Former Chairman of NLD U Aung Shwe |
ဒေါက်တာမေ၀င်းမြင့်။ ။ ၉ နာရီ ၃၆ မိနစ်မှာ ဆုံးသွားပါပြီ။
သိင်္ဂီထိုက်။ ။ သမ္မတကြီး လာကြည့်တာ ဒီကနေ့ပါလား။
ဒေါက်တာ မေ၀င်းမြင့်။ ။ ဒီကနေ့ပါရှင့်။ ဒီကနေ့ ပြီးခဲ့တဲ့ ၂ နာရီ မိနစ် ၂၀ ၊ ၂၅ လောက်တုန်းက အဲဒီတုန်းက လာပါတယ်။
သိင်္ဂီထိုက်။ ။ သူနဲ့ ပတ်သက်လို့ အခု ပါတီဘက်ကရော၊ ဒေါ်အောင်ဆန်းစုကြည်ဘက်ကရော။ ဘာတွေများ ဆောင်ရွက်နေတာ ရှိပါလဲ။
ဒေါက်တာ မေ၀င်းမြင့်။ ။ အခုဆုံးတဲ့ အချိန်က ဘယ်လိုပြောမလဲ မိုးလည်းအရမ်းချုပ်နေပြီလေ။ သက်ဆိုင်ရာကို သတင်းပို့ပြီးသွားပြီ။ စီစဉ်တာတော့ ပါတီဘက်ကဘဲ စီစဉ်မှာ ဖြစ်ပါတယ်။ ၀န်ကြီးချုပ် ဦးဖြိုးမင်းသိန်း ဦးဆောင်ပြီးဘဲ ပါတီနဲ့ ဈာပန ကိစ္စကို လုပ်ပေးမှာ ဖြစ်ပါတယ်။ ကျမတို့ အသေးစိတ်တော့ မသိရသေးပါဘူးနော်။ သိတဲ့အခါမှ ပြောပြပါမယ်။
သိင်္ဂီထိုက်။ ။ ဆရာမ အမှတ်တရ တခုခု ပြောလို့ ရပါလား။
ဒေါက်တာ မေ၀င်းမြင့်။ ။ အန်တီတို့လည်း စိတ်မကောင်း ဖြစ်နေရတယ်ပေါ့နော်။ အန်တီကတော့ အန်ကယ်နဲ့ တောက်လျှောက် တွဲခဲ့ရတာပေါ့နော်။ တွဲပြီးလုပ်ခဲ့ရတော့ အန်ကယ်က ၁၉၉၀ ပြည့်နှစ် မရမ်းကုန်းမြို့နယ် အမှတ် ၁ ကိုယ်စားလှယ်ပေါ့နော်။ မရမ်းကုန်းမြို့နယ် ကိုယ်စားလှယ် ဖြစ်တဲ့ အခါကျတော့ တောက်လျှောက်တွဲခဲ့ရတယ်။ အဲဒီ အချိန်တုန်းက ဒေါ်အောင်ဆန်းစုကြည်က နေအိမ်အကျယ်ချုပ်ကျတယ်။ အဲဒီအခါမှာ အင်မတန် ခက်ခဲ ကြမ်းတမ်းတဲ့ ကာလ တခုလုံးကို အန်ကယ် ဦးအောင်ရွှေက ဥက္ကဌ အဖြစ်နဲ့ အဖွဲ့ချုပ်ရဲ့ အလံ၊ ဆိုင်းဘုတ် မကျအောင် ကြံ့ကြံ့ခံ ရပ်တည်ပေးခဲ့တဲ့ ခေါင်းဆောင်ကောင်း တဦး ဖြစ်ပါတယ်။
အဲဒီအခါမှာ အန်ကယ် ဟို ကျမတို့ မှတ်မှတ်ရရ ပြောမယ်ဆိုရင် ၁/ ၉၀ လက်မှတ်ထိုးတဲ့ အချိန်မှာ မကျေနပ်ပါဘူး။ ကျမတို့က ဘာကြောင့်ထိုးရလဲလို့ မေးတဲ့ အခါမှာ အန်ကယ် ပြန်ဖြေခဲ့တဲ့ စကားတခွန်း ရှိပါတယ်။ ထောင်တွင်းမှာ ကျခံနေရတဲ့ နိုင်ငံရေး အကျဉ်းသား အဖွဲ့ဝင်တွေက အဖွဲ့ချုပ် ဆိုင်းဘုတ်နဲ့ ပါတီ ရှိနေမှသာလျင် သူတို့ အတွက် ကယ်တင်နိုင်မယ်။ အဲဒီတုန်းက ၁/ ၉၀ ကို လက်မှတ်မထိုးရင် ဖမ်းမှာလေ။ ဆိုင်းဘုတ်ချပြီး လုပ်မှာဆိုတော့ ဒါကို ကြံ့ကြံ့ခံပြီး ဒါကို ရပ်တည်ပြီး အန်ကယ် လက်မှတ်ထိုးရတာ ဖြစ်ပါတယ်။ ဒါပေမယ့် အန်ကယ် စိတ်မကောင်းလွန်းလို့ အန်ကယ့် ဘောပင်နဲ့တောင် လက်မှတ် မထိုးပါဘူးတဲ့။ သူတို့ဘောပင်နဲ့ဘဲ လက်မှတ်ထိုးပါတယ် ဆိုတဲ့ စကားလေးက အခုအချိန်ထိ ကျမရင်ထဲမှာ စွဲနေတာ ရှိပါတယ်။ ဒါလေးကတော့ အမှတ်တရပေါ့နော်။
မသိင်္ဂီထိုက် / ဗွီအိုအေ (မြန်မာပိုင်း)
https://burmese.voanews.com
NLD ဥက္ကဌဟောင်း ဦးအောင်ရွှေ ကွယ်လွန်
Reviewed by THITHTOOLWIN
on
07:19
Rating: