ပုပ်ရဟန်းမင်းကြီးကို ကက်သလစ်ဘာသာဝင် သောင်းနဲ့ချီ ကြိုဆို

ရန်ကုန်မြို့ကိုရောက်ရှိလာတဲ့ ပုပ်ရဟန်းမင်းကြီး ဖရန်စစ်ကို နိုဝင်ဘာလ ၂၇ ရက်နေ့က တွေ့ရစဉ် / Photo: Htet Arkar/ RFA
ဒီနေ့ မြန်မာနိုင်ငံကို ရောက်ရှိလာတဲ့ ပုပ်ရဟန်းမင်းကြီး Francis ကို သောင်းနဲ့ချီတဲ့ ကက်သလစ်ဘာသာဝင်တွေက သတ်မှတ်ထားတဲ့နေရာ ၆ ခုမှာ  ကြိုဆိုခဲ့ကြပါတယ်။

ပုပ်ရဟန်းမင်းကြီး Francis ဟာ ၄ ရက်တာ ကြာမြင့်မယ့် သမိုင်းဝင်ခရီးစဉ်အဖြစ် ဒီနေ့ ရောက်ရှိလာတာ ဖြစ်ပါတယ်။ ပုပ်ရဟန်းမင်းကြီးကို တိုင်းရင်းသားရိုးရာအကတွေ တီးခတ်ဖျော်ဖြေမှုတွေနဲ့ လာရောက်ကြိုဆိုခဲ့ကြတာ ဖြစ်ပါတယ်။

လေဆိပ်ကနေ အနားယူမယ့်နေရာဖြစ်တဲ့ သိမ်ဖြူလမ်းတစ်လျှောက်မှာ ရန်ကုန်လေဆိပ်ရှေ့၊ ပြည်လမ်းပေါ်က ၉ မိုင်၊ ၇ မိုင်၊ တံတားဖြူ၊ ရန်ကုန်တိုင်းဒေသကြီးအစိုးရရှေ့နဲ့ ဗိုလ်ချုပ်လမ်းမပေါ် ဆာကူရာတာဝါရှေ့တို့မှာ နေရာ ၆ နေရာ သတ်မှတ်ထားတာဖြစ်ပါတယ်။

ပုပ်ရဟန်းမင်းကြီးရဲ့ မြန်မာနိုင်ငံခရီးစဉ်အပေါ် ငြိမ်းချမ်းရေးရရှိဖို့၊ ဘာသာပေါင်းစုံငြိမ်းချမ်းဖို့ ကြိုဆိုသူတွေက မျှော်လင့်နေကြပါတယ်။

ပုပ်ရဟန်းမင်းကြီး Francis ဟာ နိုဝင်ဘာလ ၂၈ ရက်နေ့ မနက်ဖြန်မှာ နေပြည်တော်ကိုသွားရောက်မှာဖြစ်ပြီး နိုင်ငံတော်သမ္မတ၊ နိုင်ငံတော် အတိုင်ပင်ခံပုဂ္ဂိုလ်၊ အစိုးရအဖွဲ့ဝင်တွေ၊ သံတမန်တွေနဲ့တွေ့ဆုံမှာဖြစ်ပြီး နေပြည်တော် မြန်မာ ကွန်ဗင်းရှင်းစင်တာ(၂)မှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့အတူ မိန့်ခွန်းပြောကြားမှာဖြစ်ပါတယ်။

ပုပ်ရဟန်းမင်းကြီးဟာ နိုဝင်ဘာလ ၂၉ ရက်နေ့မှာ တာမွေမြို့နယ်မှာရှိတဲ့ ကျိုက္ကစံအားကစားကွင်းမှာ တစ်နိုင်ငံလုံးက ကက်သလစ်ဘာသာဝင်တွေနဲ့ တွေ့ဆုံပြီး ဆုတောင်းမေတ္တာပို့မှာဖြစ်ကာ နိုင်ငံတော်သံဃာ့ မဟာနာယက ဆရာတော်တွေ၊ ဘာသာရေး ခေါင်းဆောင်တွေ၊ လူငယ်တွေနဲ့ တွေ့ဆုံမှာဖြစ်ပါတယ်။

မြန်မာနိုင်ငံမှာ ရိုမန်ကက်သလစ်ဘာသာဝင်တွေနဲ့ တွေ့ဆုံပြီးတဲ့နောက် ပုပ်ရဟန်းမင်းကြီးဟာ ဘင်္ဂလားဒေ့ရ်ှနိုင်ငံကို ဆက်လက်ထွက်ခွာမှာဖြစ်ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ