းသို့ ၎င်းတို့၏ ဆန္ဒအလျောက် ပြန်နေကြသူများသာဖြစ်သည်ဟု ရခိုင်ပြည်နယ် အစိုးရအဖွဲ့ အတွင်းရေးမှူး ဦးတင်မောင်ဆွေက ပြောကြားသည်။

နိရဉ္စရာ သတင်းဌာနမှ မောင်တောတောင်ပိုင်း အလယ်သံကျော်ပင်လယ်ကမ်းခြေတွင် ဘင်္ဂလီလူမျိုး ၄၀၀၀ ခန့် ဘင်္ဂလာဒေ့ရ်ှသို့ ထွက်ခွာရန် စုရုံးရောက်ရှိနေခြင်းနှင့် ပတ်သက်ပြီး မေးမြန်းစဉ် ဦးတင်မောင်ဆွေက ထိုသို့ ပြောကြားခြင်း ဖြစ်သည်။

“ ထွက်ပြေးနေကြတာ မဟုတ်ပါဘူး။ ထွက်ပြေးတယ်ဆိုတာ ဒီကနေ လိုက်ထုတ်တယ်လို့ အဓိပ္ပါယ် ရပါတယ်။ သူတို့ကို ဘယ်သူကမှ လိုက်မထုတ်ဘူး။ အေးအေးဆေးဆေးနေလို့ရတယ်။ ဒါကို သူတို့က သွားနေကြတာဆိုတော့ ကျွန်တော်တို့ကတော့ သူတို့ရဲ့ နေရပ်ရင်းကို သူတို့ဆန္ဒနဲ့ သူတို့ ပြန်နေကြတာသာ ဖြစ်တယ်လို့ ပြောလိုပါတယ်။ ဒါကြောင့် နေရပ်ပြန်သူများလို့သာ သုံးစေလိုပါတယ်။ သူတို့က သူတို့ သဘောနဲ့ သူတို့ ကိုယ့်မူလ နေရပ်ကို ပြန်နေကြတာသာ ဖြစ်တဲ့ အတွက် လူ့အခွင့်အရေးကို လေးစားလိုက်နာပြီး မသွားနဲ့လို့ တားဆီးစရာ အကြောင်း မရှိပါ” ဟုသူက ပြောကြားသည်။

ယခုအခါ မောင်တောမြို့နယ် တောင်ပိုင်း အလယ်သံကျော်အနီးရှိ လေယာဉ်ကွင်း ကျေးရွာအနီးတွင် တစ်ဖက်နိုင်ငံ ဘင်္ဂလာဒေ့ရ်ှသို့ ထွက်ခွာသွားရန် စောင့်ဆိုင်းနေသူ ဘင်္ဂလီ လူမျိုး ၄၀၀၀ ခန့်ရှိနေသည်ဟု သိရသည်။

“ ကျွန်တော်တို့ သတင်းရတာက ဒီလ ၆ ရက်နေ့ကတည်းကနေ ဘူးသီးတောင်မြို့နယ် ကျောင်းတောင်၊ စိမ်းညှင်းပြား ဘင်္ဂလီရွာတွေက နေရပ်ပြန်လို လူပေါင်း ၄၀၀၀ လောက် ရောက်နေတယ်လို့ သိရပါတယ်။ ဟိုဘက်ကနေ စက်လှေ လာမယူတဲ့ အတွက် ဖောင်ဖွဲ့ ပြီး ထွက်သွားကြဖို့ လုပ်နေကြတယ်လို့ သတင်းရပါတယ်” ဟု ဦးတင်မောင်ဆွေက ပြောကြားသည်။

အဆိုပါ ကိစ္စနှင့် ပတ်သက်ပြီး အလယ်သံကျော် ကျေးရွာ အုပ်ချုပ်ရေးမှူးအား ဆက်သွယ်မေးမြန်းရာ ယခု ရောက်ရှိလာသူ ဘင်္ဂလီများမှာ ဘူးသီးတောင်မြို့နယ် တောင်ပိုင်းမှဟု သိရကြောင်း၊ ယခင်တစ်ရက်နှစ်ရက်ခန့်က လူပေါင်း ၄၀၀၀ ကျော်ရှိခဲ့ပြီး ယခုအခါ ရရာ စက်လှေများဖြင့် ထွက်ခွာနေကြသဖြင့် လူပေါင်း ၂၀၀၀ ကျော် ကျန်ရှိနေသေးသည်ဟု သိရကြောင်း၊ အလယ်သံကျော် လေယာဉ်ကွင်းဘင်္ဂလီရွာအနီး ပင်လယ်ကမ်းခြေတွင် တဲထိုးနေထိုင်နေကြသည်ဟု သိရှိရကြောင်း ပြောကြားသည်။

ယခုအချိန်ထိ တစ်ဖက်နိုင်ငံသို့ ထွက်ခွာရန် အုပ်စုလိုက် တစ်သုတ်ပြီး တစ်သုတ် အလယ်သံကျော် ပင်လယ် ကမ်းခြေသို့ ရောက်ရှိလာနေပြီး တစ်ဖက်နိုင်ငံသို့ မထွက်ခွာမီ ၎င်းတို့၏ လိုအပ်သည့် စားနပ်ရိက္ခာများကို ကမ္ဘာကြက်ခြေနီအဖွဲ့ အိုင်စီအာရ်စီမှ ထောက်ပံ့ပေးထားသည်ဟု အလယ်သံကျော် အုပ်ချုပ်ရေးမှူးက ပြောကြားသည်။

Narinjara
https://www.facebook.com/Narinjara

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ