လက်ဆေးကန်အသွား ဘုရားဖူးကားမှောက် (၃)ဦးသေ၊ (၂၅)ဦးခန့် ဒဏ်ရာရ


ဧပြီ(၁၈)၊၂၀၁၇။

စစ်ကိုင်းတိုင်းဒေသကြီး၊ မော်လိုက်မြို့နယ်အတွင်းရှိ လက်ဆေးကန်သို့ ဘုရားဖူးသွားသည့်ကားတစ်စီးသည် ဧပြီ ၁၈ ရက်၊နံနက် ၈ နာရီခန့်က မှောက်သွားသဖြင့် (၃)ဦးသေဆုံးပြီး၊ ဒဏ်ရာရရှိသူ(၂၅)ဦးခန့် ရှိကြောင်း သိရသည်။

ကားမှောက်ပြီးကားပိကာသေဆုံးနေသည်မှာ အမျိုးသားတစ်ဦးနှင့် အမျိုးသမီးနှစ်ဦး ဖြစ်ကြောင်း၊ စစ်ကိုင်းတိုင်းဒေသကြီး၊ ခမ်းပတ်မြို့နယ်၊ မလူကျေးရွာမှ ဘုရားဖူးသွားသည့် ကားဖြစ်ကြောင်းသိရသည်။

``လမ်းအတက်မှာ ကားက နောက်ပြန်လိမ့်ပြီး လမ်းဘေးမြောင်း ထဲထိုးကျပြီး မှောက်တယ်လို့ပြောတယ်။ ကားပေါ်မှာက လူအယောက်(၄၀)လောက်ပါတယ်။ ဒဏ်ရာရသူတွေကိုတော့ ကလေးမြို့ ပြည်သူ့ဆေးရုံကြီးကို ပို့ထားပြီးပါပြီ။ ကားပိပြီးသေဆုံးနေတဲ့ အလောင်းတွေကိုတော့ ဆွဲထုတ်နိုင်ဖို့ လုပ်နေကြပါတယ်´´ဟု ကလေးမြို့နယ်၊ စခန်းကြီးကျေးရွာ ရဲစခန်းမှူး ရဲအုပ်ထွန်းထွန်းလွင်ကပြောသည်။

ကားမှောက်သည့်နေရာမှာ ကလေးမြို့နယ်၊ ကံအောင် ကျေးရွာအနီး ကလေး-မော်လိုက်ကြီးသွားကားလမ်းပေါ်ရှိ မော်လိုက်တောင် အတက်နေရာတွင် ဖြစ်ပွားခဲ့ခြင်း ဖြစ်ကြောင်း၊ အသက်(၂၇)နှစ်ရွယ် ယာဉ်မောင်း ကိုခင်ဇော်မိုးမောင်းနှင်ခဲ့သည့် 6J-7149 ၊SKAT ကား အနီရောင်ဖြစ်ကြောင်း သိရသည်။

ကျော်သူစိုး(ကလေးမြို့)
ကလေးမြို့ မီဒီယာ
https://www.facebook.com/KalaymyoMedia/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ