အာရှ အိုလံပစ် အကြီးအကဲ နှုတ်ထွက်

FIFA ကမ္ဘာ့ဘောလုံးအဖွဲ့ချုပ်ကောင်စီဝင်လည်းဖြစ်၊ OCA - အာရှအိုလံပစ် ကောင်စီဝင်လည်းဖြစ်တဲ့ Sheikh Ahmad ရာထူးကနှုတ်ထွက်
FIFA ကမ္ဘာ့ဘောလုံးအဖွဲ့ချုပ်ကောင်စီဝင်လည်းဖြစ်၊ OCA - အာရှအိုလံပစ် ကောင်စီဝင်လည်းဖြစ်တဲ့ Sheikh Ahmad Al-Fahad Al-Ahmed Al-Sabah က ကမ္ဘာ့ဘောလုံးအဖွဲ့ချုပ်အတွင်း နောက်ဆုံး ဖြစ်ပေါ်နေတဲ့ လာဘ်ပေး လာဘ်ယူမှုတွေထဲမှာ သူ ပါဝင် ပတ်သက်နေတဲ့အတွက် ရာထူးအားလုံးကနေ နှုတ်ထွက်မယ်လို့ တနင်္ဂနွေနေ့မှာ ပြောကြားလိုက်ပါတယ်။

သူ့အနေနဲ့ အမှားအယွင်း တစုံတရာ ပြုလုပ်ခဲ့ခြင်းမရှိကြောင်း ကူဝိတ်နိုင်ငံသားဖြစ်တဲ့ Sheikh Ahmad က တနင်္ဂနွေနေ့မှာ ထုတ်ပြန်တဲ့ ကြေညာချက်မှာ ဖော်ပြထားပါတယ်။ FIFA အဖွဲ့ရဲ့ စာရင်းစစ်နဲ့ စည်းကမ်းထိန်းသိမ်းရေး ကော်မတီအဖွဲ့ဝင် Richard Lai ရဲ့ လာဘ်ပေး လာဘ်ယူမှုထဲမှာ Sheikh Ahmad လည်း ပါဝင်ကြောင်း ရုံးတော်ကိုတင်တဲ့ အထောက်အထားတွေမှာ ထည့်သွင်း ဖော်ပြထားတာ ဖြစ်ပါတယ်။

Guam ကျွန်း ဘောလုံးအသင်းရဲ့ ဥက္ကဋ္ဌလည်းဖြစ်တဲ့ Lai က တရားမ၀င် ငွေကြေး လွဲပြောင်း လက်ခံ ရရှိခဲ့မှုအတွက် အပြစ်ရှိကြောင်း နယူးယောက်မြို့က အမေရိကန် ခရိုင်တရားရုံးမှာ ကြာသပတေးနေ့က ၀န်ခံခဲ့တယ်လို့ အမေရိကန် အစိုးရရှေ့နေတွေက ပြောပါတယ်။ သူ့အနေနဲ့ အမေရိကန် ဒေါ်လာ ၁ သန်းနီးပါး လက်ခံရရှိခဲ့တယ်လို့ ဆိုပါတယ်။

FIFA ကမ္ဘာ့ဘောလုံးအဖွဲ့ချုပ် အုပ်ချုပ်ရေးအဖွဲ့အတွင်း ကြီးမားတဲ့ အကျင့်ပျက် ခြစားမှုတွေ ဖြစ်ပေါ်ခဲ့တဲ့အတွက် အုပ်ချုပ်ရေးကော်မတီကို ၂၀၁၅ ခုနှစ်မှာ ဖျက်သိမ်းခဲ့ပြီး ကော်မတီအသစ်ကို ပြန်လည် ဖွဲ့စည်းခဲ့ပါတယ်။

Sheikh Ahmad အနေနဲ့ ရာထူးက အခုလို နှုတ်ထွက်သွားတဲ့အတွက် ကျေးဇူးတင်ကြောင်း FIFA ဥက္ကဋ္ဌ Ganni Infantino က ပြောပါတယ်။

ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ