ရခိုင်မြောက်ပိုင်း တိုက်ခိုက်မှု အမေရိကန်ရှုတ်ချ

ရခိုင်မြောက်ပိုင်း တိုက်ခိုက်မှုဖြစ်ပွားစဉ် (သြဂုတ်လ ၂၄-၂၀၁၇) သတင်းဓာတ်ပုံ နိုင်ငံတော်အတိုင်ပင်ခံရုံး
မြန်မာနိုင်ငံ၊ ရခိုင်ပြည်နယ်မြောက်ပိုင်းမှာ လုံခြုံရေးတပ်ဖွဲ့ဝင် ထိခိုက်သေဆုံးတဲ့ထိ တိုက်ခိုက်မှုအပေါ် အမေရိကန်ပြည်ထောင်စု က အပြင်းအထန် ပြစ်တင်ရှုတ်ချလိုက်ပါတယ်။

သြဂုတ်လ ၂၅ ရက်၊ သောကြာနေ့ရက်စွဲနဲ့ အမေရိကန်နိုင်ငံခြားရေးဌာနပြောခွင့်ရ Heather Nauert ရဲ့ ထုတ်ပြန်ချက်တခုထဲမှာ အဲဒီလို ပြစ်တင် ရှုတ်ချထားတာပါ။ ထိခိုက်သေဆုံးသူတွေရဲ့ မိသားစုဝင်တွေအတွက် ၀မ်းနည်းရပါကြောင်းလဲ ပြောထားပါတယ်။

နောက်ထပ် အကြမ်းဖက်တိုက်ခိုက်တာတွေ ထပ်မဖြစ်အောင်တားဆီးပြီး တိုက်ခိုက်မှုရဲ့လက်သည်တွေကို တရားဥပဒေနဲ့အညီ အရေးယူနိုင်ဖို့ အစိုးရနဲ့ လုံခြုံရေးတပ်ဖွဲ့တွေက လုပ်ဆောင်နေတာနဲ့အမျှ တရားဥပဒေစိုးမိုးမှု၊ လူ့အခွင့်အရေးနဲ့ အခြေခံ လွတ်လပ်ခွင့်တွေကို အကာအကွယ်ပေး လေးစားလိုက်နာမှု၊ ပွင့်လင်းမြင်သာရှိမှုတွေနဲ့အညီ လုပ်ဆောင်ပြီး တင်းမာတဲ့အခြေ အနေကို ပိုဆိုးစေတာမျိုး ရှောင်ရှားလိမ့်မယ်လို့ မျှော်လင့်တဲ့အကြောင်းလဲ ထုတ်ပြန်ချက်မှာ ပြောထားပါတယ်။

ငြိမ်းချမ်းရေးနဲ့ တည်ငြိမ်ရေးတို့ကိုဦးတည်ပြီး အပြောနဲ့သာမက အလုပ်နဲ့ပါ လုပ်ဆောင်သွားကြဖို့ ရခိုင်ပြည်အပါအ၀င် မြန်မာ တနိုင်ငံလုံးကလူထုကို အမေရိကန်နိုင်ငံခြားရေးဌာနက တိုက်တွန်းထားပါတယ်။

အခုလက်ရှိ ရခိုင်ပြည်နယ်မြောက်ပိုင်းမှာ အကြမ်းဖက် တိုက်ခိုက်ခံရတဲ့ အခြေအနေနဲ့ပတ်သက်ပြီး ကုလသမဂ္ဂ အတွင်းရေး မှူးချုပ် Antonio Guterres နဲ့ အတွင်းရေးမှူးချုပ်ဟောင်း ကိုဖီ အာနန်တို့ကလဲ ပြစ်တင် ရှုတ်ချထားကြပါတယ်။ ကိုဖီ အာနန် ဦးဆောင်တဲ့ ရခိုင်အရေး အကြံပေးကော်မရှင်ရဲ့ နောက်ဆုံးအစီရင်ခံစာ ထွက်လာတဲ့နေ့ ညဘက်မှာပဲ တိုက်ခိုက်မှုတွေ စဖြစ်တာပါ။ အခုချိန်ထိ သိထားရသလောက် လုံခြုံရေးတပ်ဖွဲ့တွေအပါအ၀င် စုစုပေါင်း ၁၂ ယောက်သေဆုံးထားရပြီးဖြစ်ပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ