ဝန်ကြီးမိသားစုပိုင်ဟိုတယ်မှာ အနိမ့်ဆုံး လုပ်ခလစာ မရတဲ့ကိစ္စ ညှိနှိုင်းပြေလည်

မော်လမြိုင်မြို့က တော်ဝင်ဟင်္သာ ဟိုတယ်ကို တွေ့ရစဉ်။ Photo: Kyaw Lwin Oo/RFA
မွန်ပြည်နယ် မော်လမြိုင်မြို့က ပြည်ထောင်စု တိုင်းရင်းသားရေးရာဝန်ကြီး နိုင်သက်လွင် မိသားစုပိုင်ဆိုင် တဲ့ တော်ဝင်ဟင်္သာဟိုတယ်က ဝန်ထမ်းတွေ အနိမ့်ဆုံးအခကြေးငွေနဲ့ညီတဲ့ လုပ်ခလစာမရတာနဲ့ အချိန်ပိုကြေး အပြည့်မရတာတွေနဲ့ ပတ်သက်ပြီး အလုပ်သမားဦးစီးဌာနက ဒီကနေ့ ညှိနှိုင်းပြင်ဆင်ပေးလိုက်ပါတယ်။

အရင်က ဟိုတယ်က ဝန်ထမ်းအချို့ကို လစာအဖြစ် တစ်လကို ကျပ်ငွေ ၈ သောင်းပဲ ပေးခဲ့တဲ့အပြင် ဧည့်သည်တွေဆီက ကျသင့်ငွေရဲ့ ၁၀ ရာခိုင်နှုန်း ကောက်ခံထားတဲ့ ၀န်ဆောင်ခ service money ကိုလည်း ၀န်ထမ်းတွေကို ၅ ရာခိုင်နှုန်းသာပေးတာကြောင့် အလုပ်သမားဦးစီးဌာနကို တိုင်ကြားခဲ့တာလို့ ဟိုတယ် ဝန်ထမ်းတစ်ဦးက ပြောပါတယ်။

ဒီလိုတိုင်ကြားခဲ့တာကြောင့် အလုပ်သမားဦးစီးဌာနက သွားရောက်စစ်ဆေးခဲ့ပြီး ညှိနှိုင်းခဲ့ပြီး အဆင်ပြေသွား တာ ဖြစ်ပါတယ်။

အလုပ်ရှင်ဘက်က အလုပ်သမား ဦးစီးဌာနကို သွားရောက်တိုင်တန်းခဲ့တဲ့ ဟိုတယ်ဝန်ထမ်း ၂၀ကျော်အပြင် ကျန်ရှိနေတဲ့ ဝန်ထမ်းတွေကိုပါ အခြေခံလစာဖြစ်တဲ့ တစ်ရက် ၃၆၀၀ နှုန်းပြည့်အောင် ဖြည့်ပေးတာနဲ့ အရင်က တစ်နာရီကို ၅၀၀ ကျပ်သာပေးခဲ့တဲ့ အချိန်ပိုလုပ်အားခကြေးကို ၉၀၀ အဖြစ် တွက်ချက်ပြီး လိုအပ်တဲ့ငွေကို လုပ်သက်အလိုက် ပြန်လည်တွက်ချက်ပေးတာတွေ ပြုလုပ်ခဲ့ပါတယ်။

ဟိုတယ်ဘက်ကိုမေးမြန်းရာမှာ ပိုင်ရှင်ခရီးထွက်သွားတာကြောင့် ဖြေကြားပေးမယ်သူမရှိဘူးလို့ ပြောပါတယ်။

ဒီတော်ဝင်ဟင်္သာဟိုတယ်မှာ ဝန်ထမ်းတစ်ရာကျော်ရှိကာ၂၀၁၆ခုနှစ် နိုဝင်ဘာလ ၅ ရက်နေ့က ဖွင့်လှစ်ခဲ့တာဖြစ်ပြီး တိုင်ရင်းသားရေးရာဝန်ကြီး နိုင်သက်လွင်မိသားစု ပိုင်ဆိုင်တာလို့ သိရပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ